ԱՄՆ նախագահ Դոնալդ Թրամփը ևս մեկ անակնկալ է մատուցել համաշխարհային հանրությանը. նախօրեին ԱՄՆ առաջնորդը սիրիական Գոլանի բարձունքները ճանաչել է Իսրայելի մաս։ Հիշեցնենք, որ Գոլանի բարձունքները զավթվել են Իսրայելի կողմից 1967թ. Վեցօրյա պատերազմի արդյունքում և պետք է վերադարձվեին Սիրիային հաշտության պայմանագրի կնքումից հետո։

Թրամփն իր որոշումը պարզաբանել է Իսրայելի անվտանգությամբ։ Իրականում ամերիկացիների նպատակն այլ է. արաբական աշխարհի պառակտում, իրավիճակի սրում տարածաշրջանում, Սիրիայում խաղաղ գործընթացի կասեցում, ուժեղացված քաոսի պահպանում ամբողջ Մերձավոր Արեւելքում։

Ավելի վաղ Թրամփը Երուսաղեմը ճանաչել էր Իսրայելի մայրաքաղաք և ԱՄՆ դեսպանությունը Թել Ավիվից տեղափոխել Երուսաղեմ։ Ոչ ոք չի հետևել ամերիկացիների օրինակին՝ չնայած Իսրայելի և ԱՄՆ կոչերին։ Հիմա Թրամփը ավելի հեռուն է գնում՝ նա արդեն ինքնիշխան պետությունների տարածքներ է նվիրում իր դաշնակցին, ինչը, հասկանալի է, նույնպես ոչ մեկն աշխարհում չի ընդունի։

Մերձավոր Արևելքի տարածաշրջանում և ողջ աշխարհում ամերիկացիները իրենց պահում են՝ ասես իրենց տանը լինեն։ Նշանակում են նախագահներ, պետությունների սահմաններ են փակում, և այս ամենը, նրանց կարծիքով, արվում է միջազգային իրավունքին լրիվ համապատասխան։ Սակայն չեն ճանաչում Ղրիմի հանրաքվեն, Ղարաբաղի կարգավիճակը, Հարավային Օսիայի և Աբխազիայի անկախությունը, քանի որ դա տեղի է ունենում ռուսական շահերին համապատասխան։ Ամերիկացիների նման վարքագիծը, ըստ էության, պետք է զզվանք առաջացնի աշխարհում։ Վաղ թե ուշ ամերիկացիները կհասնեն համընդհանուր արհամարհանքի, դա միայն ժամանակի հարց է։ Դե, իսկ մինչ աշխարհում ուժեղ են ԱՄՆ-ի կողմից սնվող լիբերալ հանրությունների դիրքերը, մենք դեռ երկար կհայենք ամերիկյան քաղաքականության անսկզբունքայնության ու անմարդկայնության դրսևորումներին։