Հայաստանի արդարադատությունն իրականացվում է կացնով, իսկ եթե կա կացին, ավելորդ են ուղեղը, արդարաությունն ու բարոյականությունը: Այսպես, վարչապետը պատերազմ է հայտարարում կոռուպցիայի դեմ, ասում է, որ այս պայքարում կոմպրոմիսն անհնար է: Իսկ իրավապահ մարմինները այդ հրահանգը կատարելիս օգտագործում են միայն կացին, մոռանալով այլ գործիքների մասին:

Գյումրիի դպրոցներից մեկի տնօրենին օրերս կալաանավորել էին՝ կաշառակերության մեղադրանքով: Դա սովորական բան է, չէինք զարմանա, եթե տնօրենը չլիներ կին, որն ընդամենը մեկ տարի առաջ է ծննդաբերել՝ երկար տարիներմնալով անզավակ: Նշենք, որ երեխային կտրելը կերակրող մորից ոչ այլ ինչ է, եթե ոչ կտտանք, ինչը խսորեն պատժվում է Եվրոպայում: Հիմա, իմանալով այս ամենը, ծանոթ լինելով ՄԻԵԴ որոշումներին, հայրենի իրավապահները իրենց դնում են հարվածի տակ:

Կալանքի տակ գտնվող տնօրեն Կարինե Լալազարյանի հարցով գլխավոր դատախազին է դիմել ԲՀԿ խմբակցության անդամ Նաիրա Զոհրաբյանը: Նա գրել է իր էջում, որ իրոք չի կարելի կեկակրող մորը պահել ազատազրկման հիմնարկում (մանավանդ որ այդ կինը հանրային վտանգ չի ներկայացնում): Հիմա տեսնենք, թե ինչպես կարձագանքի պրն Դավթյանը: Կամ նա կալանքից կազատի Կարինե Լալազարյանին ու Հայաստանը հերթական անգամ չի խայտառակվի Ստրասբուրգում, կամ նա իր էշը կքշի:

Եվս մեկ նկատառում: Օրերս բերման ենթարկվեց Փաշինյան Նիկոլի նշանակած առողջապահության փոխնախարար Դավթյան Արտակը: Նույն մեղադրանքով, բայց կաշառքի ավելի մեծ գումարով: Եվ ի՞նչ: Նա ազատության մեջ է, նախաքննությունն էլ ընթանում է: Նշենք, որ Դավթյանը կյանքում հղի չի եղել և, հետևաբար, երեխա չի ծնել ու չի կերակրել: Եվ համարում են, որ սա կարող է ազատության մեջ մնալ նախաքննության ժամանակ, իսկ կերակրող մայրը՝ ոչ: Սա խայտառակություն է, որի համար իսկապես քաղաքական որոշում է պետք, բայց՝ առողջ մարդկանց ընդունած քաղաքական որոշում: