Որևէ բան հենց այնպես չի արվում: Եթե պետությունը ինչ-որ միջոցառում է իրականացնում, դա էլ նպատակ ունի: Չի կարող աննպատակ լինել: Հիմա ՊԵԿ-ը հայտարարում է, որ շրջանառության մեջ է դրել մի նախագիծ, ըստ որի պետք է հարկվեն քաղաքացիների տրանսֆերտները: Փաշինյան Նիկոլն ասում է, որ այդպիսի բան չկա, ուղղակի պետք է հայտարարագրում իրականացվի և, իհարկե, չի մանրամասնում, թե ինչու է պետք հայտարարագրումը: Եթե հայտարարագրումն անհետևանք է, ապա ինչո՞ւ է պետությունն այդքան ծախս անում: Անհասկանալի է:

ՀՀԿ խմբակցության պատգամավոր, ԱԺ փոխխոսնակ Արփինե Հովհաննիսյանն ասում է, որ ընդհանուր հայտարարագրում պետությունը կատարում է, որպեսզի հետո հարկի 18-65 տարեկան քաղաքացիներին։

«Ընդհանուր հայտարարագրումը նշանակում է, որ Հայաստանի Հանրապետության 18-65 տարեկան յուրաքանչյուր քաղաքացի պետք է ներկայացնի հայտարարագրում։ Աշխարհի ոչ մի երկրում, որտեղ գործում է այդպիսի հայտարարագրում, դա չի արվում հենց այնպես, սա պետության կողմից ծախս է, որը պետությունը կատարում է, որպեսզի հետո հարկի կամ տեսնի քաղաքացու եկամուտը։ Իսկ գիտե՞ք, թե ինչու պետք է տեսնի։ Առաջինը այն էր, որ 18-65 տարեկանը պետք է ցույց տա իր եկամուտը, որ հարկվի՝ անկախ նրանից, արտագնա աշխատանքի մեկնածն է, թե ուրիշ մեկն է» -ասել է Արփինե Հովհաննիսյանը:

Դե ինչ: Փաշինյան Նիկոլի կառավարությունը հայ հասարակությանը մոլորեցնելու հերթական փորձն է իրականացնում: Կստացվի դա, թե ոչ` հայտնի չէ: Հետաքրքիրն այն է, որ զոմբիացված զանգվածները կարծես գոհ են: Մի խոսքով, հայտարարագրեք մեզ, Փաշինյան Նիկոլ, դուխով հայտարարագրեք: