Հարութ Արայիկյան

Նախրի խոսքը չոբանի համար օրենք է

Երևանը դեռ ողջ Հայաստանը չէ, Երևանի ընտրողների 43 տոկոսի 81 տոկոսն էլ դեռ հայ ժողովուրդը չէ: Այս մասին գիտեն բոլորը, անգամ մանկահասակները, բացի Փաշինյան Նիկոլից: Թեպետ նա էլ լավ գիտի, ուղղակի զոռբայություն է անում, երբեմն` գժություն, և ուզում է ինքն իրեն և մյուսներին համոզած լինի, թե իբր կարգին հայկոյի խայտառակ դաշինքի հաղթանակը ողջ Հայաստանի մասշտաբով հաղթանակ էր:

Եթե առաջ Փաշինյան Նիկոլը համաձայն էր պառլամենտական ընտրությունների անցկացմանը մեկ տարվա ընթացքում, ապա հիա դա էլ նրան չի բավարարում` նա ուզում է հենց հիմա, խախտելով բոլոր ձեռք բերված պայմանավորություները, իսկ Երևանի ավագանու ընտրությունները դարձրել է հաղթաթուղթ, թե` տեսեք, ես ինչ մեղք անեմ, ժողովուրդն է հենց հիմա ընտրություն պահանջում, չհասկանալու տալով, որ հայկոյի ստացած քվեն հայ ժողովրդին վերագրելը ոչ թե բարոյականության, այլև մաթեմատիկայի օրենքների խախտում է:

«Պետք է խորհրդարանական ուժերի հետ այս թեմայով քննարկումներ ունենանք, հուսով եմ՝ կգանք համաձայնության։ Այս քննարկումների հիմքում ես որևէ մեթոդի նախապայման չեմ դնի։ Սա կապված է նրա հետ, որ ըստ էության Երևանի ավագանու ընտրություններում քաղաքական հարցը շատ կոնկրետ էր դրված՝ արտահերթ խորհրդարանական ընտրություններին կողմ կամ դեմ լինելու հարցը, արդյունքում «Իմ քայլը» դաշինքը աննախադեպ բարձր ձայներ հավաքեց՝ 81 տոկոս։ Սա նշանակում է, որ Հայաստանի հանրությունը հստակ ձևակերպում է պահանջ արտահերթ խորհրդարանական ընտրությունների… Եթե կասկածներ կհնչեն ժողովրդի տեսակետի վերաբերյալ, կարծում եմ՝ նաև կմտածենք այն մասին, թե ինչպես ավելի լայն մասշտաբներով ճշտենք հանրության կարծիքը։ Բայց հույս ունեմ՝ բանը դրան չի հասնի, և եղած փաստերը բավարար են՝ հավաստելու համար, որ հնարավորին կարճ ժամկետում, իհարկե ոչ ափալ-թափալ, կազմակերպվեն ընտրություններ, որպեսզի հետհեղափոխական շրջանը հաղթահարված համարենք և արդեն կոնկրետ երկրի զարգացման հարցերը դառնանան օրակարգային՝ առանց հարցականների»,- ասել է Փաշինյան Նիկոլն իր եթերում:

Մի աֆերիստություն էլ է անում էստեղ Փաշինյան Նիկոլը` վստահ լինելով, որ իր նախիրը երբեք չի հասկանա: Խոսքը պոտենցիալ ներդրողների մասին է, որոնք, սրա ասելով, Հայաստանը փողով կհեղեղեն միայն արտահերթ ընտրություններից հետո: Թե ինչ կխաբի կամ կհամոզի իր նախրին Փաշինյան Նիլոլը` մեզ հետաքրիքր չէ. որպես ամենայն հայոց չոբան նա կարող է իր նախրի հետ վարվել ինչպես կուզի: Բայց մենք հո գիտենք ահտահերթ ընտրությունների գինը Հայաստանի համար, գիտենք նաև, թե ինչ է նստում այս պետության վրա Փաշինյան Նիկոլի վարչապետության յուրաքանչյուր օրը: Եվ գիտենք նաև, թե ինչ ենք անելու այս խայտառակությանը վերջ տալու համար: