Փաշինյան Նիկոլը խանդով է վերաբերվում Արցախում նախկին իշխանությունների ներկայացուցիչների ընդունելությանը: Նա վատ բան է ուզում տեսնել այնտեղ: Եվ Արցախից վերադառնալուց հետո այսպիսի մի գրառում է կատարել իր էջում. «Մամուլում շատ է գրվում, թե ոմանք փորձում են Արցախը դարձնել հակահեղափոխության օջախ: Արցախյան վերջին այցից կիսեմ տպավորություններս. եթե ոմանք փորձեն Արցախը դարձնել հակահեղափոխության օջախ, Արցախի ժողովուրդը այն կդարձնի հեղափոխության օջախ»:

Ի՞նչ է ուզում ասել Փաշինյան Նիկոլը: Սպառնում է Բակո Սահակյանի՞ն: Հավանաբար: Ուղղակի արցախցիների բախտը բերել է, որ Սորոս Ջորջն ու ամերիկյան դեսպանն այնտեղ գործակալական ցանց չունեն, հակառակ դեպքում Արցախի իշխանությունը վաղուց էր տեղը զիջել հեղափոխական գրանտակեր վարակին: Մի խոսքով, հեղափոխությունն Արցախում բացառված է:

Իսկ Փաշինյան Նիկոլը, որքան էլ չուզի, դեռ երկար կհանդուրժի Բակո Սահակյանին և նրա նմաններին, քանզի գալիք ընտրություններում Արցախում որևէ արևմտամետ գրանտակերի հաղթանակը բացառված է: