Իմոդիումը լուծի (ցռիկի) դեղ է: Օգտագործողներն ասում են, որ օգնում է: Հիմա գործը հասել է նրան, որ մեր ազգային առյուծին է իմոդիում անհրաժեշտ: Բնականաբար, խոսքը Ծառուկյան Գագիկի մասին է:

Ուրեմն, Սերժ Սարգսյանից տուժած Վարդանիկը (Գյումրիի նախկին քաղաքապետ Ղուկասյան Վարդանի մասին է խոսքը) ասել է, թե Ռոբերտ Քոչարյանը պիտի ազատության մեջ գտնվի: Ծառուկյան Գագիկն էլ վախեցել է այդ խոսքերից: Եվ ասել է լրագրողներին. «Դրա համար ես այսօր հրավիրել էի նիստ, որի ժամանակ բոլորին զգուշացված է եղել, որ որևէ մեկը անհատական կարծիք ասելու իրավունք չունի: Խմբակցություն է, որտեղ պետք է քննարկվի, և ընդհանուր որոշումը ոնց լինի, այդպես հայտարարություն անի»:

Facebook-ի հիանալի օգտատեր Ռոբերտ Ավագյանն այս կապակցությամբ գրել է. «Լեննականի Վարտանիկը, էն, որ թութ ծախողի կեպկեն գլխին գոռում էր՝ ճըվա, քայլ արա մերժիր Սերժին, ասել ա, որ Քոչարյանը պիտի ազատության մեջ լինի: Սրան հաջորդել ա էն, որ Քաջ Գիքորը Դոդի Գագոյին նենց ա կլիզմի դոզա տվել, որ սա էսօր հայտարարում ա, որ Վարտանիկը սխալ ա արել, ինքը նման բան չպիտի ասեր: Արդար ա, սաղ արդար ա, Քոչարյան Ռոբերտի ծնած, պահած, գուրգուրած Դոդի Գագոն, որ 10 տարի Քոչարյանի քսի տվածով Սերժի դեմը քամակ էր խաղացնում, էսօր ուրանում ա իրան ստեղծած մարդուն: Ուրանում ա մինչև քոք, մինչև հատակ: Ռոբերտը Նիկոլի նանը գրկելուց առաջ թող մտածի Դոդի Գագոյը լավը ծռելու մասին: Ինքը կյանքում Քաջ Գիքորի համար ոչ մի բան չի արել, իսկ Դոդն իրա ամեն ինչով իրան ա պարտական: Ու քանի դեռ Քոչարյանը Դոդի Գագոյին յուբկա չի հագցրել ու շպրտել Ծերեթելու բառդելները, Նիկոլից բողոքելու տեղ չունի»:

Ստիպված ենք Փաշինյան Նիկոլին խնդրելու, որ Ծառուկյան Գագիկին չպատժի Վարդանիկի այդ խոսքերի համար: Հուսով ենք, Նիկոլ Վովաևիչը մեծահոգի կգտնվի և կանտեսի Վարդանիկի «նոմեռը»: Իսկ Ծառուկյան Գագիկ Կոլյաևիչին էլ կխնդրենք, որ պինդ մնա, ամուր մնա, անպայման հիշի, որ տղամարդ է, արական սեռի ներկայացուցիչ, որոնց ցռիկը խանգարում է և խայտառակում:

Հետգրություն

Օպերատիվ տեղեկություններ կան առ այն, որ Ռոբերտ Քոչարյանը որոշել է սկզբում պատժել Ծառուկյան Գագիկին (ընդ որում՝ դաժանաբար), հետո նոր՝ Փաշինյան Նիկոլին: Պետք է ենթադրել, Ծառուկյան Գագիկը տեղեկացված է այս մասին, դրա համար էլ եկեղեցում մոմ է վառում, որ հանկարծ Քոչարյանի գլխին արև չբացվի…