Սովորական խայտառակություն

Կարող էինք, բայց չդարձանք

Հունիսի 2, 2017
Կարող էինք, բայց չդարձանք

Մեր երկրի մասին ինչեր ասես, որ չեն ասում` էլ աշխարհի կենտրոն, էլ քաղաքակրթությունների խաչմերուկ, էլ Արևելք-Արևմուտք կամուրջ: Թվարկում են բոլոր բարեմասնությունները, անսահման հնարավորությունները, բացառիկ հեռանկարները: Եվ այս ամենով հանդերձ՝ երկիրն ինչպես որ թշվառ ու խեղճ էր, այդպիսին էլ շարունակում է մնալ: Այսօր էլ գովերգողներին է միացել ՀՀ էներգետիկայի և բնական ռեսուրսների փոխնախարար Հայկ Հարությունյանը: Վերջինս ասել է. «Մենք լուրջ տարանցիկ երկիր դառնալու իրական հնարավորություններ ունենք»։

 

Հարությունյանի ասածը նոր բան չէ: Նրանից առաջ կային մարդիկ, ովքեր ասում էին. «Մենք ժամանակակից տեխնոլոգիաների բնագավառի առաջատար լինելու լուրջ շանսեր ունենք»: Մեկ ուրիշն էլ ասում էր. «Մենք զբոսաշրջության համաշխարհային կենտրոն դառնալու բոլոր հիմքերն ունենք»: Մի երրորդն իր հերթին պնդում էր. «Մենք էներգիա արտահանող խոշոր տերություն կարող ենք դառնալ»: Ու այսպես թվարկում էին բոլոր-բոլոր ոլորտները, որտեղ Հայաստանը մեծ հաջողությունների հասնելու լուրջ նախադրյալներ ունի:


Բայց չդարձանք: Ոչ էլ թռիչքներ արձանագրեցինք: Փոխարենը լսեցինք հազար ու մի պատճառաբանություն այն մասին, թե ինչու և ում մեղքով ենք մնացել թույլ երկրների շարքում: Իսկ եթե իրականությունը վերլուծենք պարզագույն տրամաբանության տեսանկյունից, ապա պատասխանը միանգամայն այլ է լինելու: Եթե երկրի մասին ասվում է, որ այն ունի հնարավորություններ, սակայն դրանք չեն ռեալիզացվում, ապա այս դեպքերում կա ու կարող է լինել միայն մեկ հիմնավորում. ապաշնորհ են բոլոր նրանք, ովքեր չեն կարողանում կիրառել այդ հնարավորությունները, որովհետև ուրիշների մոտ ստացվում է, իսկ մեզ մոտ, արի ու տես, միշտ ինչ-որ բան խանգարում է: Սա արդեն ճակատագիր չէ: Սա կոչվում է վատ կառավարում: 






Դիտումների քանակ 185064


ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Արևը խփել է գլխներին

Արևը խփել է գլխներին

Սեպտեմբերի 30, 2015


Երևանում մեկնարկած «Էներգետիկան հանուն կայուն զարգացման» եռօրյա միջազգային 6-րդ ֆորումին մասնակցող էնեգետիկայի և բնական պաշարնե...

Մեծ փողերի գաղտնիքը

Մեծ փողերի գաղտնիքը

Հուլիսի 16, 2015


Շաբաթներ առաջ ՀՀ նախագահի մոտ կայացած խորհրդակցության արդյունքում որոշում էր կայացվել՝ մինչև 2015թ. հուլիսի 15-ը ֆինանսական միջ...

Սև ամպեր Երվանդ Զախարյանի և հատկապես հայ ժողովրդի գլխին

Սև ամպեր Երվանդ Զախարյանի և հատկապես հայ ժողովրդի գլխին

Հունիսի 6, 2015


Ամպեր են կուտակվել ՀՀ էներգետիկայի և բնական պաշարների նախարար Երվանդ Զախարյանի գլխին: Վերջինս գտնվում է նախարարի պորտֆելը կորցն...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
3 միլիոն՝ հանած 48
Հունիսի 28, 2017


3 միլիոն՝ հանած 48

Գժություն ՄԱԿ-ում
Հունիսի 3, 2017


Գժություն ՄԱԿ-ում

ՕՐՕ ճահիճը
Հունիսի 3, 2017


ՕՐՕ ճահիճը

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ