ԱՄՆ-ում դեմոկրատները Ներկայացուցիչների պալատի քննարկմանն են ներկայացրել մի օրինագիծ, որը կարող է դադարեցնել անվտանգ վայրերի, մասնավորապես՝ կանանց հանդերձարանների, զուգարանների, ծեծի ենթարկվածների ապաստարանների և այլ տեղերի գոյությունը կանանց համար։

Դեմոկրատների ծրագրերի համաձայն՝ նոր օրենքը պաշտպանությունը տարածում է գեյերի և տրանսսեքսուալների վրա՝ նրանց տրամադրելով անվտանգ վայրերի նույն իրավունքները, ինչ և կանանց, գրում է ԻնոՍՄԻ-ն՝ հղում կատարելով The Wall Street Journal-ին։

Այսպիսով, ցանկացած տղամարդ, որ իրեն կին է համարում, իրավունք կստանա մտնել այն տեղերը, որոնք նախատեսված են բացառապես կանանց համար։ Դրանց թվում են ոչ միայն կանանց զուգարանները և հանդերձարանները, այլև ապաստարաններն ընտանեկան բռնության զոհերի համար։ Նյութի հեղինակը կարծում է, որ դա հակասում է կանանց իրավունքներին, քանի որ նրանց համար ուղղակի ֆիզիկական սպառնալիք կներկայացնի։

Օրինագծի համաձայն՝ իրենց կին համարող տղամարդիկ կկարողանան խաղալ կանանց թիմերում, պայքարել մրցանակների համար, եթե հաջողության չեն հասել տղամարդկային սպորտում։ Այսպիսով, ավելի արագ և ուժեղ տղամարդիկ կանանց մրցումներին մասնակցելու իրավունք են ստանում։ Նրանք նաև կկարողանան հավակնել կանանց թոշակներին։

Նշվում է, որ ֆիզիկական ուժի տարբերությունը կանանց համար այնքան էլ նշանակալի չէր, քանի դեռ նրանք հնարավորություն ունեին գտնվել հատուկ իրենց համար նախատեսված անվտանգ տեղերում։ Բայց, նշում է հեղինակը, շուտով ամեն բան կարող է փոխվել, երբ կանանց իրավունքները կզոհեն հանուն մեկ այլ խմբի իրավունքների։

«Կանայք» կատեգորիայի վերանայումը հօգուտ «կանայք» և նրանք, ովքեր իրենց այդպիսին են համարում կատեգորիայի՝ կոչնչացնի «կանանց և աղջիկներին որպես ամբողջական իրավական կատեգորիա և կչեղարկի նրանց քաղաքացիական իրավունքների պաշտպանությունը»։ Նյութից հետևում է, որ ուժեղ սեռի՝ իրենց կին անվանող ներկայացուցիչները հեշտությամբ կարող են ի հայտ գալ, երբ դատապարտված տղամարդուն ավելի հեշտ կլինի գնալ կանանց բանտ կատարած հանցագործության համար։ Ընդգծվում է նաև, որ բռնարարները կարող են իրենց կին անվանել, որպեսզի իրավունք ստանան մտնելու կանանց լոգարան, իսկ մանկապիղծները կցանկանան հայտնվել աղջիկների զուգարաններում։

Ամերիկյան ԶԼՄ-ներում կարծում են, որ Սենատը վերահսկող հանրապետականների օրոք նման օրենքը հազիվ թե անցնի, բայց դեմոկրատներն այս օրինագիծն առաջադրում են ոչ առաջին անգամ և կարող են նորից փորձել։ Վերջում հեղինակն ամփոփում է, որ կարևոր է այս նախաձեռնությանը լուրջ վերաբերվել, քանի որ այն վկայում է կանանց ու աղջիկներին զոհելու ձախերի պատրաստակամության մասին՝ հանուն «գառան մորթով գայլերի», որոնք այդ օրենքից անպայման կցանկանան օգտվել։

Աղբյուրը՝ ВЗГЛЯД