Խայտառակություն առանց մեկնաբանության

«Ռուսների հետ հազիվ բարիշել եմ, բռնենք՝ կլնենք խայտառակ»

Սեպտեմբերի 12, 2018
«Ռուսների հետ հազիվ բարիշել եմ, բռնենք՝ կլնենք խայտառակ»

Հայաստանում մտափոխվել են նստեցնել ռեժիմի թշնամիներին։ Ռուսաստանի հետ բարեկամությունն ավելի կարևոր դուրս եկավ

 

Իշխանությունը Հայաստանում փոխվեց ուղիղ չորս ամիս առաջ։ Այդ ժամանակվանից ի վեր հասարակական-քաղաքական կյանքը հանրապետությունում եռում է, կրքերը թեժանում են, և հանդարտվելու նախադրյալներ չեն երևում։ Սակայն որոշ դեպքերում իրադարձություններով հարուստ ներհայկական օրակարգը դուրս է ցայտում՝ գերազանցապես Ռուսաստանի ուղղությամբ։ Մոսկվայում այդ ցայտերն այնքան էլ ուրախությամբ չեն ընդունում, ինչի մասին քանիցս հասկանալ են տվել հայ գործընկերներին։ Երբեմն Ռուսաստանի վրդովմունքը եղել է ակնհայտ և ոչ երկիմաստ։ Ուստի, երկու առաջնորդների հերթական հանդիպումը լոկ բթացրեց խնդիրների սրությունը, բայց չլուծեց դրանք։ Թե ինչպես են զուտ հայկական գործերն ազդում երկու երկրների հարաբերությունների վրա և արժե արդյոք, որ հայերը Մոսկվայի բարեհաճության հույս ունենան՝ այս մասին պատմում է «Ленты.ру»–ի նյութը։

 

Ժամը հետ ընկավ

 

Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի՝ սեպտեմբերի 10-ին անցկացված երրորդ հանդիպման արդյունքները միանշանակ չեն թվում։ Մի կողմից՝ հայ հյուրն ակնհայտորեն գոհ էր մնացել և հանդիպումից հետո շտապեց ուրախությունը կիսել իր Facebook-աքաունթում։ «Արդյունավետ զրույց ունեցանք, որի արդյունքներով կարող ենք արձանագրել, որ հայ-ռուսական հարաբերությունները փայլուն են»,- գրել է Փաշինյանը և ավելացրել, որ այդ հարաբերություններում «ոչ մի խնդիր չկա ոչ մի ուղղությամբ»։ Մյուս կողմից՝ այս խանդավառությունը հստակ չի կիսում Վլադիմիր Պուտինը, որը, մեղմ ասած, զուսպ էր իր գնահատականներում։ Նրա խոսքերով՝ նա Փաշինյանին ընդունել է, «որպեսզի ստուգի ժամացույցը ընթացիկ փոխգործակցության հետ կապված և միջնաժամկետ հեռանկարում»։

 

Ժամացույցի հետ կապված իրոք ինչ-որ բան այն չէր։ «Лента.ру»-ն արդեն գրել է «մարտի 1-ի գործի» մասին, որով որպես մեղադրվողներ անցնում են Հայաստանի նախկին նախագահ Ռոբերտ Քոչարյանը և Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Յուրի Խաչատուրովը։ Հայրենիքում նրանք մեղադրվում են սահմանադրական կարգը տապալելու մեջ և կարող են դատապարտվել 15 տարի ազատազրկման։ Բնականաբար, ՀԱՊԿ գլխավոր քարտուղարի կալանումը (նրան հետո գրավի դիմաց բաց են թողել) խառնաշփոթ առաջացրեց կազմակերպությունում։ Արձագանքը եղավ ԶԼՄ-ներում Հայաստանի և Ռուսաստանի բարձրաստիճան դիվանագետների հեռակա բանակռիվը, իսկ ԶԼՄ-ները տեղեկացրին, որ սպառնալիքի տակ են հայտնվել հայ-ռուսական զինական պայմանագրերը։ Բարձրացավ Հայաստանի ներկայացուցիչ Խաչատուրովի լիազորությունները դադարեցնելու և նոր գլխավոր քարտուղար նշանակելու հարցը։ Եվ անմիջապես էլ կասկածներ առաջացան, թե Երևանը կպահպանի այդ պաշտոնի իրավունքը, որը նրան էր հասել հերթի կարգով։

 

Բայց բանը դրանով չսահմանափակվեց. Ռուսաստանի արտաքին գործերի նախարար Սերգեյ Լավրովն այս ֆոնին հայտարարեց, որ հայկական իշխանությունների գործողությունները հակասում են նրանց խոստումներին՝ հրաժարվել իրենց նախորդների քաղաքական հետապնդումներից։ Քանի որ Յուրի Խաչատուրովը երբեք քաղաքական ծանրքաշային չի եղել և աշխատել է ռազմական կառույցներում, Լավրովի այդ պասաժն ավելի շուտ ուղղված էր Ռոբերտ Քոչարյանի՝ Հայաստանի երկրորդ նախագահի պաշտպանությանը։ «Վերջին օրերին մենք մի քանի անգամ մեր մտահոգություններն ենք հասցրել հայկական ղեկավարությանը։ Հույս ունենք, որ իրավիճակն այնուամենայնիվ կընթանա կառուցողական ճանապարհով»,- այն ժամանակ նշել էր Լավրովը։

 

Տարօրինակ զուգադիպությամբ այս հայտարարությունից շատ չանցած Ռոբերտ Քոչարյանը ազատ արձակվեց. Վերաքննիչ դատարանը փոխեց խափանման միջոցը։ Եվ որպեսզի հայ գործընկերները չկասկածեն այս որոշման ճշմարտացիությանը, Վլադիմիր Պուտինն անձամբ սատարեց Քոչարյանին՝ ջերմորեն շնորհավորելով նրան ծննդյան օրվա առթիվ։

 

Մի խոսքով՝ Հայաստանի նոր իշխանությունների ակտիվությունը «մարտի 1-ի գործի» հետաքննության հարցում բախվել է Ռուսաստանի քաղաքական և դիվանագիտական հակազդեցությանը։ Այս գործի երրորդ գործող դեմքը, որի հանդեպ հետախուզում է հայտարարված, Հայաստանի պաշտպանության նախկին նախարար Միքայել Հարությունյանն է, որը գտնվում է Ռուսաստանում, և Մոսկվան հրաժարվում է նրան հանձնել։ Հայաստանը Հարությունյանի հանդեպ միջպետական հետախուզում է հայտարարել, բայց, «Ինտերֆաքսի» աղբյուրների համաձայն, Ռուսաստանի տարածքում հայցը չեղարկված է, քանի որ հետախուզվողը Ռուսաստանի քաղաքացի է 2002 թվականից։

 

Թե ինչպես է Ռուսաստանի քաղաքացին 2008թ. զբաղեցրել Հայաստանի պաշտպանության նախարարի պաշտոնը՝ մեծ հանելուկ է, բայց դա արդեն կարևոր չէ։ Կարևոր է, որ այս աղմկալի գործի երեք գործող դեմքերից մեկը ՌԴ-ում պաշտպանություն է ստացել հայկական նոր իշխանությունների հետապնդումից։ Այն իշխանությունների, որոնք երդվելով խոստացել են բացահայտել «մարտի 1-ի գործը» և պատասխանատվության ենթարկել բոլոր մեղավորներին։ Ըստ Փաշինյանի խոսքերի՝ Պուտինի հետ նա այս թեման չի շոշափել. այն, իբր, շատ մասնավոր է։

 

Հայաստանի և Ռուսաստանի հարաբերություններում չկարգավորված այլ հարցեր էլ կան։ Օրինակ, երբ հուլիսին հանրապետության Պետեկամուտների կոմիտեն (հարկայինը) ֆինանսական խախտումներ գտավ «Գազպրոմ Արմենիա» ՓԲԸ դուստր ընկերություններից մեկում (որն, իր հերթին, «Գազպրոմի» հարյուրտոկոսանոց «դուստրն» է), դա չէր կարող դուր գալ ռուսական կողմին։ Մանավանդ եթե մեկ ամիս հետո այդ նույն կոմիտեի աշխատակիցները գիշերը ներխուժում են «Հարավկովկասյան երկաթուղի» ՓԲԸ (ՌԵՈւ հարյուրտոկոսանոց «դուստր») գրասենյակ և առգրավում փաստաթղթեր ստուգման համար։

 

«Նա ՀԱՊԿ շեֆն ա, արա...»

 

Վրդովմունքը խորացրեց նաև հայ երկու ուժայինների՝ Հայաստանի Ազգային անվտանգության ծառայության (ԱԱԾ) տնօրեն Արթուր Վանեցյանի և Հատուկ քննչական ծառայության (ՀՔԾ) պետ Սասուն Խաչատրյանի հեռախոսազրույցի ձայնագրությունը։ Նրանք քննարկում էին վերոնշյալ եռյակի՝ Քոչարյան-Խաչատուրով-Հարությունյան, հանդեպ քրեական գործի նրբությունները։ Ձայնագրության մեջ լսվում է, թե ինչպես է Արթուր Վանեցյանը պատմում Ռոբերտ Քոչարյանի գործը վարող դատավորի հետ խոսակցության մասին։ ԱԱԾ ղեկավարը անգամ դատավորի անունը չէր հիշում, բայց զրուցակցին պատմեց, որ հրամայել է նրան Հայաստանի երկրորդ նախագահին կալանելու վճիռ կայացնել և անգամ «թույլ է տվել» ձերդ ազնվությանը ծանոթանալ գործի նյութերին։

 

Բացի այդ, Վանեցյանը խոսում է Յուրի Խաչատուրովի մասին։ Սկզբում նա խորհուրդ է տալիս նրան չկպչել. «ՕԴԿԲ-ի շեֆն ա, արա, իսկ ես նոր եմ բարիշել ռուսների հետ... բռնենք՝ կխայտառակվենք», իսկ հետո ավելացնում է, որ, «թեև վարչապետը [Նիկոլ Փաշինյանը] ասում է՝ փակեք (կալանեք), ռուսները ոռները ճղում են»։ Հետո Վանեցյանը հորդորում է Խաչատրյանին «գոնե չփակել, այլ ընտրել ստորագրությունը որպես խափանման միջոց»։

 

Ձայնագրությունն իսկական է, սա հաստատել է Նիկոլ Փաշինյանը՝ ուղիղ եթեր դուրս գալով Facebook-ի միջոցով։ Նա ասաց, որ Վանեցյանի և Խաչատրյանի գաղտնալսումը քաղաքական սաբոտաժի փորձ է և նրանց մեքենայությունները, ովքեր ուզում են խուսափել նախկին մեղքերի պատասխանատվությունից։

 

Գաղտնալսման շուրջ աղմուկը բարձրացավ սեպտեմբերի 11-ին, բայց այն ցանցում դրեցին մի քանի օր առաջ։ Թե ով է դա արել՝ անհայտ է, սակայն ձայնագրությունը անալոգային է. հիմնական կանալով Սասուն Խաչատրյանի ձայնն է, երկրորդով՝ Արթուր Վանեցյանի։ Սա վկայում է այն մասին, որ այնտեղ եղել է ֆիզիկական «ժուչոկ», և գաղտնալսել են հենց ԱԱԾ ղեկավարին՝ Երևանում։

 

Միամտություն կլինի կարծել, թե Պուտինի հետ Փաշինյանի հանդիպումից երեք օր առաջ այս ձայնագրության գոյության մասին չեն զեկուցել պետության առաջին դեմքերին։ Ավելին, մեծ հավանականությամբ այս արտահոսքը հարմարեցվել է հենց Փաշինյանի Մոսկվա այցելությանը։ Նշանակում է՝ Վլադիմիր Պուտինը տեղեկացված էր իր վիզավիի իրական դերի մասին Քոչարյանի և Խաչատուրովի հանդեպ դատական վճիռներ կայացնելու գործում և չէր կարող չշոշափել այդ հարցը։ Թե ինչպես է գլուխ հանել Փաշինյանը՝ գիտի միայն ինքը։ Մեկ էլ Վլադիմիր Պուտինը։

 

Այս բոլոր իրադարձություններից հետո ասել, թե հայ-ռուսական հարաբերությունները «փայլուն» են և այնտեղ «ոչ մի խնդիր չկա», մեղմ ասած, խորամանկություն է։ Ի դեպ, Փաշինյանը Պուտինի հետ հանդիպման ժամանակ իր խոսքում ընդգծեց «մեր անձնական հարաբերությունների հատուկ բնույթը», որը հաստատվել է «հակառակ այն վատատեսության, որն այժմ առկա է և՛ հայկական, և՛ ռուսական մամուլում»։ Այստեղ Հայաստանի վարչապետը դիվանագիտորեն մոռացավ նշել, որ վատատեսությունը մամուլում առհասարակ Մոսկվայի պաշտոնական արձագանքն է Հայաստանում տեղի ունեցող իրադարձություններին։

 

Իրականում ամեն բան այնքան էլ փայլուն չէ, ինչպես փորձում է ներկայացնել Հայաստանի վարչապետը։ Բայց և այնքան տխուր էլ չէ, ինչպես կարող է թվալ։ Ակնհայտ է, որ երկու առաջնորդների հանդիպումը բավական լավ է անցել, որպեսզի Փաշինյանը մանևրելու տարածք ունենա և կարողանա ամեն բան գունեղ ներկայացնել։

 

Բայց կան նրբություններ...

 

Հավանաբար, ինչ-որ փոխըմբռնման կողմերը եկել են։ Դա հնարավոր էր անել երկու միջոցով. կամ Նիկոլ Փաշինյանը հավաստիացրել է Վլադիմիր Պուտինին, որ ներհայկական գործընթացները ոչ մի սպառնալիք չեն ներկայացնում Ռուսաստանի առանցքային շահերի առումով (Հայաստանի մասնակցությունը ԵՏՄ-ին և ՀԱՊԿ-ին, ՌԴ ռազմական ներկայությունը Հարավային Կովկասում, դեպի Մոսկվա արտաքին քաղաքական կողմնորոշումը), կամ Փաշինյանը գնացել է որոշ զիջումների։ Ինչն ավելի հավանական է, բայց պակաս հիանալի։

 

Նախ՝ որովհետև առաջին տարբերակի իրագործման համար կարելի է լիովին բավարարվել դիվանագիտական խողովակների ստանդարտներով։ Դրա համար պետությունների ղեկավարների հանդիպում կազմակերպելու առանձնակի անհրաժեշտություն չկար։ Երկրորդ՝ կողմերը պայմանավորվել են, որ Հայաստանը կմասնակցի Ռուսաստանի հետ համատեղ հումանիտար առաքելությանը Սիրիայում՝ առանց ռազմական բաղադրիչի և իր դրոշի տակ։ Հայաստանի վարչապետը հայտարարեց, որ դա համատեղ որոշում է, Երևանի կողմից այն թելադրված է այն հանգամանքով, որ Սիրիայում ապրում է հայկական մեծ համայնք։

 

Բայց իրականում 2011թ. սիրիական հակամարտության սկսվելու պահից Սիրիայի հայկական համայնքը 80 տոկոսով նոսրացել է։ Ընդ որում՝ Հայաստանում այս ամբողջ տարիներին ոչ ոք լրջորեն չի առաջարկել այնտեղ հումանիտար առաքելություն ուղարկել։ Ավելի շուտ դա Մոսկվայի ևս մեկ խնդրանքն էր, որին Երևանն արձագանքեց։ Այլ հանգամանքներում Հայաստանի իշխանությունները չէին հանդգնի ներքաշվել սիրիական քաշքշուկի մեջ Ռուսաստանի գործողություններում, ինչն ակնհայտորեն հղի է եվրոպական գործընկերների և ԱՄՆ-ի հետ հարաբերությունների բարդացմամբ։

 

Փաշինյանը «փափկություն» ցուցաբերեց նաև այլ հարցերում։ Հանդիպումից հետո վարչապետը պատմեց, որ ռուսաստանցի մասնագետների համար երաշխավորել է բիոլաբորատորիաների հասանելիություն, որոնք Հայաստանում բացվել են ամերիկյան փողերով, և խորամանկորեն խույս տվեց իր հայտարարած՝ ՀԱՊԿ բարեփոխումների հեռանկարների մասին հարցի պատասխանից։

 

Ամենայն հավանականությամբ, Նիկոլ Փաշինյանը զիջումների է գնացել նաև այլ ճակատներում։ Հայաստանի վարչապետը քաղաքականապես այժմ շատ խոցելի վիճակում է։ Մեղավորը նորից ներհայկական գործընթացներն են։ Վայելելով ժողովրդի՝ Հայաստանի համար աննախադեպ աջակցությունը՝ Փաշինյանը պետք է ինչ գնով էլ լինի պահպանի այն մինչև Ազգային ժողովի ատահերթ ընտրությունները (այս տարվա ապրիլից Հայաստանը խորհրդարանական հանրապետություն է)։ Ժողովրդական ընտրյալներին, ինչպես երդվելով խոստացել է կառավարության ղեկավարը, ընտրելու են 2019թ. գարնանից ոչ ուշ, իսկ նրանք իրենց հերթին քվեարկելու են նոր, բացարձակ լեգիտիմ վարչապետի թեկնածության օգտին։ Բայց նրբություններ կան։

 

Խորհրդարանը ցրելու մեխանիզմ Հայաստանում չկա, իսկ առանց խորհրդարանը ցրելու արտահերթ ընտրություններ չեն ստացվի։ Բայց տեխնիկապես Փաշինյանը դա անելու երկու միջոց ունի։ Խորհրդարանը կցրեն այն դեպքում, եթե պատգամավորները երկու անգամ չընտրեն վարչապետ կամ էլ չընդունեն նրա ծրագիրը։ Փաշինյանը, որքան հայտնի է, հույսը դրել է առաջին տարբերակի վրա և հրաժարական կտա։ Եվ այստեղ երկրորդ նրբությունն է ծագում։ Պլանը կաշխատի, եթե այլ թեկնածություններ չլինեն, իսկ եթե լինեն էլ, ապա ոչ ոք ձայների անհրաժեշտ քանակություն չի հավաքի։

 

Եթե սա չաշխատի, ապա երկրում կհայտնվի նոր վարչապետ, խորհրդարանը կշարունակի աշխատանքը, արտահերթ ընտրություններ չեն լինի, իսկ Փաշինյանը կգերազանցի ինքն իրեն։ Որպեսզի ամեն բան ճիշտ հաշվարկված լինի, Փաշինյանը պետք է մոբիլիզացնի Հայաստանի բոլոր քաղաքական ուժերը, իսկ դա հնարավոր է միայն համատարած ժողովրդական սատարման պարագայում։ Ուստի հիմա նա պետք է պահպանի պոզիտիվ ֆոնը ինչպես ներքին, այնպես էլ արտաքին քաղաքականությունում։

 

Բացի այդ, սեպտեմբերի 23-ին տեղի կունենան առաջին ընտրությունները նոր իշխանության օրոք. ձևավորվելու է Երևանի նոր ավագանու (քաղաքային իշխանություն) կազմը, որը կընտրի նոր քաղաքապետ։ Նախկին քաղաքապետ Տարոն Մարգարյանը՝ Հայաստանի Հանրապետական կուսակցության անդամ, այս ամռանը հրաժարական տվեց սկանդալների շարանից հետո, իսկ նրա առավել հավանական հաջորդը կդառնա «հայկական Ջիմ Քերին»՝ կոմիկ դերասան Հայկ Մարությանը՝ Նիկոլ Փաշինյանի «Քաղաքացիական պայմանագիր» կուսակցության անդամ։

 

Այս ընտրությունները համարվում են համաժողովրդական խորհրդարանական ընտրությունների նախափորձ։ Փաշինյանի համար չափազանց կարևոր է դրանք անցկացնել անթերի և իր թեկնածուի համար ապահովել երևանցիների անվերապահ աջակցությունը։ Նման պայմաններում «ֆեյլեր» թույլ տալ արտաքին քաղաքական ուղղությունում, մանավանդ բոլոր իմաստներով գլխավոր դաշնակցի հետ հարաբերություններում՝ վարչապետը չի կարող։

 

«Գազպրոմը» գազ ունի։ Իսկ դո՞ւք

 

Նիկոլ Փաշինյանի համաձայնողականությունը և ցուցադրական սիրալիրությունը բացատրվում են ոչ միայն երկրում ստեղծված ներքաղաքական իրավիճակով, այլև հայկական իրողությունների ավանդական ռուսական գործոնով։ Տարեվերջին լրանում է ռուսական գազի մատակարարման մասին գործող համաձայնագրի ժամկետը. երկիրը այն ստանում է հազար խորանարդ մետրը 150 դոլարով՝ սա ամենաէժան գազն է, որ վաճառում է «Գազպրոմը»։ Նոյեմբերին կսկսվեն հայ-ռուսական բանակցությունները նոր համաձայնագրի շուրջ, և Երևանը հույս ունի, որ գինն էլ ավելի կիջեցնի։ Անկյունաքարային է նաև Երևանի ու Մոսկվայի ռազմատեխնիկական համագործակցությունը։ Երկու երկրների միջև թյուրըմբռնման ֆոնին անընդհատ ի հայտ են գալիս տեղեկություններ երկկողմ փոխգործողության սկզբունքների հնարավոր վերանայման մասին։ Իսկ Հայաստանում դա բնավ չեն ուզում։

 

Որտեղ է Նիկոլ Փաշինյանը հետքայլ արել և ինչին է Մոսկվան կոնկրետ համաձայնել՝ պարզ կդառնա առաջիկայում իրավիճակի զարգացմամբ։ Գուցե Ռոբերտ Քոչարյանն անմեղ դուրս կգա, իսկ «Գազպրոմը» կկարողանա Հայաստանին գազ վաճառել և 140 դոլարով։ Երկու առաջնորդների հանդիպումը թույլ տվեց հանգել մի ինչ-որ փոխզիջման, բայց հարցը դրա կոնֆիգուրացիայի մասին է։ Եվ գործողության ժամկետի։ Չէ՞ որ ինչպես ճիշտ նկատել է քաղաքագիտության դասական Քենեթ Ուոլտցը. «Արտաքին քաղաքականությունը ներքինի շարունակությունն է»։

 

Իսկ ներքին քաղաքականությունը Նիկոլ Փաշինյանը գլխիվայր շրջել է, լրիվ ձևափոխել, և դա չի կարող չանդրադառնալ նախկին դաշնակիցների հետ հարաբերությունների վրա։ Դրանք նույնպես հարկ է ճշտել։ Իհարկե, եթե առջևում կյանքի ամենակարևոր ընտրություններն են, այդ դեպքում կարելի է և սպասել։ Թե ինչ կլինի հետո հայ-ռուսական փոխզիջման հետ՝ ցույց կտա ժամանակը։ Կամ էլ Վլադիմիր Պուտինի նախատեսվող այցը Հայաստան. նա չէ՞ որ խոստացել է «ստուգել ժամացույցը»։

 

 

Աղբյուրը՝ LENTA.RU






Դիտումների քանակ 37107


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Փաշինյան Նիկոլն ընդդեմ Յուրի Վարդանյանի

Փաշինյան Նիկոլն ընդդեմ Յուրի Վարդանյանի

Հուլիսի 30, 2019


Փաշինյան Նիկոլը չունեցավ տաղանդ ոչ սպորտում, ոչ գիտության մեջ, որ արվեստում: Սակայն փառքի և ռեկորդակիրության ծարավը նրան հանգիս...

Մոսկովյան ընդդիմությանը կօգնի Ուկրաինայի բանակը

Մոսկովյան ընդդիմությանը կօգնի Ուկրաինայի բանակը

Հուլիսի 29, 2019


«Մոսկվացիների տարերային բողոքը» տարերային չէ, և, ոստիկանության տվյալներով, այնքան էլ մոսկովյան չէր։ Անկարգությունների մասնակիցն...

Ռուսաստան և Հայաստան. նույն գլխացավն է, բայց տարբեր են բուժման մեթոդները

Ռուսաստան և Հայաստան. նույն գլխացավն է, բայց տարբեր են բուժման մեթոդները

Հուլիսի 29, 2019


Վլադիմիր Պուտինը հասկանում է. եթե լիբերալ խառնամբոխին գոնե մեկ անգամ օրենքի հանդեպ իր գերազանցությունն զգալու հնարավորություն տ...

Փաշինյան Նիկոլի հզորությունը զարմացնում է աշխարհին

Փաշինյան Նիկոլի հզորությունը զարմացնում է աշխարհին

Հուլիսի 26, 2019


Հինգերորդ ալիքում երեկ Ագնեսա Խամոյանի հյուրը Ռոբերտ Քոչարյանի պաշտպան Սևակ Թորոսյանն էր: Նա ֆրանսիացի իրավաբան է, լավ է տիրապե...

Վալերի Օսիպյան. Փաշինյանը խուլիգան է

Վալերի Օսիպյան. Փաշինյանը խուլիգան է

Հուլիսի 25, 2019


Narek Samsonyan-ը գրել է իր էջում. «Երեկ Ոստիկանապետ Վալերի Օսիպյանն իր ասուլիսի ընթացքում հայտարարել է, որ «փողոց փակելը ԽՈՒԼԻ...

Ե՞րբ կփակվի հայ-իրանական սահմանը

Ե՞րբ կփակվի հայ-իրանական սահմանը

Հուլիսի 24, 2019


Հայաստանյան որոշ լրատվամիջոցներ գրում են զանազան բաներ աբաջյան գոհարի մարդու հերթական պատմական այցի մասին Միացյալ Նահանգներ: Ան...

Հայաստան. մի տրտնջացեք ձեր կառավարությունից, պարզապես փոխեք այն

Հայաստան. մի տրտնջացեք ձեր կառավարությունից, պարզապես փոխեք այն

Հուլիսի 22, 2019


Հայաստանում տեղի ունեցած պետական հեղաշրջումից (2018թ. ապրիլ-մայիս) հետո անցած 15 ամիսները ցույց տվեցին սթափ մտածող մարդկանց փոր...

Հայ-ամերիկյան հարաբերություններն ու Փաշինյան Նիկոլի երկրային առաքելությունը

Հայ-ամերիկյան հարաբերություններն ու Փաշինյան Նիկոլի երկրային առաքելությունը

Հուլիսի 22, 2019


Փաշինյան Նիկոլի կառավարությունն առաջինն է անկախ Հայաստանի պատմությունում, որը կարելի է անվերապահորեն համարել ԱՄՆ պետդեպարտամենտ...

Վենետիկի հանձնաժողովը կօգնի Փաշինյան Նիկոլին, իսկ ավելի շատ՝ հակահեղափոխությանը

Վենետիկի հանձնաժողովը կօգնի Փաշինյան Նիկոլին, իսկ ավելի շատ՝ հակահեղափոխությանը

Հուլիսի 19, 2019


Մեծ հաշվով, մեր՝ հակահեղափոխության հաղթանակի համար այսօր ձեռնտու են միայն Փաշինյան Նիկոլի գժություններն ու ապօրինությունները: Ո...

Լավ, բա ի՞նչ անի Փաշինյան Նիկոլը

Լավ, բա ի՞նչ անի Փաշինյան Նիկոլը

Հուլիսի 19, 2019


Փաշինյան Նիկոլն այս 14 ամիսների ընթացքում, նախ, հասավ իր քաղաքական կերպարի ընկալմանը հանրության կողմից, որն այսօր ուղղակի փոշմա...

Փաշինյան Նիկոլի զարմանալի ուղերձները

Փաշինյան Նիկոլի զարմանալի ուղերձները

Հուլիսի 18, 2019


Փաշինյան Նիկոլն երեկ հարցազրույց տվեց իր սիրելի «Ազատություն» ռադիոկայանին: Նա ասաց, որ մտադիր է իր իսկ կողմից հրահրած ճգնաժամը...

Մտորումներ Փաշինյան Նիկոլի ողբալի աշնան մասին

Մտորումներ Փաշինյան Նիկոլի ողբալի աշնան մասին

Հուլիսի 18, 2019


Փաշինյան Նիկոլը հեղափոխությունից հետո մեծ պրոբլեմ ձեռք բերեց ի դեմս դատական համակարգի: Ժողովրդի վարչապետը տեսավ, որ ոչ բոլոր դա...

Փաշինյան Նիկոլը չստեց, բայց մի բան թաքցրեց

Փաշինյան Նիկոլը չստեց, բայց մի բան թաքցրեց

Հուլիսի 13, 2019


Փաշինյան Նիկոլն այսօր այցելել էր ինչ-որ մի գրանտակեր կազմակերպություն («Հայաստանի մանուկներ» բարեգործական հիմնադրամի (ՔՈԱՖ) ՍՄԱ...

Փաշինյան Նիկոլի դատարաններն ուրիշ են

Փաշինյան Նիկոլի դատարաններն ուրիշ են

Հուլիսի 10, 2019


Փաշինյան Նիկոլի անկախ դատարանն այսօր ևս մեկ հաղթանակ արձանագրեց՝ դատավորուհի Աիդա Դավթյանը հասկացավ, որ վանեցյան արթուրի խոսքեր...

Վլադիմիր Պուտինը չսիրեց բաբաջանյան արմանին

Վլադիմիր Պուտինը չսիրեց բաբաջանյան արմանին

Հուլիսի 9, 2019


ՌԴ նախագահ Վլադիմիր Պուտինը Պետդումայի վավերացմանն է ներկայացրել ՀԱՊԿ-ում դիտորդի կարգավիճակի և կազմակերպությունում ներկայացված...

Փաշինյան Նիկոլն ուրիշ է՝ աշխատավարձ է բարձրացնում, որն իրականում պակասում է

Փաշինյան Նիկոլն ուրիշ է՝ աշխատավարձ է բարձրացնում, որն իրականում պակասում է

Հուլիսի 6, 2019


Ժողովրդի վարչապետն ու իրեն սպասարկող խայտառակ լրատվամիջոցները շատ են սիրում «մանիպուլյացիա» եզրույթը, հատկապես համասեռամոլ բաբա...

Արցախյան ազգային-ազատագրական պատերազմի հերոսների համախմբումը Անդրկովկասում խաղաղության պահպանման գրավականն է

Արցախյան ազգային-ազատագրական պատերազմի հերոսների համախմբումը Անդրկովկասում խաղաղության պահպանման գրավականն է

Հուլիսի 6, 2019


Սկսելով կարդալ այս հոդվածը՝ ընթերցողը միանգամայն արդարացիորեն կարող է հարց տալ. ինչո՞ւ դրա հեղինակն արդեն երկար ժամանակ հրապարա...

Փաշինյան Նիկոլի նախընտրած սեքսի տոնի կապակցությամբ

Փաշինյան Նիկոլի նախընտրած սեքսի տոնի կապակցությամբ

Հուլիսի 5, 2019


Այսօր Փաշինյան Նիկոլի սիրած տոնն է՝ Սահմանադրության օրը: Ժողովրդի վարչապետը շատ է սիրում այն, քանզի բոլորից շատ սեքս է ունեցել ...

Փաշինյան Նիկոլի թիմն ու գաղափարակիցները չեն վստահում Վլադիմիր Պուտինին, ի տարբերություն Իլհամ Ալիևի

Փաշինյան Նիկոլի թիմն ու գաղափարակիցները չեն վստահում Վլադիմիր Պուտինին, ի տարբերություն Իլհամ Ալիևի

Հուլիսի 3, 2019


Փաշինյան Նիկոլի մոտ նախագահ աշխատող Սարգսյան Արմենը հունիսի 30-ին Մինսկում հանդիպել է ՌԴ նախագահ Վլադիմիր Պուտինի հետ: Այսինքն,...

Օսիպյանն ու վանեցյանը պարտական մնացին Նարեկ Սամսոնյանին

Օսիպյանն ու վանեցյանը պարտական մնացին Նարեկ Սամսոնյանին

Հուլիսի 3, 2019


Մի քանի շաբաթ առաջ «Քաղաքացիական գիտակցություն» ՀԿ Նարեկ Սամսոնյանը եթերում ասաց, որ Փաշինյան Նիկոլը չի սիրում գեներալ՝ թե կոչո...

ԵՊՀ-ին քիչ մնաց
27.06.2019 | 12:39


ԵՊՀ-ին քիչ մնաց

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ