Մամուլը գրում է, որ Փաշինյան Նիկոլը պատրաստվում է սխրագործության, այն է` որոշել է կատարել իր առաջին ճիշտ կադրային նշանակումը: ԱԱԽՔ գրիգորյան արմենը փոխելու է պաշտոնը` գնալու է Տիգրան Մուկուչյանի տեղը: Ամերիկյան կազմակերպության աշխատակիցը ՀԱՊԿ անդամ երկրի անվտանգության քարտուղարի պաշտոնում իրոք զավեշտ է: Թե ով է փոխարինելու գրիգորյանին` հատնի չէ: Բնականաբար, նորմալ լուրջ մարդ չի լինի, բայց գոնե հուսանք, որ կլինի մեկը, առանց ամերիկյան անցյալի, ում հետ Նիկոլայ Պատրուշևը չի խուսափի և չի ամաչի շփվել:

Բայց խայտառակությունը հորդող ձնահյուսի պես մի բան է, այն չի նվազում: Հետևաբար, պետք է ենթադրել, որ նոր նշանակումն ավելի խայտառակ կլինի: Իսկ եթե այդպես է, ապա խնդրենք պրն Փաշինյանին այդ պաշտոնում նշանակել, ասենք, նազարյան լենային, նա իներցիայի մեծ մասնագետ է և իներցիայով կշարունակի գրիգորյան արմենի գործը, իսկ հայ ժողովուրդը զվարճանալու հիանալի թեմա կունենա: