Միջազգային խայտառակություն

Հայաստանում ռուս զինվորականների վայրագությունների առիթով

Հունվարի 6, 2019
Հայաստանում ռուս զինվորականների վայրագությունների առիթով

Արտյոմ Խաչատրյան


«Ազատություն» ռադիոկայանը՝ արդարության ու ճշտի ջահակիրը ողջ աշխարհում և Հայաստանում, այսօր զբաղվել է մաթեմատիկայով ու դիմել մեր երկրում ռուսական զորքերի ներկայության ողբերգական վիճակագրությանը։ Պարզվում է՝ ռուս զինվորականները սպանել են ուղիղ 12 մարդ։ Սկսած 1999-ից ներառյալ։ Հասկանալի է, որ երբ վիճակագրությունն են հիշում, ուրեմն պետք է մոտիվ լինի՝ ամսաթիվ, հոբելյան կամ նման ուրիշ մի բան։ «Ազատություն» ռադիոն ռուս զինվորականների գազանությունների մասին հիշել է հենց այնպես, Սուրբ ծննդի նախօրեին, քանզի սիրտը մաքուր է։


Հասկանալի է՝ խոսքի ազատությունը Հայաստանում դեռ ոչ ոք չի վերացրել, ինչպեսև «Ազատություն» ռադիոն։ Դրա համար էլ նրանք գրում ու գրում են, սև էջեր փնտրում, փորձում վերակենդանացնել դրանք, հավելյալ ցավ պատճառել անձնական ողբերգություն ապրած մարդկանց։ «Ազատություն» ռադիո չլինելով, բայց օգտվելով հայկական օրենսդրության բարիքներից՝ մենք նույնպես կփորձենք որոշ սև էջեր հիշել արտասահմանում ամերիկյան հերոսների հյուրախաղերից, կրկին՝ առանց որևէ առիթի ու պատճառի։ Պարզապես հանուն նրա, որ ինչ-որ կերպ ազատասեր «Ազատություն» ռադիոն հասկանա, որ լոկ գրանտով չէ, որ ապրում է հայը (և մարդն առհասարակ)։ Եվ նա նույնպես ի վիճակի է ինչ-որ բան իմանալ, համեմատել ու վերլուծել։ Իսկ նման վերլուծության արդյունքները կարող են զզվանք առաջացնել Միացյալ Նահանգների հանդեպ, ընդ որում՝ երկար ժամանակով, եթե ոչ ընդմիշտ։ Ինքներդ դատեք։


Սովորաբար ամերիկյան զինվորականներն արտասահմանում զբաղվում են այս կամ այն աստիճանի ծանրության գազանություններով, նրանց վարքագիծը երբեմն հիշեցնում է կենդանաբանական այգու՝ խնամքից ու քնքշանքից զրկված գազանների կենցաղը։ Ընդ որում՝ այն պետությունների ղեկավարների համբերության բաժակը, որոնց տարածքում տեղակայված են ԱՄՆ ԶՈւ ռազմակայաններն ու մատակարարման կետերը, երբեմն լցվում է։ Օրինակի համար վերցնենք բազմաչարչար Իրաքը, որտեղ ամերիկացիները տարան դժբախտ իրաքցիների համար այդքան երկար սպասված դեմոկրատիան, թեև՝ առանց նրանց համաձայնության։ Ահա ամերիկյան զինվորականների բարեպաշտ վարքագծի մի քանի օրինակ այդ երկրում։


2006թ. դեկտեմբերի 24-ին տեղի ունեցավ մի միջադեպ, որից հետո ամերիկյան մասնավոր Blackwater ռազմական ընկերության զինվորներին «կպավ-պոկ չեկավ» դեբոշիրի ու ջարդող-փշրողի համբավը։ Մասնավոր ռազմական ընկերության հարբած աշխատակիցը գնդակահարեց Իրաքի փոխնախագահի թիկնապահին՝ ատրճանակից նրա վրա երեք փամփուշտ ուղղելով։ Չնայած մեղադրանքների լրջությանը՝ քրեական հետապնդման նա չենթարկվեց (նշենք, որ ամերիկյան ՄՌԸ-ներն Իրաքում էին գտնվում, այսպես ասած, պետության պատվերով, հետևաբար՝ դրանց կարելի է լիովին ամերիկյան զինծառայողներ համարել)։ Այլ մարդկանց կյանքի հանդեպ թքողական վերաբերմունքի և ամենաթողության գագաթնակետը դարձավ 2007թ. միջադեպը։ Ուղեկցելով ԱՄՆ Պետդեպարտամենտի դիվանագիտական պարեկախմբին՝ Blackwater-ի աշխատակիցներն առանց որևէ պատճառի ու նախազգուշացման ինքնաձիգներից կրակ բացեցին խաղաղ բնակչության՝ վարորդների վրա, որոնք այդ օրը շտապում էին իրենց սովորական գործերի հետևից։ Սպանելով 17 և վիրավորելով նույնքան թվով մարդկանց՝ վարձկանները բարեհաջող ամերիկյան պաշտոնյաներին հասցրին նշանակման վայր։ Սկանդալն ու իրաքյան հասարակության՝ Blackwater-ի աշխատակիցների լկտիությունից ու անսկզբունքայնությունից առաջացած զայրույթը թույլ չտվեցին ամերիկյան կառավարությանը՝ ընթացք չտալ գործին, բայց լուրջ պատժամիջոցներ ընկերության ու նրա աշխատակիցների համար չեղան։ Ավելի ուշ, հատուկ հետազոտության ժամանակ, հաջողվեց պարզել, որ Իրաքում Blackwater-ի աշխատանքի ընթացքում ընկերության աշխատակիցները մասնակցել են գրեթե երկու հարյուր փոխհրաձգության և դեպքերի գրեթե 100%-ում առանց պատճառի կրակ են բացել։


Սակայն դրանից շատ ավելի առաջ ամերիկացիները հաջողել էին իրաքցիներին հասցնել ծայրակետին, քանի որ նման թքողական վերաբերմունքն անպատիժ մնալ չէր կարող։ 2004-ին ընկերության չորս աշխատակից սպանվեց ապստամբների կողմից։ Վարձկանների մարմինները ապստամբները քարշ տվեցին քաղաքի փողոցներով և ավելի ուշ կախեցին Եփրատի կամրջից՝ ի տես մյուսների։


Բայց իսկական հերոսությամբ և հերոսականությամբ քաջարի պենտագոնականները զբաղված են Ճապոնիայում։ Ամփոփագրերն ու լուրերը, որոնց աղբյուրներն ամերիկյան զինվորականներն են, հիմա, թերևս, այնտեղ արդեն ոչ ոքի չեն զարմացնում։ Բանն այն է, որ Ճապոնիայի կողմից 1960թ. ստորագրված «Ուժերի կարգավիճակի մասին» համաձայնագիրը զինվորական ծառայության մեջ գտնվող ԱՄՆ քաղաքացիներին օժտում է լուրջ արտոնություններով։ Ամերիկյան զինվորականների «արտոնությունների» մեջ է նաև ցանկացած ծանրության հանցանք կատարած զինծառայողի հատուկ իրավավիճակը։ Այն մտցվել է բացառապես ամերիկյան քաղաքացիների պաշտպանության նպատակով. ճապոնական դատախազությունը և քննչական մարմիններն իրավունք չունեն կալանել հանցագործություն կատարելու մեջ կասկածվողին, եթե հակաիրավական արարքը (տուժածներից որևէ մեկի մահվան ելքով կամ առանց դրա) կատարվել է ամերիկյան ռազմակայանի տարածքում։ Միևնույն ժամանակ, 1960թ. «Ուժերի կարգավիճակի մասին» համաձայնագիրը նախատեսում է կասկածյալների կալանում ռազմական ոստիկանության կամ ռազմակայանի հրամանատարության կողմից՝ մինչև ճապոնական իրավապահ մարմինների կողմից մեղադրանքների առաջադրումը, ինչը դե ֆակտո շատ իրավաբաններ մեկնաբանում են որպես մեկ այլ քրեական հանցագործություն՝ հանցանքի կոծկում։ Ճապոնիայում ամերիկյան զինվորականների հանցագործությունների ցուցակը մեծ է, և հազիվ թե հարյուրավոր էջերը բավականացնեն նրանց «նվաճումները» թվարկելու համար։ Հանցագործությունների ճնշող մեծամասնությունը բռնաբարություններն են, ճանապարհատրանսպորտային պատահարները՝ մահացու ելքերով և մեքենա վարելը մեծ քանակությամբ ալկոհոլ ու թմրանյութ օգտագործած վիճակում։


Բայց խոսենք ամերիկյան ձևով սեքսի մասին։ Չնայած ամերիկացի զինվորականների կատարած հանցագործությունների ծանրությանը՝ բռնաբարությունների մասին ճապոնացի կանայք երկար ժամանակ նախընտրում էին չխոսել։ Սակայն 1995թ. հասարակությունը փոթորկեց մի գարշելի հանցագործություն, որը թաքցնել հրամանատարությունն այլևս չկարողացավ։ 1995թ. սեպտեմբերին ամերիկա-ճապոնական հարաբերությունների պատմության մեջ իրենց հետքը թողեցին Camp Hansen ռազմակայանի զինծառայողները։ Պինդ տղերքը դպրոցական ճապոնուհուն խցկեցին մեքենա, կապեցին ու հերթով բռնաբարեցին։ Հասարակական արձագանքը երկար սպասել չտվեց. մոտ 90 հազար ճապոնացի փողոց դուրս եկավ՝ պահանջելով ոչ միայն գտնել ու անհապաղ պատժել հանցագործությունը կատարած զինվորականներին, այլև վերանայել ամերիկյան զինվորների իրավաբանական կարգավիճակը։ Ամերիկյան զինվորական հագուստ կրող անասուններին հրամանատարությունն այն ժամանակ չհամարձակվեց իր հովանու տակ վերցնել. ծովային հետևակի կորպուսի զինծառայողները ստացան 6,5 և 10 տարվա ազատազրկում։ 1995-ի աղմուկ հանած միջադեպից հետո Օկինավայում տեղակայված ամերիկյան զինվորականների թիվը կրճատեցին, սակայն ոչ մի արմատական փոփոխություն օրենսդրության, կանոնադրությունների և ռազմական ոստիկանության կառույցի մեջ տեղի չունեցավ։ Սեռական հողի վրա ամերիկյան զինվորների կողմից կատարվող հանցագործությունները եղել ու շարունակում են լինել մշտապես և, դատելով ըստ ամենայնի, առկա է համալիր թքողական վերաբերմունք բարոյականության նորմերի հանդեպ՝ սկսած Պենտագոնի ղեկավարից և ավարտած ռազմակայանի վարորդ լակոտով։ Բռնաբարությունների հետ կապված ռեզոնանսային հանցագործություններն ամերիկացիների կողմից Օկինավայում գործնականում մշտական բնույթ ունեն։


Ահա մի քանի օրինակ։ 2002-ին ծովային հետևակը ծեծել և բռնաբարել էր մի երիտասարդ տեղաբնակ աղջկա, 2006-ին ինը տարով «նստեց» ևս մի ամերիկյան քաղաքացի, որը մեղադրվում էր կրկնակի բռնաբարության մեջ, 2008-ին անչափահաս ճապոնուհու հանդեպ նման հանցագործություն կատարելու համար ձերբակալվեց ևս մեկ ծովային հետևակ, 2012-ին տասը և ինը տարով համապատասխան վայրեր ուղևորվեցին էլի երկու ծովայիններ՝ տեղի բնակչուհուն ծեծելու, թալանելու և բռնաբարելու համար։ Բայցևայնպես, բողոքի ակցիաներից և հանրային աղմկոտ արձագանքից, սահմանափակիչ միջոցներ (ընդհուպ մինչև պարետային ժամ) մտցնելուց հետո լիբերալ ամերիկացիների կողմից կատարվող հանցագործությունների թիվն այդպես էլ չհաջողվեց նվազեցնել։ Օրինակ, 2016թ. մայիսին նախկին ծովային հետևակը բռնաբարեց ու սպանեց տեղաբնակ մի կնոջ, իսկ մարմինը թաքցրեց մոտակա անտառում։ Դրանից հետո Օկինավայի բնակիչներն իսկական խռովություն բարձրացրին կառավարության և ամերիկյան զինվորականների ներկայության դեմ։ Տարբեր գնահատականների համաձայն՝ քաղաքի փողոցներում բողոքի ակցիաներին մասնակցել է ավելի քան 65 հազար մարդ։ Նրանք բոլորը պահանջում էին կրճատել ամերիկյան ռազմական ներկայությունը տարածաշրջանում, ինչպես նաև երկրի իշխանություններին կոչ էին անում «ազատել իրենց օկուպացիայից» և դուրս քշել ամերիկյան զինվորականներին առհասարակ։ Ու թեև զայրույթի ալիքը հասավ մինչև Ճապոնիայի վարչապետ Աբեին, որը Պենտագոնից պահանջեց կոշտ արձագանքել նման միջադեպերին, երկրի տարածքից զորքերը դուրս բերելու պահանջներն ամերիկացիները համեստաբար անտեսեցին։


Բայց ամերիկացիները, ցավոք, ներկա են ոչ միայն Ճապոնիայում։ Նրանք գրեթե ամենուր են։ Անգամ հետխորհրդային տարածքում, որտեղ չափից ավելի չի բերել լիտվացիների, լատիշների ու էստոնացիների բախտը։ Թեև այս երկրներում հանցագործությունների մեծ մասը կատարում են ՆԱՏՕ այլ երկրների զինվորականները, քանի որ ամերիկացիներն այնտեղ քիչ են, բայցևայնպես, տեղի են ունեցել իսկապես ակնառու սխրանքներ, որոնք բնութագրում են ինչպես Պենտագոնի աշխատավորներին, այնպես էլ հյուրընկալ երկրների քաղաքական էլիտաներին։ Ահա դրանցից մեկը։


Անցած տարվա ապրիլին ԱՄՆ զինծառայողները պոկեցին Լիտվայի Հանրապետության դրոշը Կլայպեդայի դատախազության շենքի վրայից և անարգեցին այն։ Միջադեպի մասին հայտնի դարձավ միայն մեկ ամիս անց։ Լիտվայի իշխանությունները գաղտնի պահեցին տեղեկությունն այն բանից հետո, երբ իմացան, որ վանդալիզմի ակտը կատարել են ամերիկացիները։ Դրոշի անարգման մասին չտեղեկացվեց ոչ տեղի ոստիկանական ամփոփագրերում, ոչ ոստիկանության դեպարտամենտի համահանրապետական ամփոփագրում։ Սակայն Լիտվան փոքր երկիր է, և պատահարը թաքցնելն անհնար եղավ։ Իրավապահ մարմինները ստիպված էին արդարանալ, թե միջադեպի մասին տեղեկությունը չեն տարածել, քանի որ վերևից հրամայել էին այն գաղտնի պահել։ Լիտվայի դրոշն անարգած ամերիկյան զինվորներից ոչ մեկը պատասխանատվություն չկրեց։ Իսկ անցած տարվա փետրվարին ամերիկացի հարբած զինվորները ջարդուփշուր արեցին լիտվական ամառանոցային Դրուսկինինկայի ակվապարկը; Ալկոհոլ օգտագործած 20 ամերիկացի զինծառայող գնացել էր զվարճանալու տեղի ակվապարկում։ Մտնելով մարզահամալիրի շենք՝ նրանք դեբոշ էին սարքել. աղմկել են, ծամածռություններ արել, քարուքանդ արել դեկորատիվ պատը, ինչպես նաև ձեռք են առել ակվապարկի աշխատողներին ու ոտնձգություն կատարել զվարճավայրի աշխատակցուհիների հանդեպ։ Ամերիկացիների պահվածքի վկաներն են եղել ակվապարկի բոլոր այցելուները, ներառյալ փոքր երեխաները։ Լողավազանի աշխատողները ստիպված են եղել ոստիկանություն կանչել, պաշտպանել հյուրերին չափն անցած օտարերկրյա զինվորներից։ Վերջինները, արդեն սովորական դարձած մերձբալթյան ավանդույթի համաձայն, քրեական պատասխանատվության չեն ենթարկվել։


Հետգրություն


Ամերիկյան զինվորականների սխրանքներն արտասահմանում անօրինակ են և անթիվ։ Դրանք նկարագրելու համար հարյուրավոր հատորներ կպահանջվեն։ Էլ չենք ասում ՆԱՏՕ այլ երկրների զինվորների մասին, որոնք իրենց պարտքն են համարում գործի դնել իսկական ու ստոր լկտիություն իրենց գտնվելու երկրներում։ Օրինակ, 2015թ. Ռիգա-Վեցլայցենե ճանապարհին Toyota Yaris ավտոմեքենան, որն ամերիկացի զինվոր էր վարում, խախտելով ճանապարհային երթևեկության կանոնները, բախվել է Mitsubishi Lancer մեքենային։ Տուժել է հինգ մարդ, այդ թվում Լատվիայի թիմում հանդես եկող ռուս ավտոարշավորդ Վասիլի Գրյազինը։ Պատահարի մեղավորին թույլ են տվել հանգիստ հեռանալ Լատվիայից։ Իսկ 2014թ. ամռանը Վենտսպիլսի քաղաքապետ Այվարս Լեմբերգսը Հյուսիսատլանտյան դաշինքի այն ժամանակվա գլխավոր քարտուղար Անդերս Ֆոգ Ռասմուսենին բողոք էր ուղարկել իր քաղաքում ՆԱՏՕ ծովայինների պահվածքի վերաբերյալ։ Լեմբերգսը հայտարարել էր, որ ՆԱՏՕ զինվորականների գործողությունները Վենտսպիլսում վարկաբեկում են դաշինքը Լատվիայի բնակչության աչքում։


«ՆԱՏՕ ծովայինները Վենտսպիլսում իրենց խոզավարի են պահել, արհամարհել Լատվիայի օրենքները և ինքնակառավարման կանոնները։ Խմած վիճակում նրանք միզել են հանրային վայրերում և ցուցափեղկերին, փսխել են, հրապարակավ սպիրտային խմիչքներ օգտագործել, ինչը չի թույլատրվում։ Նրանք նաև թմբերից ծաղիկներ են պոկել, որպեսզի նվիրեն մարմնավաճառներին»,- տեղեկացրել էր Վենտսպիլիսի քաղաքապետը։ Այվարս Լեմբերգսը արդարացրել էր նաև Վենտսպիլսի բնակիչների կողմից ՆԱՏՕ ծովայիններին ծեծելը՝ ասելով, որ տեղի տղամարդիկ պաշտպանել են կանանց նրանց ոտնձգություններից։ Լատվիայի իշխանությունները և ՆԱՏՕ կենտրոնատեղին գերադասեցին լռություն պահպանել Վենտսպիլսի սկանդալի մասին։


Կարծում եմ՝ «Ազատություն» ռադիոկայանին ես ահագին ինֆորմացիա տվեցի մտորելու, վերլուծելու և, բնականաբար, հոդվածների ու հաղորդումների համար։ Կհետևենք azatutyun.am-ի ճշմարտացի և ազատասեր գործունեությանն առաջիկայում։






Դիտումների քանակ 82743


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Ամերիկյան արտանետումները սպանում են երկրագնդի էկոլոգիան

Ամերիկյան արտանետումները սպանում են երկրագնդի էկոլոգիան

Հունիսի 5, 2019


Դոնալդ Թրամփն ասել է. Ռուսաստանում, Չինաստանում և Հնդկաստանում էկոլոգիան շատ ավելի վատն է, քան ԱՄՆ-ում։ Դա՝ այն դեպքում, երբ Նյ...

Բիլ Գեյթս. «Լավ աշխատելով պատվաստանյութերի վրա՝ մենք կկրճատենք բնակչությունը 10-15%-ով»

Բիլ Գեյթս. «Լավ աշխատելով պատվաստանյութերի վրա՝ մենք կկրճատենք բնակչությունը 10-15%-ով»

Մայիսի 25, 2019


Բոլոր չէ, որ գիտեն, որ Բիլ Գեյթսը՝ Մայքրոսոֆթի ղեկավարը, միլիարդներ դնելով պատվաստման բիզնեսում, ինքը կտրականապես հրաժարվում է ...

ՆԱՏՕ-ն վերիմաստավորում է պատմությունն իր շահերին համապատասխան

ՆԱՏՕ-ն վերիմաստավորում է պատմությունն իր շահերին համապատասխան

Ապրիլի 4, 2019


ՆԱՏՕ-ն տոնում է իր հոբելյանը՝ լրացել է նրա 70 տարին։ Այս երջանիկ առիթով Վաշինգտոնում ճոխ նշում են կլոր տարեթիվը։ Այստեղ են եկել...

ԱՄՆ-ում կանանց հավասարեցրել են գեյերին և տրանսսեքսուալներին

ԱՄՆ-ում կանանց հավասարեցրել են գեյերին և տրանսսեքսուալներին

Ապրիլի 1, 2019


ԱՄՆ-ում դեմոկրատները Ներկայացուցիչների պալատի քննարկմանն են ներկայացրել մի օրինագիծ, որը կարող է դադարեցնել անվտանգ վայրերի, մա...

Թրամփը փոխում է Սիրիայի սահմանները

Թրամփը փոխում է Սիրիայի սահմանները

Մարտի 22, 2019


ԱՄՆ նախագահ Դոնալդ Թրամփը ևս մեկ անակնկալ է մատուցել համաշխարհային հանրությանը. նախօրեին ԱՄՆ առաջնորդը սիրիական Գոլանի բարձունք...

Կանխե՛լ Հայաստանի Հանրապետության և Արցախի անվտանգության սպառնալիքը

Կանխե՛լ Հայաստանի Հանրապետության և Արցախի անվտանգության սպառնալիքը

Մարտի 21, 2019


Անցել է 10 ամսից մի փոքր ավելի Հայաստանում պետական հեղաշրջումից հետո, որը տեղի ունեցավ 2018թ. ապրիլ-մայիսին։ Թերևս, այդ ժամանակ...

ՆԱՏՕ զորավարժությունները Վրաստանում. վրացական էլիտայի մահացու վտանգավոր ուղեգիծը

ՆԱՏՕ զորավարժությունները Վրաստանում. վրացական էլիտայի մահացու վտանգավոր ուղեգիծը

Մարտի 19, 2019


«ՆԱՏՕ-Վրաստան 2019» հրամանատարաշտաբային զորավարժությունները պաշտոնապես բացվել են։ Հանդիսավոր արարողությունը տեղի է ունեցել պաշտ...

ԱՄՆ-ը ահաբեկիչներին տեղափոխում է Կենտրոնական Ասիա և Կովկաս

ԱՄՆ-ը ահաբեկիչներին տեղափոխում է Կենտրոնական Ասիա և Կովկաս

Մարտի 18, 2019


Ռուսաստանի նախագահին կից ազգամիջյան հարաբերությունների խորհրդի անդամ, «Ռուսաստանի թալիշական սփյուռք» հասարակական կազմակերպությա...

Ամերիկացի զինվորականները սպառնալիք են դառնում Լատվիայի խորհրդարանի և կառավարության կանանց համար

Ամերիկացի զինվորականները սպառնալիք են դառնում Լատվիայի խորհրդարանի և կառավարության կանանց համար

Մարտի 16, 2019


Այն, որ ամերիկացի զինվորականները փորձանք են դառնում այնտեղ, որտեղ նրանց ուղարկում են, բոլորին է հայտնի։ Օրինակ, ԱՄՆ քաջարի զինծ...

Փաշինյան Նիկոլը Ռուսաստանի ու ռուսների հանդեպ ատելություն է սերմանում

Փաշինյան Նիկոլը Ռուսաստանի ու ռուսների հանդեպ ատելություն է սերմանում

Մարտի 12, 2019


Փաշինյան Նիկոլի Հ1-ը հակառուսական քարոզչությամբ է զբաղված, այսինքն` ռուսատյացություն է քարոզում ու դավանում այս երկրում: Ուրեմն...

Արևմուտքի պատժամիջոցների պատերազմը Ռուսաստանի դեմ պատերազմ է ԵԱՏՄ յուրաքանչյուր անդամ պետության դեմ

Արևմուտքի պատժամիջոցների պատերազմը Ռուսաստանի դեմ պատերազմ է ԵԱՏՄ յուրաքանչյուր անդամ պետության դեմ

Մարտի 2, 2019


Եվ այսպես, ս.թ. մարտի 5-6-ին Մոսկվայում տեղի կունենա «Լազարյան ակումբի» երկրորդ նիստը։ Նիստի թեման է. «Տնտեսություն, ներդրումնե...

ԱՄՆ կոնգրեսը սպառնացել է Ռուսաստանի նախագահին «անձնական ակտիվների մասին հաշվետվությամբ»

ԱՄՆ կոնգրեսը սպառնացել է Ռուսաստանի նախագահին «անձնական ակտիվների մասին հաշվետվությամբ»

Փետրվարի 27, 2019


Այսօր՝ փետրվարի 27-ին, ԱՄՆ կոնգրեսը հրապարակել է Ռուսաստանի դեմ պատժամիջոցների թարմացված օրինագծի տեքստը՝ DefendingAmerican Sec...

ԱՄՆ-ը և Մեծ Բրիտանիան թալանել են Վենեսուելան 30 մլրդ դոլարով

ԱՄՆ-ը և Մեծ Բրիտանիան թալանել են Վենեսուելան 30 մլրդ դոլարով

Փետրվարի 27, 2019


Այս մասին հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան կազմակերպության անվտանգության խորհրդի նիստում։...

Միացյալ Նահանգները Փաշինյանին հակահայկական քայլեր է թելադրում

Միացյալ Նահանգները Փաշինյանին հակահայկական քայլեր է թելադրում

Փետրվարի 27, 2019


«Առաջին հերթին, պետք է հեռացնել (Արցախի) ուժայիններին կամ նրանց դեմ կոռուպցիոն մեղադրանքներ առաջ բերել։ Փաշինյանի փոխատեղությու...

Միացյալ Նահանգները Վենեսուելայից հետո կվերադաստիարակի Կուբան և Նիկարագուան

Միացյալ Նահանգները Վենեսուելայից հետո կվերադաստիարակի Կուբան և Նիկարագուան

Փետրվարի 23, 2019


Պատասխանելով այն հարցին, թե մտադիր է արդյոք Միացյալ Նահանգները Վենեսուելայից հետո «գործողություններ ձեռնարկել ոչ դեմոկրատական ռ...

ԱՄՆ-ը սկսում է գլոբալ արշավ համասեռամոլության բարձր գաղափարների համար

ԱՄՆ-ը սկսում է գլոբալ արշավ համասեռամոլության բարձր գաղափարների համար

Փետրվարի 20, 2019


Լուծելով ներքին և արտաքին քաղաքականության բոլոր հարցերը՝ ԱՄՆ նախագահ Դոնալդ Թրամփը ձեռնամուխ է եղել համասեռամոլությունն ապաքրեա...

ԱՄՆ-ը հավանություն է տալիս Վենեսուելային՝ «քցել» Ռուսաստանին

ԱՄՆ-ը հավանություն է տալիս Վենեսուելային՝ «քցել» Ռուսաստանին

Փետրվարի 14, 2019


Ամերիկացի կոնգրեսական Բրեդ Շերմանը Ներկայացուցիչների պալատում լսումների ժամանակ իր երկրի իշխանություններին կոչ է արել այնպես ան...

Լպիրշ լկտիություն ամերիկյան ձևով

Լպիրշ լկտիություն ամերիկյան ձևով

Փետրվարի 3, 2019


ԱՄՆ-ը դուրս է գալիս 1987թ. Ռեյգանի և Գորբաչովի ստորագրած միջին և փոքր հեռահարության հրթիռների վերացման պայմանագրից (ՄՓՀՀՊ)։ Այն...

Լուկաշենկոն կրակում է իր ոտքին Պուտինի «ինադու»

Լուկաշենկոն կրակում է իր ոտքին Պուտինի «ինադու»

Փետրվարի 1, 2019


Դիվանագետն ընդգծել է, որ Մինսկը հանդես է գալիս ԱՄՆ-ի և Եվրամիության հետ հարաբերությունների կարգավորման օգտին, բայց այդ ճանապարհ...

Ամերիկացիներն ապացուցել են. «առնականությունը» վտանգավոր է, և այն պետք է հաղթահարել

Ամերիկացիներն ապացուցել են. «առնականությունը» վտանգավոր է, և այն պետք է հաղթահարել

Հունվարի 23, 2019


Մի առաջադեմ կազմակերպություն կա՝ Հոգեբանության ամերիկյան ասոցիացիա (APA)։ Միավորում է պատկառելի գիտնականների, այսպես ասած՝ ըստ ...

ԵՊՀ-ին քիչ մնաց
27.06.2019 | 12:39


ԵՊՀ-ին քիչ մնաց

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ







Քվեարկությունների արխիվ