Սովորական խայտառակություն

Բաբլոյանն այդ մասին չի խոսի

Մայիսի 27, 2017
Բաբլոյանն այդ մասին չի խոսի

Ազգային ժողովի նախագահ Արա Բաբլոյանն իր նորամուտը նշանավորեց հեղափոխական որոշմամբ: Նա անակնկալի եկավ, երբ պարզեց, որ ինքը 24 խորհրդական և օգնական է ունենալու: Եվ քանի որ մասամբ անփորձ է, մասամբ էլ չի պատկերացնում հետևանքները, որոշեց մի հարվածով ազատվել այդ ավելորդ բեռից` թողնելով ընդամեը 6 հոգու: Բաբլոյանին հավանաբար արդեն տեղեկացրել են, որ կրճատման տակ ընկածները պատահական մարդիկ չեն, գրեթե բոլորն էլ պատգամավորների, պաշտոնյաների զավակներ ու ազգականներ են, որոնք վստահաբար խորհրդարանում են հայտնվել ոչ իրենց գիտելիքների կամ հմտությունների շնորհիվ, այդ իսկ պատճառով էլ նրանցից ձերբազատվելն այդքան հեշտ չի լինելու:


Թե ինչպես է ԱԺ նորանշանակ նախագահը պատրաստվում դիմակայել սպասվելիք հարվածներին, սա խնդրի մի կողմն է: Մտահոգիչն այն է, որ Բաբլոյանը չի էլ փորձի պարզել, թե որտեղի՞ց հայտնվեցին այդ 24-ը, ի՞նչ միջոցների հաշվին ուռճացվեց աշխատակազմը, ինչքա՞ն է եղել օգնականների, խորհրդականների, ռեֆերենտների աշխատանքային արդյունավետության աստիճանը և, ի վերջո, ովքե՞ր են դրա համար մեղավոր:


24 ձրիակերի նոր նախագահը ժառանգություն է ստացել իր նախորդից` Գալուստ Սահակյանից: Եվ սա դեռ ընդամենը ԱԺ նախագահի շրջապատն է: Թե ամբողջ խորհրդարանում քանի հորինովի պաշտոն ու հաստիք կա, Բաբլոյանը նոր պիտի պարզի: Իսկ շարքային քաղաքացիները առայժմ հետևում են այս գործընթացներին, դիտում են, թե կառավարությունն իր հերթին քանի-քանի կեղծ, արհեստածին, հավելյալ հիմնարկ ու աշխատատեղ է փակում և ամեն անգամ զարմանում են, թե ինչո՞ւ գոնե մեկ հոգի չի պատժվում այդ անտեղի շռայլության, երկրի սուղ միջոցները վատնելու, պաշտոնական դիրքը չարաշահելու համար, որովհետև օպտիմալացումը պիտի ենթադրեր նաև հոռի երևույթները ծնող պատճառների չեզոքացում: Բայց հենց հարցը հասնում է դրան, իջնում է խորը լռություն:






Դիտումների քանակ 143263


ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Աշոտյանը` Բաբլոյանի տարածքում

Աշոտյանը` Բաբլոյանի տարածքում

Հուլիսի 18, 2017


Մի ամբողջ օր է` համացանցն ու լրատվական կայքերը հեղեղված են նյութերով, որոնք պատմում են այն մասին, թե ինչպես է Ռուսաստանում գտնվ...

Մի ձեռքը կտրում է, մյուսը` կարկատում

Մի ձեռքը կտրում է, մյուսը` կարկատում

Հունիսի 12, 2017


Ազգային ժողովի նախագահ Արա Բաբլոյանն այսօր հպարտորեն հայտարարում էր, որ հանձնարարական է տվել ԱԺ-ում օպտիմալացում իրականացնել: Ի...

Ճնճղուկների ծլվլոցը հակապետական է

Ճնճղուկների ծլվլոցը հակապետական է

Մայիսի 24, 2017


Հայաստանյան քաղաքական գործիչների համար համացանցն ու սոցիալական էջերը կառափնարանի պես մի բան են: Որքան էլ նրանք հրամայական պահան...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
Վերջը գլխի ընկան
Հուլիսի 27, 2017


Վերջը գլխի ընկան

ՀԱՐՑՈՒՄՆԵՐ







Քվեարկությունների արխիվ