Ազգային խայտառակություն

Կոշի գաղութը դատավորի նստավայր կդառնա

Ապրիլի 6, 2018
Կոշի գաղութը դատավորի նստավայր կդառնա

Ծառուկ Սարգսյան

 

Ուրեմն, Երևանի Շենգավիթ վարչական շրջանի ընդհանուր իրավասության դատարանում Իշխան Բարսեղյան անվամբ դատավոր կար: Օրերից մի օր սրան ձերբակալում են կաշառակերության մեղադրանքով: Ընդ որում, ձերբակալում են կաշառք ստանալու պահին: Դե, դրանից հետո, պարզ է, որ նա հայտնվում է քրեակատարողական հիմնարկում՝ բանտում: Ձերբակալման պահից շուրջ 1.5 տարի է անցել: Ընթանում է Իշխան Բարսեղյանի դատավարությունը: Արդեն 1.5 տարի է, ինչ նա դատարանում նստում է մեղադրյալի աթոռին: Ավելին, Իշխան Բարսեղյանի դեմ գումարի պահանջով քաղաքացիական հայցերի շարան է ներկայացվել: Նրա դեմ մի քանի տասնյակ միլիոն դրամի հայց են ներկայացրել քաղաքացիներ, նաև առևտրային բանկերը: Օրինակ` «Արդշինբանկ ՓԲԸ»-ն, դիմելով Գեղարքունիքի մարզի ընդհանուր իրավասության դատարան, Բարսեղյանից պահանջում է գանձել 8 միլիոն 218 հազար 991.30 դրամ: Այսինքն՝ այն քաղաքացիները և իրավաբանական անձինք, ովքեր գտնում են, որ ժամանակին տուժել են դատավորի անարդար վճիռներից, դիմում են դատարան և անձամբ Բարսեղյանից փոխհատուցում պահանջում: Մի խոսքով, սովորական գործընթաց:

 

Այս պատմությանը թերևս չանդրադառնայինք, եթե պատահաբար չիմանայինք, որ կալանավորված Իշխան Բարսեղյանը… շարունակում է պաշտոնավարել Երևանի ընդհանուր իրավասության դատարանում՝ որպես դատավոր: Նստավայրն էլ Քանաքեռում է: Այս տվյալները մենք վերցրել ենք Հայաստանի դատական համակարգի court.am պաշտոնական կայքից: Սկզբում մտածեցինք, որ վրիպակ է, կայքը չի թարմացվել, կամ էլ կայքի սպասարկողները չհասկանալով կամ էլ թյուրիմացաբար սխալ տվյալներ են ներկայացրել հանրությանը: Սակայն ոչ: Խնդիրը ավելի խորն ուսումնասիրելով պարզ է դառնում, որ շուրջ 1.5 տարի բանտում գտնվող Իշխան Բարսեղյանն, այնուամենայնիվ, շարունակում է պաշտոնավարել, և ահա թե ինչու.

 

1. Իշխան Բարսեղյանը ձերբակալման պահին Երևան քաղաքի Շենգավիթ վարչական շրջանի դատավոր էր: Համաձայն 2017թ. դեկտեմբերի 21-ին ընդունված և 2018թ. հունվարի 25-ին ուժի մեջ մտած «Հայաստանի Հանրապետության դատական օրենսգրքում լրացումներ և փոփոխություններ կատարելու մասին» ՀՀ օրենքի՝ վերացել են Երևան քաղաքի վարչական շրջանների ընդհանուր իրավասության դատարանները և ստեղծվել է միասնական՝ Երևան քաղաքի ընդհանուր իրավասության դատարան՝ տարբեր նստավայրերով: Եթե, այսօրվա դրությամբ, Հայաստանի դատական համակարգի court.am պաշտոնական կայքում առկա է Իշխան Բարսեղյանի անունը և որպես նստավայր նշված է Քանաքեռը, ապա նշանակում է, որ կայքում այդ փոփոխությունը կատարվել է 2018թ. հունվարի 25-ից հետո: Իսկ դա իր հերթին նշանակում է, որ Հայաստանի Հանրապետության դատական համակարգն այս պահի դրությամբ Իշխան Բարսեղյանին դիտարկում է որպես Երևան քաղաքի ընդհանուր իրավասության դատարանի դատավոր:

 

2. Կալանավորված Իշխան Բարսեղյանի պաշտոնավարումն ունի նաև իրավական հիմք: Դատական համակարգի court.am պաշտոնական կայքում տեղադրված դատավորների կենսագրական տվյալների բաժնում (տես նկարը)՝ յուրաքանչյուր դատավորի էջում ներկայացված է նրա պաշտոնավարման իրավական հիմքը: Իշխան Բարսեղյանի կենսագրականի վերջին պարբերությունում գրված է, որ նա ՀՀ ԱԺ-ի կողմից 2017 թվականի դեկտեմբերի 21-ի թիվ ՀՕ-34-Ն օրենքի համաձայն՝ շարունակում է պաշտոնավարել Երևան քաղաքի ընդհանուր իրավասության դատարանի դատավորի պաշտոնում: Ստացվում է, որ Երևան քաղաքի Շենգավիթ վարչական շրջանի ընդհանուր իրավասության դատարանի դատավորը, կալանավորվելուց շուրջ մեկ տարի անց՝ 2017թ. դեկտեմբերի 21-ից, օրենքի ուժով, շարունակում է պաշտոնավարել՝ այժմ արդեն Երևան քաղաքի ընդհանուր իրավասության դատարանի դատավորի պաշտոնում:

 

Սա է ողջ պատմությունը: Որևէ թյուրիմացություն, վրիպակ կամ չհասկացվածություն չկա: Փաստորեն, Հայաստանը մի երկիր է, որի դատավորները կարող են պաշտոնավարել նաև բանտում: Սա աննախադեպ է: Աշխարհը նման բան չի տեսել: Իսկ թե ինչպես և ում է դատում դատավոր Իշխան Բարսեղյանը՝ գտնվելով բանտում, պարզ չէ: Չնայած… Ժամանակին, մեր նախաձեռնությամբ, մեր կայքում «Գողականի մասին» օրենքի նախագիծ էր հրապարակվել: Օրենքի նախագծում մանրամասնված էր, թե այն ինչ ոլորտներ է ընդգրկում, ով կարող է գողական համարվել, իսկ ով՝ ոչ: Դատավոր Իշխան Բարսեղյանը ոչ միայն տեղավորվում է այդ օրենքի համատեքստում, այլև, մեր կարծիքով, այն գրված է հենց այսօրինակ իրավիճակների համար: Եվ իրոք, կալանավայրերում գրեթե ամեն օր իրավական վեճեր են լինում, որոնք պետք է լուծվեն հենց իրավական հարթությունում: Այս իմաստով, դատավոր Իշխան Բարսեղյանն անփոխարինելի է: Մնում է հստակեցնել նրա նստավայրը, և ամեն ինչ կլուծվի: Նա կլինի աշխարհում միակ՝ կալանավայրերի ընդհանուր իրավասության դատարանի դատավորը, նստավայրը՝ Կոշի գաղութ:

 






Դիտումների քանակ 25858


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Դատարանը գնահատեց Հայկ Սաշիկի Սարգսյանի իրավական-շուկայական արժեքը

Դատարանը գնահատեց Հայկ Սաշիկի Սարգսյանի իրավական-շուկայական արժեքը

Սեպտեմբերի 10, 2018


Փաշինյան Նիկոլից անկախ դատարանի դատավոր Աննա Դանիելյանն այսօր 50 միլիոն գրավի դիմաց ազատ արձակեց Հայկ Սարգսյանին` նախագահ Սարգս...

Ո՞վ է հիվանդ, զինվո՞րը, թե՞ համակարգը

Ո՞վ է հիվանդ, զինվո՞րը, թե՞ համակարգը

Դեկտեմբերի 13, 2017


Զինապարտության հետ կապված հասարակության անհանգստություններին պատկան մարմինները մշտապես արձագանքում են, թե օրենքը լիովին կարգավո...

Հանցավոր համերաշխություն

Հանցավոր համերաշխություն

Հոկտեմբերի 16, 2017


Այն բանից հետո, երբ Գեղարքունիքի մարզի ընդհանուր իրավասության դատարանի նախագահի, նույն մարզի դատարանի դատավորի, դատախազի վերաբե...

Երեխա ծեծելը արժե 30 հազար դրամ

Երեխա ծեծելը արժե 30 հազար դրամ

Դեկտեմբերի 15, 2016


Վերջերս Երևանում մի ցավալի դեպք էր արձանագրվել: Ընտանիքի հայրը դաժան ծեծի էր ենթարկել իր մանկահասակ աղջկան: Համաձայն գործի նյու...

«Աշտարակ կաթը», «Դուստր Մարիաննան» և Առաքելական եկեղեցին

«Աշտարակ կաթը», «Դուստր Մարիաննան» և Առաքելական եկեղեցին

Հոկտեմբերի 1, 2016


Հայաստանում, լավ թե վատ, այնուամենայնիվ, կան կաթնամթերք արտադրողներ: Օրինակ, «Աշտարակ կաթ», «Արզնի», «Չանախ», «Մարիաննա» և այլն...

Խնայողության ֆիզիկական վնասները

Խնայողության ֆիզիկական վնասները

Հունիսի 22, 2016
1

Երբ կառավարությունը որոշեց մի քանի հարյուր պաշտոնյաների զրկել ծառայողական մեքենաներով երթևեկելու հաճույքից, պիտի կռահեր, որ այդ...

100 միլիոնանոց պահապանը

100 միլիոնանոց պահապանը

Հունիսի 16, 2016


Ցանկացած օղակ, պետության ցանկացած կառույց, երկրի յուրաքանչյուր լումա ծառայեցնել սեփական շահին, բաժին մտնել, մաս ունենա, պատառ պ...

Տվեք 200 հազար և հանեք դատավորի աչքը

Տվեք 200 հազար և հանեք դատավորի աչքը

Ապրիլի 27, 2016


Երևի շատերը դեռ կհիշեն, որ մոտ տարիուկես առաջ Սևանի ավագ դպրոցի 8-րդ դասարանի աշակերտի աչքն ակնակապիճից դուրս էր եկել ուսուցչու...

Ծռտան Կարենը կդառնա «Իսլամական պետություն»

Ծռտան Կարենը կդառնա «Իսլամական պետություն»

Փետրվարի 23, 2016


Դեռևս հին ժամանակներից մարդիկ օգտագործել են կենսաբանական զենք՝ անգամ չիմանալով դրա ազդեցության չափն ու դերը: Այդ ժամանակ պաշարվ...

Թե ինչպես զարմացրինք բրիտանացիներին

Թե ինչպես զարմացրինք բրիտանացիներին

Փետրվարի 8, 2016


Ո՞վ է ասում, թե մենք աշխարհին զարմացնելու քիչ բան ունենք: Մեր երկրում ամեն քայլափոխի կարելի է հանդիպել այնպիսի երևույթների, որի...

Ուշադրություն. Հայաստանում գաղտնի անհայտ դատավոր է հայտնվել

Ուշադրություն. Հայաստանում գաղտնի անհայտ դատավոր է հայտնվել

Սեպտեմբերի 23, 2015


Հուսանք, որ դատավոր Լիլիթ Սարգսյանը գոնե կունենա տարրական գիտելիքներ, կտարբերի քրեական օրենսգիրքը քաղաքացիականից, քաղաքացիականը...

Ծռտան Կարեն` հզոր խայտառակություն

Ծռտան Կարեն` հզոր խայտառակություն

Հուլիսի 29, 2015


Հերիք չէ, որ Ծռտանը մեզ դատի է տվել, մի բան էլ որպես հայցի ապահովման միջոց՝ պահանջել է հոդվածը հեռացնել կայքից: Իսկ դատավոր Էդի...

«Զապին» ազատեցին, Վարդանին դատապարտեցին

«Զապին» ազատեցին, Վարդանին դատապարտեցին

Հունվարի 29, 2015


Կոտայքի մարզի ընդհանուր իրավասության դատարանում այսօր հրապարակվեց ճանաչված դերասան Վարդան Պետրոսյանի գործով դատավճիռը: Վարդան Պ...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
Նիկոլը Փարիզում
Սեպտեմբերի 14, 2018


Նիկոլը Փարիզում

Փաշինյանը կատաղել է
Սեպտեմբերի 17, 2018


Փաշինյանը կատաղել է

ՀԱՐՑՈՒՄՆԵՐ







Քվեարկությունների արխիվ