Արտյոմ Խաչատրյան

Մարդասպան ահաբեկիչ ավետիսյան վարուժը Փաշինյան Նիկոլի երկրում իրեն զգում է ոնց որ ձուկը ջրում: Սա այսօր ասել է Եռաբլուրում, թե Արցախի անվտանգության խորհրդի քարտուղար Վիտալի Բալասանյանը «հատել է բոլոր սահմանները քրեաիրավական առումով և պետք է պատասխանատվության ենթարկվի իր կատարածի համար»։ Սա ասել է ի պատասխան Բալասանյանի այն խոսքերի, թե «Սասնա ծռերի» անդամները թող չփորձեն Արցախի սահմանը հատել։ «Վիտալի Բալասանյանը Բերձորի ահաբեկչության կազմակերպիչներից է եղել, որի մասին ինքը խոստովանեց։ Արցախը Հայաստանի Հանրապետության մարզ է, և որևիցե մեկը չի կարող ասել՝ ով պետք է հատի և ով ոչ։ Հույս ունեմ, որ իր հակապետական գործողությունները որոշակի արձագանք կստանան, նա առնվազն պետք է զրկվի այդ պաշտոնից»,- ասել է մարդասպան ահաբեկիչը:

Փաստորեն, Փաշինյան Նիկոլի Նոր Հայաստանում պրոֆեսիոնալ ահաբեկիչները ցանկություն են հայտնում քրեական պատասխանատվության ենթարկել մեկին, ով լրջագույն ներդրում ունի Արցախի կայացման գործում, ով Փաշինյան Նիկոլի միքայելյան սասունի կորցրած բարձունքներն է վերադարձրել և հարգանք է վայելում Հայաստանում ու դրսում: Սա գժությո՞ւն է, թե՞ ինչ-որ անհասկանալի դժոխային հեքիաթ:

Բայց պետք չէ մեղադրել վարուժին, ժիրոյին, մյուս ահաբեկիչ մարդասպաններին, քանզի պետք է մեղադրել այսօրվա քաղաքական իշխանությանը, որի շնորհիվ սրանք այսօր ազատության մեջ են, որը սրանց համար Հայաստանում ահաբեկչական կուսակցություն ստեղծեց, ինչը շատ քիչ նախադեպ ունի աշխարհում:

Փաստորեն, Փաշինյան Նիկոլը կամա թե ակամա կրկնեց Իրանի Իսլամական Հանրապետության հիմնադիր այաթոլա Խոմեյնիի գործը: Նա էլ ժամանակին ստեղծեց «Հըզբոլլահ» ռազմականացված կառույցը: Բայց Խոմեյնին դա արեց Լիբանանում և «Հըզբոլլահ»-ն ուղղեց Իսրայելի՝ Իրանի մահացու թշնամու դեմ: Այնինչ Փաշինյան Նիկոլը ահաբեկչական կուսակցություն ստեղծեց Հայաստանում՝ լավագույն հայերի՝ ի դեմս Վիտալի Բալասանյանի, դեմ պայքարի համար:

Հիմա Սերժ Սարգսյանի ու Ռոբերտ Քոչարյանի կառուցած Արցա՞խն է ավելի նորմալ տարածք բնակվելու ու աշխատելու համար, որտեղ ապրում և աշխատում են Վիտալի Բալասանյանը, Լևոն Մնացականյանը, Բակո Սահակյանը, թե՞ Փաշինյան Նիկոլի Նոր Հայաստանը, որտեղ վխտում և իրենց երկրի տեր են զգում մարդասպան ահաբեկիչներն ու այլասերված, սրբապիղծ գրանտակերները, սաքունցի ու բարսեղյանի կարգի Սորոսի վաստակներն ու բեյրութցի ահաբեկիչ սեֆիլյանն ու նրա «ապստամբները»: Հետևությունները թողնում եմ ընթերցողին...