Խայտառակություն առանց մեկնաբանության

Ամերիկյան արտանետումները սպանում են երկրագնդի էկոլոգիան

Հունիսի 5, 2019
Ամերիկյան արտանետումները սպանում են երկրագնդի էկոլոգիան

Դոնալդ Թրամփն ասել է. Ռուսաստանում, Չինաստանում և Հնդկաստանում էկոլոգիան շատ ավելի վատն է, քան ԱՄՆ-ում։ Դա՝ այն դեպքում, երբ Նյու Յորքը, Լոս Անջելեսը և Չիկագոն մտնում են էկոլոգիապես ամենավտանգավոր քաղաքների տասնյակում, Միացյալ Նահանգներն առաջ է անցնում Ռուսաստանից СО2-ի արտանետման մակարդակով, և ամերիկացիների կեսը շնչում է ոչ լավորակ օդ։ Իսկ արտադրությունն ԱՄՆ վերադարձնելու մտադրությունն առհասարակ կարող է շուտով ստիպել Թրամփին հետ վերցնել իր խոսքերը։

 

Դոնալդ Թրամփը հիշեցրել է ամերիկացիներին հպարտության առիթներից մեկի մասին՝ ԱՄՆ նախագահը հայտարարել է, որ Ռուսաստանում, Չինաստանում և Հնդկաստանում օդն ու ջուրն ավելի վատն են, քան Նահանգներում։ Բառացի ասվել է հետևյալ կերպ. «Չինաստանը, Ռուսաստանը և Հնդկաստանը, շատ այլ երկրներ, նրանց մոտ օդն այնքան էլ լավը չէ, եւ ջուրն էլ այնքան լավը չէ աղտոտման տեսակետից։ Եթե դուք գնաք որոշ քաղաքներ, անգամ շնչել չեք կարողանա»։


Մյուս կողմից՝ «համաձայն տարբեր վիճակագրության, ԱՄՆ-ում շրջակա միջավայրի վիճակն ամենալավերից մեկն է, և «այն դառնում է ավելի լավը», հավաստիացնում էր Թրամփը ITV հեռուստաալիքի հարցազրույցում։


Վիճակագրությունը, իսկապես, «տարբեր» է։ Առողջապահության համաշխարհային կազմակերպության (ԱՀԿ) կազմած օդի աղտոտվածության գլոբալ քարտեզը 2018թ. դրությամբ իսկապես ԱՄՆ տարածքի մեծ մասը վերագրում է այս իմաստով բարենպաստ շրջանների թվին։ Ռուսաստանի եվրոպական մասի կենտրոնը նշված է որպես աղտոտվածության միջին ցուցանիշներ ունեցող շրջան (օրինակ՝ Ուկրաինայում, Մոլդովայում և Բելառուսի տարածքի մեծ մասում, ԱՀԿ գնահատմամբ, իրավիճակն ավելի վատ է)։ Գործերը վատ են Չինաստանի արևելյան նահանգներում, որտեղ կենտրոնացած են ՉԺՀ արդյունաբերական հիմնական կենտրոնները։


Էկոլոգիական անբարենպաստության վարկանիշը, որն անցած տարի կազմել է Numbeo պորտալը, ամենաանբարենպաստ երկիրն այս իմաստով համարում է Մոնղոլիան (1-ին տեղ), ամենաբարենպաստը՝ Ֆինլանդիան (100-րդ)։ Չինաստանը 12-րդն է, Ռուսաստանը՝ 51-րդը, ԱՄՆ-ը՝ 86-րդը։


Այլ տեսք ունի ըստ էկոլոգիական արդյունավետության ինդեքսի երկրների ցուցակը, որը ներկայացվել է 2016թ. (Ելի և Կոլումբիական համալսարանների զեկույցը Եվրահանձնաժողովի միավորված հետազոտական կենտրոնի հետ համատեղ՝ Համաշխարհային տնտեսական համաժողովի նիստի համար)։ Ինդեքսը հաշվի է առնում այդ թվում. ածխաջրի արտանետումների միտումները, օդի որակը շինություններում, հոսող ջրերի զտման որակը և խմելու ջրի որակը։ Ավանդաբար առաջատարը Ֆինլանդիան է, ԱՄՆ-ը 26-րդն է, Ռուսաստանը մի փոքր հետ է մնում. մեր երկիրը 32-րդն է։ Չինաստանը՝ 109-րդը։


«Աշխարհում ածխաջրային հետքի ցանցային մոդել» (GGMCF) նախագծի վարկանիշը, որը ներկայացվել է 2018թ. ամռանը, վկայում է. Նյու Յորքը երրորդ տեղում է (քաղաքում ածխաթթվի գազի արտանետումները կազմում են 233,5 մեգատոննա տարեկան)։


Էկոլոգների տվյալներով՝ ԱՄՆ-ը տարեկան արտանետում է 5414 մլն տոննա ածխաթթու գազ, այն դեպքում, երբ Ռուսաստանը՝ 1617 մլն տոննա, Հնդկաստանը՝ 2274 մլն տոննա, իսկ Չինաստանը՝ 10357 մլն տոննա։ Ցուցակի առաջին տասնյակում կա ԱՄՆ ևս երկու քաղաք՝ Լոս Անջելեսը և Չիկագոն։ Հատկանշական է նաև այն, որ քաղաքների մեծ մասը, որոնք մտել են էկոլոգիական վարկանիշի Թոփ-50, գտնվում են ԱՄՆ-ում և Չինաստանում։


Ռուսական քաղաքները գտնվում են ամենավտանգավոր շրջանների տասնյակից ցածր. Մոսկվան զբաղեցրել է 15-րդ, Սանկտ Պետերբուրգը՝ 79-րդ տեղը։ Բացի այդ, ռուսական քաղաքների մեծ մասն անվտանգ է ճանաչվել։ Օրինակ, Նովոկուզնեցկը զբաղեցրել է 479-րդ տեղը, իսկ Կուրսկը՝ 496-րդ։


Թոքային հիվանդությունների դեմ պայքարի ամերիկյան ասոցիացիայի զեկույցի տվյալներով՝ երկրի բնակչության ավելի քան կեսը շնչում է օդ, որի աղտոտվածության մակարդակը չափազանց վտանգավոր է և խթանում է ասթմայի, սրտի հիվանդությունների, օնկոլոգիայի առաջացում։ Իրավիճակի վրա չեն ազդում ոչ էկոլոգիայի պաշտպանության բազմաթիվ ծրագրերը, ոչ կանաչ էներգիայի ոլորտի մշակումները։
Այնքան մաքուր չէ նաեւ ամերիկյան ջուրը, որը գովում էր Թրամփը։ Էկոլոգների տվյալներով, որոնք ներկայացված են Science Alert պորտալի կողմից, վերջին 25 տարիներին ԱՄՆ գետերի և գետակների առնվազն մեկ երրորդն ավելի աղի են դարձել։ Եթե ոչինչ չփոխվի, ապա դարավերջին դրանց կեսից ավելին կպարունակի 50 տոկոսով ավելի աղ, քան հիմա։ Դա լուրջ սպառնալիք կներկայացնի ԱՄՆ բնակչությանը մաքուր ջրով, բնական էկոհամակարգով և քաղաքային ենթակառուցվածքով ապահովելու համար։ Հատկանշական է, որ «էկոլոգիապես առաջադեմ» Ամերիկայում աղով աղտոտվածությունը չի կարգավորվում դաշնային օրենսդրությամբ։


Հետաքրքիր է նաև այն, որ ամերիկյան Միսիսիպի գետը մտնում է աշխարհի ամենակեղտոտ գետերի տասնյակ, այն դեպքում, երբ Ռուսաստանն այդ ցուցակում ներկայացված չէ։ Ամենաշատ կեղտոտ գետեր կան Չինաստանում և Հնդկաստանում, որոնց մեջ ամենահայտնիներն են «Դեղին գետը» և Գանգեսը։


Հանուն արդարության նշենք, որ փորձագետների գնահատականով Մոսկվան երբեմն ցուցաբերում է օդի աղտոտվածության հատկապես վտանգավոր մակարդակներ։ Ածխաթթու գազի առավել մեծ պարունակություն օդում ապահովում են Չելյաբինսկի մարզը և Սիբիրի արդյունաբերական քաղաքները։


Թրամփն իրավացի է Չինաստանի հարցում. «կարմիր»՝ օդի աղտոտվածության ամենաբարձր մակարդակը հազվադեպ բան չէ Չինաստանի քաղաքների համար։ Ինչպես նաև տեղեկություններն այն մասին, որ միլիոնավոր բնակիչներ տներից դուրս չեն գալիս թունավոր ծխածածկույթի պատճառով։


Իրավիճակը Հնդկաստանում նույնպես բարդ է. երկրի խոշոր տնտեսական նվաճումներից մեկն ածխի ներկրման կախվածության նվազումն է։ Բայց ի հաշիվ սեփական ածխարդյունահանման աճի, որը Հնդկաստանն ավելացնում է ամեն տարի, փչանում է էկոլոգիական իրադրությունը։ Իսկ եթե ածխարդյունահանումը դադարեցվի, ապա օդը կդառնա ավելի մաքուր, բայց երկիրն՝ ավելի աղքատ։


Բայց եթե համեմատենք հենց ԱՄՆ և Ռուսաստանի էկոլոգիական իրադրությունը, ապա պետք է ավելի նուրբ մոտենանք, նշում են փորձագետները։ «Երբ նստում ես Մոսկվա-Վլադիվոստոկ իքննաթիռը, ապա տեսնում ես, թե ինչպես է պատուհանից քո կողքով 9 ժամ լողում տայգան։ ԱՄՆ նախագահը կփոխի կարծիքը, եթե նստի Մոսկվա-Վլադիվոստոկ կամ Մոսկվա-Սախալին չվերթի ինքնաթիռը»,- «ВЗГЛЯД» թերթին ասել է Համառուսական ժողովրդական ճակատ կենտրոնի էկոլոգիայի և անտառի պաշտպանության խնդիրների փորձագետ Անդրեյ Նագիբինը։


«Ռուսաստանն ի հաշիվ մեծ տարածքների և անտառների, որոնք կլանում են արտանետումները, չի մտնում գլխավոր աղտոտողների թվի մեջ, իր հերթին «ВЗГЛЯД» թերթին ասել է Ռուսաստանի «Կանաչներ» էկոլոգիական կուսակցության նախագահ Անատոլի Պանֆիլովը։


«ԱՄՆ-ում կան քաղաքներ, մանավանդ Կալիֆորնիայում, որոնք իսկապես էկոլոգիապես մաքուր են։ Նույնը և Ռուսաստանում. ինչ-որ տեղ էկոլոգիական իրադրությունը լավ է, ինչ-որ տեղ՝ վատ։ Եթե համարենք, որ էկոլոգիան որպես համաշխարհային տարածք միասնական է, ապա, անշուշտ, Չինաստանի և Հնդկաստանի արդյունաբերական շրջանները կարող են վնասել արտանետումներով և ոչ արդիական տեխնոլոգիաներով։ Բայց և Ռուսաստանում նույնպես ամենաառաջավոր տեխնոլոգիաները չեն»,- ասել է «ВЗГЛЯД» թերթին «Էկոլոգիական նախաձեռնությունների կենտրոնի» ղեկավար Վլադիմիր Կուզնեցովը։


Ընդ որում՝ Դոնալդ Թրամփին էկոլոգիայի հետևողական մարտիկ համարելը խնդրահարույց է։ Չէ՞ որ հենց այդ նախագահն է եղել նախաձեռնողն այն բանի, որ Միացյալ Նահանգները դուրս գա Փարիզի կլիմայի վերաբերյալ համաձայնագրից, Թրամփի նախաձեռնությամբ է 2017-ից ԱՄՆ-ում չեղարկվել Բարաք Օբամայի մտցրած «Մաքուր էներգիա» ծրագիրը՝ վերականգնվող էներգաաղբյուրների զարգացման և կլիմայի փոփոխության դեմ պայքարի ծրագիր։


Զարմանալի չէ, որ Թրամփի հաղթանակը 2016թ. ընտրություններում ապահովել են Արևմտյան Վիրջինիայի և Փենսիլվանիայի ածխագործների ձայները. հանրապետականը խոստացել է նորից մեծ դարձնել ոչ միայն Ամերիկան առհասարակ, այլև ամերիկյան ածխարդյունահանող արդյունաբերությունը՝ մասնավորապես։ Չպետք է մոռանալ նաև ԱՄՆ-ում արդյունաբերական արտադրությունների վերածննդի գաղափարի մասին՝ դրանք երրորդ երկրներ տեղափոխելու փոխարեն։


«Թերթաքարային նավթի արդյունահանումն ԱՄՆ-ում շատ կվնասի բնությանը, դա լուրջ էկոլոգիական խախտում է,- նշում է Պանֆիլովը։- Էկոլոգիական իրավիճակի վրա կազդի նաև արտադրության վերադարձը Միացյալ Նահանգներ, ինչի մասին Թրամփը մտածել է տնտեսական նկատառումներից ելնելով։ Թրամփը խնդիր ունի ֆինանսներ ներգրավել երկիր, և ոչ մի կլիմայական փոփոխություն նրան չի հուզում։ Անգամ նրա երկրորդ ժամկետից հետո դրանք արմատապես չեն փոխվի։ Նա թեթև է նայում դրան»։

 

Աղբյուրը՝ ВЗГЛЯД






Դիտումների քանակ 39345


ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

սարգսյան գարիկը նոր պանդեմիայի աղբյուր կարող է հանդիսանալ

սարգսյան գարիկը նոր պանդեմիայի աղբյուր կարող է հանդիսանալ

Մարտի 29, 2020


Այս պատմությունն ավելի անհավանական է, քան Ժյուլ Վեռնի վեպերը, սակայն դրանք գոնե այդ աստիճանի բութ չեն, ֆանտաստ գրողի գործերը բա...

Թրամփը կորոնավիրուսի դեմ դեղամիջոցներ է հայտնաբերել, որոնք ուղղակիորեն տանում են մահվան՝ առանց տանջանքների ու տառապանքների

Թրամփը կորոնավիրուսի դեմ դեղամիջոցներ է հայտնաբերել, որոնք ուղղակիորեն տանում են մահվան՝ առանց տանջանքների ու տառապանքների

Մարտի 22, 2020


ԱՄՆ նախագահ Դոնալդ Թրամփին լուրջ մարդ անվանել չի կարելի։ Ինչպեսև բոլոր ամերիկացիները, նա ի վիճակի չէ մի քանի քայլ առաջ մտածել, ...

Ամենը, ինչ պետք է իմանալ կորոնավիրուսի ծագման մասին՝ made in USA-ն է

Ամենը, ինչ պետք է իմանալ կորոնավիրուսի ծագման մասին՝ made in USA-ն է

Մարտի 17, 2020


1981թ. ամերիկացի ֆանտաստ գրող Դին Կունցը գրել է «Մթի աչքերը» վեպը։ Վեպում նկարագրվում է վարակիչ հիվանդության՝ վիրուսային թոքաբո...

Վաշինգտոնը «աչքը տնկել է» Կալինինգրադին

Վաշինգտոնը «աչքը տնկել է» Կալինինգրադին

Մարտի 3, 2020


ԱՄՆ-ը Washington Times-ի միջոցով առաջին անգամ միջազգային հարթությունում մտցրել է թեզ այն մասին, որ ռուսաստանյան Կալինինգրադի մա...

Օսվենցիմն ազատագրվել է ամերիկացիների կողմից. Դանիայում ԱՄՆ դեսպանություն

Օսվենցիմն ազատագրվել է ամերիկացիների կողմից. Դանիայում ԱՄՆ դեսպանություն

Հունվարի 29, 2020


Օսվենցիմ համակենտրոնացման ճամբարը Լեհաստանում ազատագրել են ամերիկյան զորքերը, ասվում է ամերիկյան դեսպանության Twitter-ի գրառման...

Իրանի գծով ԱՄՆ հատուկ ներկայացուցիչ. կշարունակենք այսուհետ ևս խուլիգանություն անել

Իրանի գծով ԱՄՆ հատուկ ներկայացուցիչ. կշարունակենք այսուհետ ևս խուլիգանություն անել

Հունվարի 24, 2020


Իրանի գծով ԱՄՆ հատուկ ներկայացուցիչ Բրայան Հուքը հայտարարել է, որ Իսլամական հեղափոխության պահապանների կորպուսի (ԻՀՊԿ) «Կուդս» հ...

Ռուսաստանի վրա հարձակվելու համար ԱՄՆ-ը «մահապարտ» կպատրաստի

Ռուսաստանի վրա հարձակվելու համար ԱՄՆ-ը «մահապարտ» կպատրաստի

Հունվարի 22, 2020


ՆԱՏՕ-ն հայտարարել է վերջին 25 տարիների ընթացքում ԱՄՆ-ից Եվրոպա զորքերի տեղափոխման ամենամեծ զորավարժությունների (Defender Europe...

Թրամփն ասել է, որ կարող է գողանալ սիրիական նավթը

Թրամփն ասել է, որ կարող է գողանալ սիրիական նավթը

Հունվարի 13, 2020


Ինչպես հայտնի է, ԱՄՆ վարչակազմը, հայտարարելով Սիրիայից դուրս գալու մասին, մի փոքր միտքը փոխել է. հոկտեմբերին Թրամփը ԱՄՆ զինվորա...

Այն ամենը, ինչ պետք է իմանալ իրանցիների և ամերիկացիների տարբերության մասին

Այն ամենը, ինչ պետք է իմանալ իրանցիների և ամերիկացիների տարբերության մասին

Հունվարի 11, 2020


Իրանն ընդունել է իր մեղքը Թեհրանից Կիև ուղևորվող ուկրանիական խփված ինքնաթիռի հարցում։ Իսլամական Հանրապետության նախագահ Հասան Ռո...

Ամերիկացիների խուլիգանությունն ու լկտիությունն այլևս հակառակ արդյունք են տալիս

Ամերիկացիների խուլիգանությունն ու լկտիությունն այլևս հակառակ արդյունք են տալիս

Հունվարի 9, 2020


Ամերիկացիներն այս տարին սկսեցին իրենց ոճով` միջազգային մակարդակի խուլիգանությամբ: Գեներալ Ղասեմ Սուլեյմանիի սպանությունը, իհարկ...

Դարի հանցագործությունն ԱՄՆ-ում

Դարի հանցագործությունն ԱՄՆ-ում

Դեկտեմբերի 25, 2019


2018թ. ամռանը Միացյալ Նահանգներում կատարվեց հանցագործություն, որն իրավամբ պետք է ճանաչել դարի՝ XXI-ի, հանցագործություն, եթե այն...

Հայերը իզոլյացիոնիզմի և ինտերվենցիայի միջև ԱՄՆ թափառումներում

Հայերը իզոլյացիոնիզմի և ինտերվենցիայի միջև ԱՄՆ թափառումներում

Դեկտեմբերի 20, 2019


2019թ. դեկտեմբերի 19-ին Սպիտակ տնից տեղեկացրին, որ, Կոնգրեսին հակառակ, ԱՄՆ նախագահ Դոնալդ Թրամփը մտադիր չէ ցեղասպանության ակտ ը...

Թրամփը սկսել է մայմունության երկրորդ ռաունդը

Թրամփը սկսել է մայմունության երկրորդ ռաունդը

Դեկտեմբերի 17, 2019


Դոնալդ Թրամփն սկսել է մայմունության երկրորդ ռաունդը Հայոց ցեղասպանության ճանաչման հարցում։ Հիշեցնենք, որ ԱՄՆ Կոնգրեսի Ներկայացո...

Մայմունության հերթը հասավ Էրդողանին

Մայմունության հերթը հասավ Էրդողանին

Դեկտեմբերի 16, 2019


Հիմա արդեն Էրդողան էֆենդին է մտնում խաղի մեջ: Կոնգրեսի պալատների կողմից Հայոց ցեղասպանության ճանաչման բանաձևի ընդունումից հետո,...

Մայմունության հերթը հասավ Թրամփին

Մայմունության հերթը հասավ Թրամփին

Դեկտեմբերի 12, 2019


Թուրքիայի նախագահ Էրդողանի կողմից ռուսական Ս-400 հակաօդային պաշտպանության համակարգի ձեռքբերումը երջանկություն դարձավ հայ ժողովր...

Հայտնագործություն ԱՄՆ պետդեպարտամենտում

Հայտնագործություն ԱՄՆ պետդեպարտամենտում

Դեկտեմբերի 11, 2019


Երեկ գրել էինք, թե ինչպես և ինչու Լատվիայի Վենտսպիլս քաղաքի քաղաքապետը հայտնվեց ամերիկյան պատժամիջոցների ցանկում: Այժմ տեղեկանո...

Նահանջ վերջին պահին. ինչպես ԱՄՆ-ը կեղծավորեց հայ ժողովրդին

Նահանջ վերջին պահին. ինչպես ԱՄՆ-ը կեղծավորեց հայ ժողովրդին

Նոյեմբերի 25, 2019


Հանրապետական սենատոր Լինդսի Գրեմը արգելափակեց ԱՄՆ Կոնգրեսի վերին պալատի կողմից Օսմանյան Թուրքիայում Հայոց ցեղասպանության բանաձև...

SOS. ամերիկացիները լքում են իրենց վասալներին ԱՊՀ-ում

SOS. ամերիկացիները լքում են իրենց վասալներին ԱՊՀ-ում

Նոյեմբերի 19, 2019


Միացյալ Նահանգները հոգեվաքրի վիճակում է։ Դա վիճակ է, որը թույլ չի տալիս վարել նախկին կենսակերպը, նախկին քաղաքականությունը, դա ա...

ԱՄՆ ռազմակայան Ջավախքում. Քոֆին արձակում է փորձնական փուչիկը

ԱՄՆ ռազմակայան Ջավախքում. Քոֆին արձակում է փորձնական փուչիկը

Նոյեմբերի 4, 2019


«Ժառանգության հիմնադրամ» (The Heritage Foundation) ամերիկյան հետազոտական կենտրոնի վերլուծաբան Լյուք Քոֆին հերթական անգամ իր վրա...

Հարգանքի տուրք по-англосаксонски

Հարգանքի տուրք по-англосаксонски

Հոկտեմբերի 30, 2019


Նոր Հայաստանի վերադաս երկրում պառլամենտի ստորին պալատն ընդունել է Հայոց ցեղասպանության ճանաչման բանաձևը: Եվ ուրախ է Նոր Հայաստա...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը