Դիմելով Մարուքյան Էդմոնին՝ ԱԺ փոխխոսնակ Էդ. Շարմազանովը նրան կողմնորոշվելու կոչ արեց: Մասնավորապես նա ասաց. «Էդմոն Մարուքյանին ասեք՝ մի հատ կողմնորոշվեք՝ ձեր կուսակցությունն ընդդիմությո՞ւն է, թե՞ իշխանություն, և ի՞նչ գաղափարախոսություն ունի: Դրանից հետո միայն թող ՀՀԿ-ի վրա խոսի: Եթե այդքան շատ եք գոհ այսօրվա կառավարությունից, գնացեք Փաշինյանի հետ կոալիցիա կազմեք»: 

Ինչ վերաբերում է Մարուքյանի բնորոշմանը, որ ըստ քաղաքագիտության՝ ընդդիմությունը դա ապագա իշխանությունն է, Շարմազանովը նկատեց. «Մարուքյանը չէ, որ պետք է ինձ քաղաքագիտության կանոններ սովորեցնի: Ես մի քանի տարի քաղաքագիտություն եմ դասավանդել: Իսկ Մարուքյանին ասեմ՝ ես նրան հաստատ նեղություն չեմ տա, որ խաշի հաշիվ փակի (ժպտում է): Աստված տա՝ ես փակեմ»:
Մեր կողմից ավելացնենք, որ Մարուքյան Էդմոնը ոչ ընդդիմություն է, ոչ էլ իշխանություն: Ավելին, սա միշտ էլ այդպիսին է եղել, քանզի այլ կերպ լինել չէր կարող: Սրան խորհրդարան են բերել հատուկ նախագծով, որպեսզի ԱՄՆ դեսպանի աչքերին թոզ փչեն: Խնդիրն այն է, որ սա մի քանի անգամ ԱՄՆ-ում է եղել և իրեն ձևացնում է արևմտամետ: Իշխանություններն էլ օգտվեցին սրանից, սրան գումար ու ռեսուրս տրամադրեցին, որպեսզի սա պատգամավոր դառնա և ամերիկացիներն այլ մարդ Աժ չկարողանան խցկել: Շարմազանովն այս պատմությունը համեմատել է խաշի արարողության հետ և ակնարկել, որ Մարուքյան Էդմոնը խաշի հաշիվը չի փակել, ասել է թե՝ չի փոխհատուցել նախորդ իշխանություններին: