Միջազգային խայտառակություն

ԱՄՆ-ը խափանում է Հայաստանի և Ռուսաստանի գործարքը բուլղարական զենքի մատակարարումներո՞վ

Դեկտեմբերի 13, 2018
ԱՄՆ-ը խափանում է Հայաստանի և Ռուսաստանի գործարքը բուլղարական զենքի մատակարարումներո՞վ

Երկրորդ ամիսն անընդմեջ Բուլղարիայից սպառազինություն են հասցնում Հայաստան։ Բելառուսական ավիաընկերություններից մեկի Իլ-62 բեռնատար ինքնաթիռը օրը մեջ թռիչքներ է կատարում Երևան-Բուրգաս-Երևան չվերթով։ Փորձագետները կարծում են, որ խորհրդային նմուշի զենքի մեծաքանակ մատակարարումները կարող են նախաձեռնված լինել ԱՄՆ-ի կողմից, որպեսզի խափանեն Մոսկվայի հետ Երևանի $100 մլն-անոց գործարքը։


Վերջին շաբաթվա ընթացքում Rada Airlines ավիաընկերության EW-450TR գրանցահամարով Իլ-62 ինքնաթիռը Բուլղարիայից Հայաստան չորս թռիչք է կատարել։ Այս մասին են վկայում Flightradar24 ավիանավիգացիոն պորտալի տվյալները։ Դեկտեմբերի 7-ին, 9-ին, 11-ին և 13-ին ինքնաթիռը դուրս է եկել Բուրգասից և վայրէջք կատարել Հայաստանի մի ինչ-որ տարածքում։


Չնայած անջատված հաղորդչին՝ նավիգացիոն պորտալը գրանցել է Իլ-62-ի Հայաստան կատարած երթուղին։ Հետո արդեն արձանագրվել է հակառակ չվերթը դեպի Բուրգաս, որը կատարվել է Թուրքիայի օդային տարածքով։


EADaily-ն գրել էր այն մասին, որ նոյեմբերին իսրայելական Haaretz պարբերականի անգլալեզու տարբերակի խմբագիր Ավի Շարֆը նկատել է Rada Airlines-ի ինքնաթիռի թռիչքները Բուրգասից, որը Արևելյան Եվրոպայից սպառազինությունների առաքման հաբ է հանդիսանում։ Այն ժամանակ, 8 օրվա ընթացքում թուրք բլոգեր Յուրյուք Իշիքը Flightradar24–ի օգնությամբ գրանցել էր յոթ թռիչք Հայաստանի ուղղությամբ։


«Rada Airlines-ի Իլ-62-ը յոթերորդ անգամ վերջին 8 օրվա ընթացքում Բուրգասից Իրան կամ Հայաստան է թռել, ամենայն հավանականությամբ՝ Երևանի «Զվարթնոց» օդանավակայան, շրջանցելով թուրքական օդային տարածքը։ Ավելի շուտ, դա ռազմաբեռ է։ Հիմա ինքնաթիռը թռչում է թուրքական Լեսովս/Միդիլիից հարավ, 10100 մետր բարձրության վրա»,- Twitter-ում գրել է Յուրյուք Իշիքը նոյմեբերի 15-ին։


Բուլղարական ձեռնարկությունները հազիվ թե համարձակվեին սպառազինություն մատակարարել պատժամիջոցների տակ գտնվող Իրանին, իսկ թռիչքների վերջին տվյալները հաստատում են, որ վերջնակետը եղել է Հայաստանը։ Ինչո՞ւ զենք։


Այս մասին են վկայում մի քանի փաստեր։ Մի կողմից՝ Բուրգասը զինական հաբ է հանդիսանում, Հայաստանի և Բուլղարիայի արտահանա-ներմուծական գործողությունները նվազագույն են, իսկ բեռնափոխադրման համար օգտագործվում է սակավ հայտնի ավիաընկերություն, որի տրամադրության տակ ընդամենը մեկ ինքնաթիռ կա։ Մյուս կողմից, որը գլխավորն է, ինքնաթիռի երթուղին ապացուցում է, որ Հայաստան հենց սպառազինություն է հասցվում։ Բանն այն է, որ ռազմական նշանակության բեռներ փոխադրելիս դա պետք է համաձայնեցվի նաև այն երկրների հետ, որոնց օդային տարածքով է թռչում ինքնաթիռը։ Իսկ Իլ-62-ի չվերթերը համառորեն խուսափում են թուրքական օդային տարածքից և տնտեսական տեսակետից շատ ծախսատար են։ Ինքնաթիռը թռչում է ոչ թե ուղիղ Թուրքիայով և Վրաստանով, այլ շրջան է կատարում Միջերկրական ծովի, Եգիպտոսի, Հորդանանի, Իրաքի և Իրանի վրայով։ Այսպիսով, թռիչքի տևողությունն ավելանում է առնվազն կրկնակի։


Հատկանշական է, որ դեկտեմբերին Բուրգասից նաև դեպի Բաքու են ինքնաթիռներ թռել։ Չվերթներ է կատարել սկանդալային համբավ ունեցող Silk Way-ը։ Ընդ որում՝ նրա ինքնաթիռներն ուղիղ Թուրքիայի տարածքի վրայով էլ թռել են։ Այս մասին են վկայում Flightradar24–ի տվյալները։


Որքանո՞վ կարող են խոշորաքանակ լինել զենքի մատակարարումները։ EADaily-ն արդեն գրել է այն մասին, որ ադրբեջանական Silk Way պետական ավիաընկերությունը Բուրգասից բուլղարական սպառազինություն է հասցնում սիրիացի գրոհայիններին Սաուդյան Արաբիա։ Այս մասին են վկայում հաքերների ստացած փաստաթղթերը, որոնք կարողացել են ներթափանցել Բուլղարիայում Ադրբեջանի դեսպանության էլեկտրոնային փոստ։ Ըստ դրանց՝ կարելի է գնահատել մատակարարումների մասշտաբները։


Rada Airlines ավիաընկերության Իլ-62-ը 2007-ին ուղևորատար ինքնաթիռից վերածվել է բեռնատարի։ Այն ժամանակ Կազանի Գորբունովի անվան ավիացիոն գործարանում ասել էին, թե ստեղծել են Իլ-62МГр ինքնաթիռի բեռնատար տարբերակը. առավելագույն թռիչքային քաշն ավելացրել էին մինչև 170 տոննա, օգտակար բեռնվածությունը կազմում է 40 տոննա, իսկ թռիչքի հեռավորությունն առավելագույն բեռնվածությամբ՝ մոտ 6 հազ. կիլոմետր։ Այս մասին տեղեկացրել է ԿԱՊՕ-ավիայի գլխավոր տնօրենի տեղակալ Վոզիխ Գապտրախմանովը։


Իսկ Silk Way-ի փաստաթղթերը վկայում են, թե որքան զենք կտեղավորվի Իլ-62-ում։ Այսպես, 2016թ. մարտին ավիաընկերության և դեսպանության ներկայացուցիչները պատրաստել են Բուրգասից սաուդյան «Արքայազն Սուլթան» ավիաբազա ռազմաբեռի տեղափոխման փաստաթղթերը և նշել, որ 20,4 տոննան կազմում են 1700 հատ շարժական հակատանկային РПГ-7 ականանետերը, 11,67 տոննա՝ 2,5 հազ. ական ականանետերի համար (PG-7VM)։


Ելնելով այս տվյալներից՝ Բուլղարիայից Հայաստան մեկ անգամով կարող են 40 տոննա բեռ հասցնել՝ 1700 ականանետ և 5 հազարից մի փոքր պակաս ական դրանց համար։ Եթե հաշվի առնենք, որ արդեն գրանցվել է ոչ պակաս, քան 11 չվերթ, ապա ծավալները կարելի է մեծացնել տասնակի։ Բուլղարիան, ինչպես հայտնի է, թեթև հրազենի, ականանետերի և դրանց զինամթերքի, խորհրդային նմուշի ականների խոշոր արտադրողներից մեկն է։ Մատակարարումները համընկել են Բուլղարիայի և Հայաստանի ռազմական հարաբերությունների ակտիվացման հետ։ Ինչպես հաղորդել է Հայաստանի պաշտպանության նախարարությունը, նոյեմբերի վերջին երկու երկրների ռազմական գերատեսչությունները ստորագրել են 2019թ. համար երկու երկրների ռազմական գերատեսչությունների միջև երկկողմանի համագործակցության ծրագիր։ Նոյեմբերի կեսին Հայաստանի Զինված ուժերի Գլխավոր շտաբի պետ, գեներալ-լեյտենանտ Արտակ Դավթյանի գլխավորած պատվիրակությունը պաշտոնական այցով մեկնեց Բուլղարիա։ Բուլղարիայի պաշտպանության նախարար Կրասիմիր Կարակչանովի և ԶՈւ Գլխավոր շտաբի պետ Անդրեյ Բոտսևի հետ հանդիպումների ժամանակ երկու կողմերն ամփոփեցին 2018թ. փոխադարձ գործընկերության շրջանակներում իրականացրած գործունեության արդյունքները և անդրադարձան համագործակցության զարգացման հեռանկարներին։ Հայաստանի Զինված ուժերի Գլխավոր շտաբի պետն այցելեց նաև բուլղարական ռազմարդյունաբերական ձեռնարկություններ։


Մինչ այդ Հայաստանը Բուլղարիայի ՌԱՀ այնքան էլ մեծ հաճախորդը չէր եղել։ Օրինակ, 2017թ. Հայաստանը բուլղարացի արտադրողների հետ ստորագրել էր 19,5 մլն եվրոյի գործարք, բայց սպառազինությունների փաստացի մատակարարումները կազմել են 637 հազ. եվրո։ ՄԱԿ սովորական սպառազինությունների արտահանման ռեեստրի տվյալներով՝ 2017թ. անդրկովկասյան երկիր է հասցվել 1094 ձեռքի թեթև գնդացիր։ Այժմ կարելի է խոսել մատակարարումների զգալի ավելացման մասին։ Օրինակ, 2015թ. բուլղարական Bulcomers ընկերությունը Ուկրաինային մատակարարել է ռեակտիվ հակատանկային նռնակներ, որոնցից յուրաքանչյուրի արժեքը կազմել է $1779։


Միևնույն ժամանակ, ամերիկյան Airtronic ընկերությունն անցած տարի Ուկրաինային մատակարարել է РПГ-7-ի անալոգներ՝ մեկ հատը $5,5 հազ. գնով։ Այսպիսով, Իլ-62-ի միայն մեկ չվերթի բեռը կարող է մինչև $18 մլն արժենալ։


Ինչի՞ հետ կարող են կապված լինել մատակարարումները։ Հայաստանն աղքատ երկիր է, և նրա ընդհանուր ռազմական բյուջեն այս տարի կազմել է $468 մլն։ Հաջորդ տարի վարչապետ Նիկոլ Փաշինյանը նախաձեռնել է այն հասցնել $530 մլն-ի։ Այս իրավիճակում տրամաբանական են գործարքները Ռուսաստանի հետ, որոնք ուղեկցվում են վարկի միաժամանակյա տրամադրմամբ։ 2015թ. Ռուսաստանը Հայաստանի հետ համաձայնագիր է ստորագրել $200 մլն պետական արտահանական վարկ տրամադրելու մասին ռուսական սպառազինությունների մատակարարման ֆինանսավորման համար, և այդ գործարքն արդեն կատարված է։ Իսկ ահա հաջորդ՝ $100 մլն-ի համաձայնագիրը՝ ստորագրված 2017թ. հոկտեմբերին, դեռ կատարված չէ։


Ուստի, միանգամայն հնարավոր է, որ Միացյալ Նահանգները, որոնց հանդեպ հայկական նոր կառավարությունն ավելի քան լոյալ է, փորձում է խափանել ռուսական գործարքը։ Ինչպես հայտնի է, հոկտեմբերին Հայաստան կատարած այցելության ժամանակ ԱՄՆ նախագահի ազգային անվտանգության գծով խորհրդական Ջոն Բոլթոնը երկրին առաջարկել էր գնել ամերիկյան սպառազինություն։ «Այո, մենք Ադրբեջանին և Հայաստանին՝ որպես հակամարտության մասնակիցների, զենքի մատակարարման սահմանափակումներ ունենք կոնգրեսում։ Բայց կան բացառություններ։ Եվ ես տեղեկացրել եմ պարոն վարչապետին, որ եթե խոսքը վերաբերում է ռուսական կամ ամերիկյան ռազմատեխնիկայի ձեռքբերմանը, ապա մենք, իհարկե, կնախընտրեինք երկրորդ տարբերակը։ Եվ դա էապես կբարձրացներ երկրի հնարավորությունները։ Այդ ժամանակ այն կդադարեր լիովին կախված լինել մեկ տերությունից զենքի մատակարարումների հարցերում։ Հասկանալի է, որ այստեղ առաջին տեղում Հայաստանի աշխարհագրական դիրքն է։ Բայց ես կարծում եմ՝ Հայաստանն արդեն կարող է դուրս գալ միջազգային շուկաներ»,- ասաց Ջոն Բոլթոնը։ «Կառավարությունը սահմանափակված չէ։ Եթե ԱՄՆ-ը շահավետ առաջարկներ առաջադրի, ապա մենք կարձագանքենք»,- առաջարկը մեկնաբանեց Նիկոլ Փաշինյանը։


Միևնույն ժամանակ, ամերիկյան զենքը թանկ է և վերապատրաստում է պահանջում, իսկ ահա խորհրդային նմուշի բուլղարական զենքը լավ ծանոթ է Հայաստանի զինված ուժերին, և այն քանիցս էժան է։ Ավելին, ինչպես արդեն տեղեկացրել է EADaily-ն, 2016-2017թթ. պատվերների ֆենոմենալ պահանջարկից հետո այս տարի բուլղարական սպառազինության պատվերները նվազել են։ Այդ թվում խոսքը նաև դաշնակիցների աջակցության ԱՄՆ պետծրագրով սիրիացի գրոհայիններին մատակարարվող սպառազինության մասին է, ինչը կապված է Սիրիայում ակտիվ մարտական գործողությունների ավարտի հետ։ Օրինակ, «Վազովի մեքենաշինական գործարանի» (VMZ) գործադիր տնօրեն Իվան Գեցովը բուլղարական «24 ժամ» պարբերականին սեպտեմբերին ասել է, որ ձեռնարկության եկամուտները նվազել են։ «Այո, կան պայմանագրեր։ Ծավալն այն չէ, ինչը բնորոշ էր 2016 և 2017թթ. համար, բայց դա բավական է, որպեսզի VMZ-ը գոյությունը պահպանի և զարգանա»,- ասել է Իվան Գեցովը և պարզաբանել, որ հիմա ձեռնարկությունում կան ավելորդ հզորություններ, որոնք օգտագործվել են անցած տարիներին, ինչի հետ էլ կապված է հասույթի անկումը։ Բուլղարական «Տրուդ»-ի տվյալներով՝ առաջին կիսամյակում VMZ-ի հասույթը իջել է 67%-ի և կազմել 76,9 մլն լև (մոտ 38 մլն եվրո)։ Ի դեպ, նշում է պարբերականը, արտադրության անկումը հարվածել է բուլղարական ռազմարդյունաբերական համալիրի բոլոր ձեռնարկություններին։ Եվ այս իրավիճակում ԱՄՆ-ը կարողացել է բուլղարացի գործընկերներին սատարել՝ նրանց «բեռնելով» հայկական պատվերով։ Թե ում միջոցների հաշվին է դա կատարվում՝ անհայտ է մնում։ Սակայն, դատելով Բուրգաս-Երևան թռիչքների հաճախականությամբ՝ ծավալները զգալի են և միանգամայն կարող են համեմատվել ռուսական արդեն կնքված, բայց դեռ չկատարված գործարքի հետ։
Ի դեպ, նոյեմբերի 22-ին, Հայաստանի ԶՈւ Գլխավոր շտաբի պետի Բուլղարիա կատարած այցից հետո և Երևանում երկու երկրների պաշտպանության նախարարությունների համագործակցության երկկողմանի ծրագրի ստորագրման նախօրեին «Վազովի մեքենաշինական գործարանի» մամուլի ծառայությունը տեղեկացրեց, որ ձեռնարկության տնօրենների խորհուրդը որոշում է կայացրել սուրբծննդյան բոնուս վճարել ընկերության բոլոր աշխատակիցներին մեկ նվազագույն աշխատավարձի չափով՝ 561 լև (286 եվրո)։ «Որոշումն ընդունվել է այն պայմանագրերի ստորագրումից հետո, որոնք երաշխավորում են լավ եկամուտներ VMZ-ի համար»,- ասվում է հաղորդագրությունում։ Իսկ սեպտեմբերին VMZ-ի ղեկավար Իվան Գեցովն ասել էր, որ բոնուսային համակարգը դադարեցվել է և կվերականգնվի, հենց որ սկսվի ֆինանսավորումն ըստ նոր պայմանագրերի։



Աղբյուրը՝ EurAsia Daily






Դիտումների քանակ 45120


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Նրանք զոհվեցին ժողվարչապետի ձեռամբ

Նրանք զոհվեցին ժողվարչապետի ձեռամբ

Հուլիսի 14, 2020


Այսօր Հայաստանը զոհեր ունեցավ: Թշնամու կրակից զոհվեցին մայոր Գարուշ Համբարձումյանը, կապիտան Սոս Փալյանը, ժամկետային զինծառայողն...

Միացյալ Նահանգները վերջնականապես Հայաստանում հաստատում է արտաքին կառավարում

Միացյալ Նահանգները վերջնականապես Հայաստանում հաստատում է արտաքին կառավարում

Հուլիսի 11, 2020


Երեկ հաղորդվեց, որ Միացյալ Նահանգները փաստացի վերցնում է Հայաստանն արտաքին կառավարման տակ՝ ուղարկելով Նոր Հայաստան կոռուպցիայի ...

Փաշինյան Նիկոլի ղեկավարությունն ընդդեմ Փաշինյան Նիկոլի

Փաշինյան Նիկոլի ղեկավարությունն ընդդեմ Փաշինյան Նիկոլի

Հուլիսի 7, 2020


Փաշինյան Նիկոլի ղեկավարությունը Ադրբեջանին 100 միլիոն դոլարի ուղիղ ռազմական օգնություն է տրամադրում: Եվ սա այն դեպքում, երբ հայ...

Ամերիկան ոչնչացնում են էլիտայի երեխաները

Ամերիկան ոչնչացնում են էլիտայի երեխաները

Հունիսի 15, 2020


Ընդունված է համարել, որ ԱՄՆ-ում տեղի ունեցող անկարգությունները կազմակերպել են նախևառաջ ամերիկյան հասարակության ստորին խավերը՝ ս...

ԱՄՆ-ը իր համար նոր թշնամի է նշանակել

ԱՄՆ-ը իր համար նոր թշնամի է նշանակել

Հունիսի 13, 2020


Միացյալ Նահանգներն իր համար նոր թշնամի է գտել։ Այդ թշնամին արտասովոր է, անշունչ, բայց դա չի խանգարել, որպեսզի հունիսի 11-ին պետ...

Արևմտականությունն ու լակոտությունը Հայաստանում նույն երևույթն են

Արևմտականությունն ու լակոտությունը Հայաստանում նույն երևույթն են

Հունիսի 12, 2020


Հայաստանի արևմտականների ուշքը գնում է հայրենիքի ինքնիշխանության համար, սրանք ասում են, որ ինքնիշխանությունը մեր հացուջուրն է, ո...

Հայաստանի և բնակչության անվտանգությամբ այսուհետ կզբաղվեն լակոտները

Հայաստանի և բնակչության անվտանգությամբ այսուհետ կզբաղվեն լակոտները

Հունիսի 8, 2020


Փաշինյան Նիկոլի գիշերվա վախը թանկ նստեց ոմանց ու որոշ կառույցների վրա, իսկ մեծ հաշվով՝ Հայաստանի վրա: Ինչպես հայտնի է, ժողովրդի...

SOS. վտանգված է Փաշինյան Նիկոլը

SOS. վտանգված է Փաշինյան Նիկոլը

Մայիսի 29, 2020


Փաշինյան Նիկոլը չի արդարացնում ամերիկյան դեսպանի հույսերը: Կարծես խնդիր չպետք է լինի, կարելի է հենց վաղը ժողվարչապետին հեռացնել...

Ուշադրություն, խոսում և ադրբեջանցիներին ցուցադրում է ղասաբը

Ուշադրություն, խոսում և ադրբեջանցիներին ցուցադրում է ղասաբը

Մայիսի 28, 2020


Ղասաբ Պոմպեոն, որն Ամերիկայում պետքարտուղար է աշխատում և գիշեր-ցերեկ զբաղված է ղասաբությամբ՝ ազգերի և պետությունների սպանդ կազմ...

Հայաստանում ամերիկացիները թեստավորում են միջատաբանական զենքի արդյունավետությունը

Հայաստանում ամերիկացիները թեստավորում են միջատաբանական զենքի արդյունավետությունը

Մայիսի 25, 2020


Հայաստանում DTRA կենսալաբորատորիաների հիման վրա ամերիկացիները սկսել են մեզ համար չափազանց վտանգավոր փորձարկում՝ թեստավորում են ...

Ադրբեջանը ԱՄՆ-ի և ԵՄ-ի հավանությամբ պատերազմ կսանձազերծի Արցախի դեմ

Ադրբեջանը ԱՄՆ-ի և ԵՄ-ի հավանությամբ պատերազմ կսանձազերծի Արցախի դեմ

Մայիսի 23, 2020


Հարգելի ընթերցող, հոդվածը ցանկանում եմ սկսել հայկական երկու պետությունների՝ Հայաստանի Հանրապետության և Արցախի Հանրապետության դե...

ԱՄՆ ռազմական վիրուսաբանները քանիցս այցելել են Հայաստանի լաբորատորիաներ

ԱՄՆ ռազմական վիրուսաբանները քանիցս այցելել են Հայաստանի լաբորատորիաներ

Մայիսի 13, 2020


Մայիսի 1-ին Tert.am պարբերականի հարցմամբ Հայաստանի ԱԳՆ-ում մեկնաբանել են կենսաբանական անվտանգության ռուս-հայկական հուշագրի ստոր...

Լկտի ռեկետ ամերիկյան ձևով

Լկտի ռեկետ ամերիկյան ձևով

Ապրիլի 20, 2020


Ինչպեսև պետք էր սպասել, Սպիտակ տան կողմից Պեկինի բազմակի մեղադրանքները կորոնավիրուսի համավարակի հարցում ավարտվեցին փողի, ավելի ...

Իրանը մոտեցնում է Պոմպեոյի «վերջին օրերը»

Իրանը մոտեցնում է Պոմպեոյի «վերջին օրերը»

Ապրիլի 11, 2020


Իրանի նախագահ Հասան Ռոհանին դիմել է Արժույթի միջազգային հիմնադրամին՝ կոչ անելով երկրին հատկացնել անհապաղ վարկ 5 մլրդ դոլարի չափ...

Միացյալ Նահանգները՝ Հայաստանի անվտանգության սպառնալիք

Միացյալ Նահանգները՝ Հայաստանի անվտանգության սպառնալիք

Ապրիլի 9, 2020


«Московский комсомолец» մոսկովյան պարբերականը ուշադրություն է դարձրել ՀՀ տարածքում գործող ԱՄՆ կենսալաբորատորիաներին։ Հայտնի է, ...

Միացյալ Նահանգները կողմ է կորոնավիրուսին

Միացյալ Նահանգները կողմ է կորոնավիրուսին

Ապրիլի 8, 2020


Միացյալ Նահանգները փորձում է արգելափակել ԱՄՀ գծով հինգ միլիարդ դոլարի օգնությունն Իրանին՝ կորոնավիրուսի համաճարակի դեմ պայքարի ...

2020 թվականը ԱՄՆ կործանման սկիզբն է

2020 թվականը ԱՄՆ կործանման սկիզբն է

Ապրիլի 7, 2020


Նորվեգացի հայտնի պրոֆեսոր, սոցիոլոգ Յոհան Գալթունգը, որն այս տարի 90 տարեկան է դառնում, լեգենդար մարդ է։ 1969թ. նա Օսլոյի համալ...

Դաշնակցություն և եղբայրություն խոզավարի (այսինքն՝ ամերիկյան ձևով)

Դաշնակցություն և եղբայրություն խոզավարի (այսինքն՝ ամերիկյան ձևով)

Ապրիլի 5, 2020


Կորոնավիրուսը փլուզեց Եվրամիությունը, համենայնդեպս՝ ցրեց առասպելը եվրոպական միասնության, եվրոպական համերաշխության, միասնական ար...

սարգսյան գարիկը նոր պանդեմիայի աղբյուր կարող է հանդիսանալ

սարգսյան գարիկը նոր պանդեմիայի աղբյուր կարող է հանդիսանալ

Մարտի 29, 2020


Այս պատմությունն ավելի անհավանական է, քան Ժյուլ Վեռնի վեպերը, սակայն դրանք գոնե այդ աստիճանի բութ չեն, ֆանտաստ գրողի գործերը բա...

Ամենը, ինչ պետք է իմանալ կորոնավիրուսի ծագման մասին՝ made in USA-ն է

Ամենը, ինչ պետք է իմանալ կորոնավիրուսի ծագման մասին՝ made in USA-ն է

Մարտի 17, 2020


1981թ. ամերիկացի ֆանտաստ գրող Դին Կունցը գրել է «Մթի աչքերը» վեպը։ Վեպում նկարագրվում է վարակիչ հիվանդության՝ վիրուսային թոքաբո...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ