Մենք մեր հաճախորդներին գնահատել գիտենք, քանզի եթե նրանք չլինեն, չի լինի նաև մեր կայքը: Մենք նրանցով ենք ապրում, սակայն դա չի նշանակում, որ իրենք մեր կարիքը չեն զգում: Լավ էլ զգում են: Օրինակ, ինչ լավ կզգան նրանք, եթե մեր կայքի խմբագրակազմը շնորհավորի վերջիններիս ծննդյան օրը և մյուս տոները: Կարծում ենք` շատ զգացված կլինեն և անգամ շնորհակալություն կհայտնեն:

Այսօր կաթողիկոսի դստեր՝ Գրիգորյանց Խաթունի ծննդյան օրն է: Խաթունը, մեր կարծիքով, շատ նորմալ անձնավորություն է, իսկ մեր կայքի հաճախորդն է դարձել բացառապես հոր՝ կաթողիկոս Գարեգինի շնորհիվ: Պատկերացրեք, որ այդպես էլ է լինում: Մի խոսքով, Խաթունը, որպես իր հոր դուստր դարձավ մեր մշտական հաճախորդներից մեկը: Շատերը կտարակուսեն` ասելով, որ Խաթունը որևէ վատ բան չի արել և ընդհանրապես խայտառակ երևույթ չէ: Համաձայն ենք: Խայտառակ երևույթն իր հայրն է, իսկ վերջինիս ամենախայտառակ գործողությունն այն է, որ նա, լինելով կուսակրոն, գայթակղվել և երեխա է ունեցել: Մենք դա ենք համարում խայտառակություն: Սակայն, իմանալով դա, չանդրադառնալ երեխային, չիմանալ, թե ով է նա, ինչով է զբաղվում և ինչ հարաբերություններ ունի հոր հետ` սխալ է, քանզի հասարակությունը հետաքրքրված է իր առաջնորդների կյանքի ելևէջներով, իսկ մենք հենց դրա համար ենք, որ հասարակությանն անտեղյակ չթողնենք:

Կաթողիկոսի դուստրն արդեն մեծ է: Հասկանալի պատճառներով չենք հրապարակում նրա տարիքը: Մենք նրան հաջողություններ ենք մաղթում միայն անձնական կյանքում: Այնպես չէ, որ մենք Խաթունին ֆինանսական և գործնական հաջողություններ չենք ցանկանում: Իհարկե ցանկանում ենք, սակայն չենք բարձրաձայնում, քանզի գիտակցում ենք, որ մեր այդօրինակ ցանկությունները կարող են ծիծաղ առաջացնել: Խնդիրն այն է, որ կաթողիկոսը, չնայած իր խայտառակ կերպարին, այնուամենայնիվ, վատ հայր չէ: Նա իր դստերն ապահովել է ֆինանսապես և աշխատանքով: Խաթունը Երևանի կենտրոնում տուն ունի և անձնական հաշվի վրա պատկառելի գումար: Բացի այդ, կաթողիկոսն իր ունեցվածքը ևս իրեն է ժառանգելու, իսկ դա քիչ չէ: Խաթունը ապահովված է նաև աշխատանքով՝ աշխատում է հորը պատկանող ՙԻզմիրլյան՚ բժշկական կենտրոնում: Մեր կարծիքով, այդ կենտրոնն էլ նրան ժառագություն կհասնի:

Ինչևէ, շնորհավորում ենք քեզ, սիրելի Խաթուն: Մեր կարծիքով, դու լավն ես և արժանի չես մեր կայքի հաճախորդը լինելուն: Սակայն անքննելի են Աստծո ճանապարհներն ու հատկապես գործերը: Ամեն ինչ Նրա ձեռքերում է: Ամեն...