Փաշինյան Նիկոլի Մնացականյան Զոհրաբը վատացել է: Մամուլը գրում է, թե վատացել է Սերգել Լավրովի հետ ծանր հեռախոսային խոսակցությունից հետո: Դեպքը տեղի է ունեցել անցած շաբաթ: Նախարարի արյան ճնշումն է բարձրացել, ստիպված շտապ օգնություն են կանչել: Ինչևէ, անցած լինի, կարևորն այն է, որ նախարարը ողջ-առողջ է:

Այս տեղեկատվության մեջ հետաքրքիր է Լավրովի հետ ծանր խոսակցության փաստը: Ի՞նչ խնդիր պիտի ունենային երկու դաշնակից երկրների նախարարները, որ գործը հասնի բժիշկներին: Այդ ի՞նչ է Լավրովն ասել Մնացականյանին, որ վերջինիս ճնշումը բարձրացել է: Այն, որ նրանց միջև չեն կարող լինել նորմալ աշխատանքային հարաբերություններ, ակնհայտ է, քանզի Փաշինյան Նիկոլն է որոշում ՀՀ արտաքին քաղաքականությունը: Բայց կարևորն այն է, որ անտագոնիզմը թաքցնել ավելի դժվար է դառնում: Տեսնենք, թե երբ կվտանգվեն հայ-ռուսական հարաբերությունները, և երբ հայ ժողովուրդը հետևություններ կանի: