Ուրիխանյան Տիգրանը դերի մեջ է մտել, նա զգում է, որ ինչ-որ պատմական պահ է հասունանում, երբ ինքը պիտի դրսևորի իր բոլոր տաղանդները. եթե պետք է Հռոմի պապից ավելի կաթոլիկ լինել, Ուրիխանյան Տիկոն պատրաստ է այդ քայլին, եթե պետք է Փաշինյան Նիկոլից ավելի նիկոլանալ, դա էլ կանի: Այսօր հենց այդ օրն էր Ուրիխանյան խայտառակության համար:

Այսպես, Ազգային ժողովում այսօր այս խայտառակությունն ասաց. «Հոկտեմբերի 2-ին ժողովուրդը եկավ Ազգային ժողով. ուրեմն եկեք նորից ոտքի հանենք ժողովրդին, ճնշում գործադրենք, որպեսզի էստեղի խալտուրաներով չկարողանան պահել հին Ընտրական օրենսգիրքը… ՔՊ-ի մեր գործընկերներին կոչ եմ անում օգնել մեր ժողովրդին… Հանրապետականի պատգամավորներն են, որ հանկարծակի դարձել են հրեշտակի պես հեղափոխական և գնում են իշխանությունների դռների առջև երդումներ են կազմակերպում՝ հեղափոխության նվիրյալների կերպարներով… Բերեք փոխեք էս ԸՕ-ն, հերիք է խաղեր անեք, հերիք է նորից ՀՀԿ-ին ԱԺ մտցնելու ձևեր ստեղծեք»:

Հիմա հետաքրքիր է՝ այս խայտառակությանը կհաջողվի՞ գերազանցել «ժողովրդի» վարչապետին Փաշինյան Նիկոլ լինելու գործում: Եթե այս տեմպերով շարունակի, հնարավոր է, որ մենք կարճ ժամանակ անց երկրում ունենանք երկու Փաշինյան Նիկոլ` մեկը իսկական, մյուսը` ֆալշ ծառուկյանական: