Փաշինյան Նիկոլը ՀԱՊԿ-ում նոր սկանդալ է պատրաստում: Այժմ նա որոշել է պարզաբանումներ պահանջել Լուկաշենկոյից ու Նազարբաևից: Լուկաշենկոյից Հայաստանի վարչապետի պաշտոնակատարը պարզաբանումներ է պահանջելու ՀԱՊԿ-ում ստեղծված իրավիճակը կազմակերպության ոչ անդամ երկրի՝ Ադրբեջանի դեսպանի հետ քննարկելու համար։ «Դա մոտավորապես նույն իրավիճակը կլինի, եթե օրինակ՝ ես որևէ օտարերկրյա դեսպանի, ՀԱՊԿ անդամ չհանդիսացող երկրից, հրավիրեմ և պատմեմ դռնփակ ֆորմատում տեղի ունեցած նիստի մասին», - ասել է Փաշինյան Նիկոլը: Իսկ Նազարբաևին պատասխանատվության է ուզում ենթարկել գլխավոր քարտուղարի ոչ հայ թեկնածու առաջարկելու համար:

Ի՞նչ է սա նշանակում: Ըստ ամենայնի, Լուկաշենկոն դուրս չի եկել չափ ու սահմանից, երբ ՀԱՊԿ-ում տիրող իրավիճակի մասին զրուցել է Ադրբեջանի դեսպանի հետ: Բազմիցս տեսել ենք, թե ինչպես է Պուտինը քննարկում ՆԱՏՕ անդամ երկրների պաշտոնյաների հետ այդ դաշինքի անցուդարձը: Ինչ վերաբերում է Նազարբաևին, ապա հարկ է նշել, որ Նազարբաևի ասածը Աստանայում ընդամենը հետևյալն էր. մենք ձեր ֆինտերի ժամանակն ու հավեսը չունենք, մարդ եք բռնում ու բաց թողնում, դրանով վարքաբեկում եք կազմակերպությունը: Փաշինյան Նիկոլը հասկացավ, բայց չհասկանալու տեղ դրեց:

Իրականում, հավանաբար, ամերիկյան հրահանգով, գուցեև այդ նույն Բոլթոնի, Փաշինյան Նիկոլը ՀԱՊԿ-ում մեծ «ռազբորկա» է հրահրում: Ոչ նա, ոչ իր ղեկավարած երկիրը միջազգային հարթակներում չեն կարողանա հաշիվներ մաքրել Բելառուսի ու Ղազախստանի կարգի երկրների հետ: Եվ ոչ ոք այնտեղ երբեք չի ադապտացվի Փաշինյան Նիկոլին ու նրա կասկածելի քաղաքական խաղերին: Այսքանը…