Ըստ ժողովրդի վարչապետի՝ սրանք տեղ ունեն Նոր Հայաստանում, Անժելա Թովմասյանը՝ ոչ

Հայելի» ակումբի ղեկավար Անժելա Թովմասյանը դիմել է ՔԿ նախագահին, ՀՀ գլխավոր դատախազին, ՄԻՊ-ին՝ պահանջելով ակումբի վրա հարձակման դեպքի առթիվ հարուցված քրեական գործը համալրել խուլիգանության հոդվածով: Նա նաև պահանջում է որպես մեղադրյալներ ներգրավել 4 երիտասարդի, իսկ իրեն և «Հայելի» ակումբը ճանաչել որպես տուժող:

Իր դիմումում Անժելա Թովմասյանը նշում է.

Հարձակում իրականացնող անձինք` Դավիթ Հովհաննիսյանը, Սարգիս Մանուկյանը, Արտակ Մարգարյանը և Հայկ Ստեփանյանը, գործող կառավարության և ՀՀ Ազգային ժողովում իշխող քաղաքական ուժի` «Իմ քայլը» դաշինքի պատգամավորների հետ ունեն մտերիմ կապեր: Սույն պնդումը հաստատվում է նաև համացանցում տարածում ստացած մի շարք լուսանկարների առկայությամբ։ Նրանց գործողությունները, մասնավորապես՝ ձվեր նետելը, ակումբի պատին և դռներին պաստառներ փակցնելը, ինչպես նաև նրանց կողմից հնչեցված հայտարարությունը, համաձայն որի՝ վերջիններս պատրաստվել էին նույն գործողություններն իրականացնել ակումբի ներսում, եթե դուռը բաց լիներ, և վերջապես նրանց առաջադրած պահանջը, որը վերաբերում էր լրատավամիջոցը փակելուն, քանի որ, ըստ նրանց պնդումների՝ Սահմանադրական դատարանի նախագահ Հրայր Թովմասյանի քույրը՝ Անժելա Թովմասյանը, իրավունք չունի որևէ գործունեություն իրականացնել Հայաստանում, պարունակում է այնպիսի հանցակազմեր, որոնք մասնավորապես նախատեսված են ՀՀ քրեական օրենսգրքի 143 հոդվածի 1-ին մասով` քաղաքացիների իրավահավասարության խախտելը և 258 հոդվածի 3-րդ մասի առաջին կետով`խուլիգանությունը»։

Լակոտախմբի արարքը էքստրեմիզմի դրսևորում էր, իսկ էքստրեմիզմը Փաշինյան Նիկոլի և նրա թիմի հիմնական սկզբունքն է: Ժողովրդի վարչապետն էր ասում, թե այս կատեգորիայի քաղաքացիները տեղ չունեն Նոր Հայաստանում, իսկ այն կատեգորիայի քաղաքացիներն ունեն: Հիմա զարմանալու բան չկա, երբ չորս լակոտ իրենց իրավունք է վերապահում գալ եզրահանգման, որ Անժելա Թովմասյանն իրավունք չունի Հայաստանում գործունեություն իրականացնե, քանի որ նա ՍԴ նախագահ Հրայր Թովմասյանի քույրն է: Քննչական կոմիտեն այս լակոտախմբի անդամներին մեղադրանք առաջադրելուց առաջ պետք է պատասխանատվության ենթարկեր ժողովրդի վարչապետին ՀՀ քրեական օրենսգրքի 143 հոդվածի 1-ին մասով` քաղաքացիների իրավահավասարության խախտելու համար: Եթե դա չի արել, ուրեմն անպատիժ կմնան նաև այս լակոտ խունվեյբինները, մանավանդ որ սրանք սարգսյան նաիրիի անձնական բանդայից են: Իսկ թե ով է սարգսյան նաիրին՝ բազմից գրել ենք: Մենք նրա կերպարին դեռ շատ կանդրադառնանք, իսկ այստեղ հավելենք, որ Փաշինյան Նիկոլի խմբակցության ամենավտանգավոր անդամներից է: