Ազգային խայտառակություն

«Ծառուկյան» դաշինքի ծրագիր. վենդետա և բորդելաշինություն

Մարտի 6, 2017
«Ծառուկյան» դաշինքի ծրագիր. վենդետա և բորդելաշինություն

Ծառուկ Սարգսյան

 

Հրապարակվել են Գագիկ Ծառուկյանի գլխավորած «Ծառուկյան» դաշինքի նախընտրական ծրագրի առաջնահերթ 15 քայլերը՝ չափազանց խոստումնալի կարգախոսով: Կարգախոսը հնչում է այսպես. «Փոփոխությունների և կառուցելու ժամանակն է»: Հիմա փորձենք հասկանալ, թե ինչ է պատրաստվում փոփոխել և կառուցել Գագիկ Ծառուկյանը:


Նախապես ասենք, որ չենք էլ կարդացել այդ 15 կետերը, քանզի կարդալու իմաստ չկա, ժամանակն էլ թանկ է: Կռահում ենք, որ որևէ լուրջ բան այնտեղ գրված չի կարող լինել, ինչպեսև ընտրությունների բոլոր մասնակիցների ծրագրերում, բացառությամբ խեղճուկրակ կոմունիստների, որոնք նույնիսկ պաստառների փող չունեն, որ Կարլ Մարքսի լուսավոր գաղափարները հասանելի դարձնեն հանրությանը: Բայց մենք ստույգ գիտենք, թե ինչ ասել է փոփոխություն և կառուցում «Ծառուկյան» դաշինքի ղեկավարության, եֆրեյտորների և շարքայինների համար:


Ուրեմն, սկսենք փոփոխություններից: Ի՞նչ ասել է փոփոխություն: Քանի որ մարդն է շարժիչ ուժը հասարակական և քաղաքական բոլոր զարգացումներում, նշանակում է, հենց մարդուն էլ նկատի ունեն «Ծառուկյան» դաշինքում: Եվ ուրեմն, փոխելու են մարդկանց, և պարզից էլ պարզ է, որ փոխելու են մարդկանցով, եթե «Ծառուկյան» դաշինքի ղեկավարությանը, եֆրեյտորներին և շարքայիններին կարելի է մարդ համարել:


Ինչպե՞ս է տեղի ունենալու այդ պրոցեսը: Մի քանի օրինակով փորձենք կանխագուշակել այդ ողբալի (շատերի համար) իրադարձությունը: Աշխարհահռչակ Վարդանիկը (Գյումրու նախկին քաղաքապետ Վարդան Ղուկասյանը) երդվել է գողականով և Ձերժինսկու արևով, որ մորթելու է Սերժ Սարգսյանի փեսա Միքայել Մինասյանին և ՀՀ ԱԺ պատգամավոր Արման Սահակյանին: Սա համոզված է, որ իրեն քաղաքապետի աթոռից, որտեղ պատրաստվում էր վեր ընկնել ցմահ, զրկեցին հենց այս երկուսը զուտ այն բանի համար, որ Բալասանյան Սամվելը ազատի թիվ 35 ընտրատարածքը Արման Սահակյանի համար, իսկ քանի որ դրան էլ առանց գործի չէին կարող թողնել ու մի բանով պիտի լցնեին դրա ստամոքսը, որոշվեց Վարդանիկին զրկել Գյումրու բյուջեն լափելու իրավունքից: Մարդու համոզմունքը հզոր բան է, և աշխարհահռչակ Վարդանիկին ոչ ոք և ոչ մի ուժ չի կարող համոզել, որ դա այդպես չէ կամ այնքան էլ այդպես չէ. ինչպես Ալբերտ Էյնշթեյնն էր սրբորեն հավատում իր հարաբերականության տեսության սրբազան ճշմարտությանը, այնպես էլ Վարդանիկն է հավատում սեփական պաշտոնանկության տեսության իր իսկ հեղինակած վարկածին: Ինչպե՞ս անվանենք այս փոփոխությունը (տե՛ս վերնագիրը):


Սաղաթելյան Մուշեղը՝ Վազգեն Սարգսյանի ամենակեղտոտ գործերի կատարողն ու հանրապետության գլխավոր «կլուչնիկը», նույնպես մտել է Ծառուկյանի դաշինք ոչ բյուրեղ մանկական նպատակներով: Սա դեռ Սերժ Սարգսյանից առաջ կորցրեց իր փողոտ գործը և էլիտար կարգավիճակը, ազատազրկվեց, իսկ 2008-ի դեպքերի արդյունքում դարձավ ռեցիդիվիստ և բոմժ: Վազգեն Սարգսյանին սա հավատարիմ մնաց մինչև վերջ, իսկ երբ հասկացավ, որ հավատարմությամբ այս աշխարհում բանի չեն հասնում, ուրացավ թե՛ սպարապետի եղբայր Արամին, թե՛ Տեր-Պետրոսյան Լևոնին. նա հասկացավ, որ միայն Գագիկ Ծառուկյանի հետ կարող է կառուցել լուսավոր Հայաստան, քանզի միայն նա է ի զորու երկրում կատարել փոփոխություններ, մանավանդ որ, եթե Վարդանիկի վենդետան վերաբերում է ընդամենը երկու հոգու, ապա Սաղաթելյան Մուշեղի մուրազը սահման չունի, նրա թիրախը առնվազն նախագահ Սարգսյանի գլուխն է, առավելագույնը` ՌԴ նախագահ Պուտինինը, որը, ըստ Սաղաթելյան Մուշեղի, Սերժ Սարգսյանի գլխավոր հենարանն ու հովանավորն է, այսինքն` իր դժբախտությունների գլխավոր պատճառը:


Զուրաբյան Արարատը կյանքից դժգոհելու պատճառ չուներ մինչև 2008 թվականը, երբ նա, ի թիվս այլոց, անարդարացիորեն նահատակվեց՝ ընկնելով Լևոն Տեր-Պետրոսյանի խելքին: Նահատակվեց, և հասկացավ, որ փոփոխություններն անհրաժեշտ են Հայաստանին, որպեսզի անմեղ նահատակների արյունը շուտափույթ փոխհատուցվի, իսկ այդ փոփոխությունների միակ իրականացնող նա շատ ճիշտ ընտրեց Ծառուկյանի դաշինքը:


Եթե մեզ ավելի քան պարզ են «Ծառուկյան» դաշինքի փոփոխությունների էությունն ու նպատակաուղղվածությունը, ապա կառուցելու նրանց գլոբալ ծրագրի շուրջ անգամ մեր թիմում կան տարաձայնություններ: Եվ այնուամենայնիվ, ներկայացնում ենք ամենահավաստի վարկածը, որն ունենք Գագիկ Ծառուկյանի կառուցելու գլոբալ ծրագրի վերաբերյալ:


Ուրեմն, Գագիկ Ծառուկյանը կյանքում կառուցել է շատ բաներ. գազալցակայաններ, բնակելի շենքեր, հյուրանոցներ, շուկաներ և այլն: Պետությունից ձեռք է բերել գործարաններ (կոնյակի, ցեմենտի), տարածքներ և այլն: Հիմա էլ ի՞նչ է պատրաստվում կառուցել Գագիկ Ծառուկյանը. մեքենաշինական կամ քիմիական արդյունաբերության ոլորտների գործարաննե՞ր, թե՞ էլեկտրոնիկայի կամ ավիաշինարարության ձեռնարկություններ: Ծիծաղելի է, քանզի Ռոբերտ Քոչարյանն արեց ամեն ինչ, որպեսզի այս ոլորտները հավերժ կործանվեն. հայ ժողովուրդը թող չմոռանա, որ Ռոբերտ Քոչարյանը հայոց պատմության մեջ այն եզակի գործիչներից էր, որը սպանեց ամբողջ մի ոլորտ, որպեսզի դրա գերեզմանի վրա կառուցվի շուտ վաճառվող ապրանք (խոսքը «Երազ» գործարանի մասին է, որը, արդիականացվելու փոխարեն, ինչը խելք ու համբերություն պահանջող գործընթաց էր, վերածվեց լիկվիդ բնակարանների, այն դեպքում, երբ ադրբեջանցիները ԽՍՀՄ փլուզումից հետո, ասֆալտի վրա, առանց որևէ ֆունդամենտի, ստեղծեցին ավտոարդյունաբերություն և այսօր արդեն արտահանում են իրենց արտադրանքը): Եվ այսպես, ի՞նչ է կառուցելու «Ծառուկյան» դաշինքը:


Նկատի ունենալով այն հանգամանքը, որ Գագիկ Ծառուկյանը տաղանդավոր ձեռներեց է և ունի կոմերսանտի բնածին հոտառություն, պետք է ենթադրել, որ նա կկառուցի Հայաստանի տարածքում ամենաէֆեկտիվ գործող ոլորտում: Խոսքը բորդելների մասին է, այսինքն՝ այն սննդա-մշակութային հաստատությունների, որտեղ հայ ժողովրդի երիտասարդությունը (18-51 տարեկան) ժամավարձով զբաղվում է սեքսով:


Այդ հաստատությունները խիստ եկամտաբեր են, դա առաջինը կռահեց Արթուր Բաղդասարյանը, երբ կառուցեց իր հանրահայտ «Աստորիան» Զաքյան փողոցում: Նրանք ստեղծում են աշխատատեղեր, հետևաբար, նպաստում են երկրի ՀՆԱ աճին և բյուջեի մուտքերին: Եվ ուրեմն, էլ ինչո՞վ պիտի զբաղվի «Ծառուկյան» դաշինքն իր նախընտրական ծրագրի կառուցելու մասով, եթե ոչ բորդելաշինությամբ:
Հարկ է նշել, որ Ծառուկյանն իմաստուն որոշում է ընդունել. եթե նրա ծրագրի առաջին բաղադրիչը` վենդետան (փոփոխությունները) կնպաստի հայ ժողովրդի թվաքանակի նվազեցմանը, ապա երկրորդ բաղադրիչը` բորդելաշինությունը (կառուցելը), կնպաստի հայ ժողովրդի թվաքանակի աճին, քանզի, ինչպես հայտնի է, միայն սեքսն է, որ ի զորու է լուծել ժողովրդագրական խնդիրներ: Եվ պետք է արձանագրենք, որ ընտրությունների մասնակից և ոչ մի քաղաքական ուժ այսօրինակ էֆեկտիվ ծրագիր չի ներկայացրել Հայաստանի ամայացման դեմ պայքարի գործում, որն, ըստ էության, թիվ մեկ ազգային խնդիր պիտի հռչակվի:


Ծառուկյանը դա արեց: Բրավո՛: Հիմա պետք է ուղղակի վերահսկողության տակ վերցնել նրա ծրագրի իրականացումը, որպեսզի, ինչպես ասում են, հոնքը բուժելու փոխարեն աչքն էլ հետը չհանեն, այսինքն` բալանսը պետք է պահպանվի: Եվ այդ հարցով, մեր կարծիքով, պիտի զբաղվեն ՀՀ ԱԱԾ տնօրեն Գեորգի Կուտոյանը` պետության կողմից ու անունից, և պատգամավոր Տիգրան Ուրիխանյանը` որպես «Ծառուկյան» դաշինքի ներկայացուցիչ, քանզի Հայաստանի Հանրապետության բնակչության պակասելը ինչ-որ մեկի նախընտրական ծրագրի հետևանքով ՀՀ ազգային անվտանգության հենց առաջին խնդիրն է, իսկ ինչ-որ մեկի նախընտրական ծրագրի իրականացման բալանսի ապահովման գործին պարտադիր պիտի մասնակցի նաև տվյալ քաղաքական ուժի ամենավառ ներկայացուցիչը:


Առայժմ այսքանը: Անհամբեր կհետևենք, թե ինչպես «Ծառուկյան» դաշինքի ղեկավարությունը, եֆրեյտորներն ու շարքայինները հայ ընտրողին կներկայացնեն իրենց ծրագիրը, ինչպես հայ ընտրողը կգնահատի այն, և, վերջապես, երբ կսկսվի այս ծրագրի երկու բաղադրիչների իրականացման պատմական գործընթացը:






Դիտումների քանակ 95293


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Գագիկ Ծառուկյանը չի նկատում

Գագիկ Ծառուկյանը չի նկատում

Հուլիսի 9, 2019


Գագիկ Ծառուկյանին հարցնում են, թե կա արդյոք երկրում սահմանադրական ճգնաժամ, կապված գոմիկ գրիգորյան վահեի՝ ՍԴ նախագահ ինքնահռչակվ...

ԲՀԿ-ն վախենո՞ւմ է Սորոս Ջորջից

ԲՀԿ-ն վախենո՞ւմ է Սորոս Ջորջից

Հունիսի 28, 2019


Մալյանին պատասխանեցին: Նորմալ դիրքորոշում արտահայտեցին ՀՀԿ-ն, ՀՅԴ-ն, ռամկավարները: Դեմ էին Սորոսի փակմանը Մարուքյան Էդմոնն ու մ...

ԲՀԿ-ն խախտում է բարոյականության և սկզբունքայնության նորմերը

ԲՀԿ-ն խախտում է բարոյականության և սկզբունքայնության նորմերը

Հունիսի 26, 2019


Գաղտնիք չէ. ով՝ ով, բայց ԲՀԿ-ն իրավունք չուներ Ռոբերտ Քոչարյանի կողքից հեռանալ, քանզի աշխարհում կան նորմեր, որոնց խախտումն աննե...

Ծառուկյանի նվաստացման և դուրսգրման պրոցեսը թափ է հավաքում

Ծառուկյանի նվաստացման և դուրսգրման պրոցեսը թափ է հավաքում

Հունիսի 14, 2019


Հերիք չէ՝ Գագիկ Ծառուկյանին կանչում են ՔԿ վկայի կարգավիճակով իրեն անհայտ դեպքի վերաբերյալ (խոսքը ինչ-որ մի նիկոլականի մեքենայի ...

Ցռիկը հասունանում է

Ցռիկը հասունանում է

Հունիսի 7, 2019


Ծառուկյան Գագիկին հրավիրել էին Մարտի 1-ի գործով հարցաքննության: Նա էլ, բնականաբար, քաքել էր տակը՝ սովորության համաձայն: «Հրավիր...

Ծառուկյան Գագիկին ազգովի իմոդիում մատակարարենք

Ծառուկյան Գագիկին ազգովի իմոդիում մատակարարենք

Հունիսի 3, 2019


Իմոդիումը լուծի (ցռիկի) դեղ է: Օգտագործողներն ասում են, որ օգնում է: Հիմա գործը հասել է նրան, որ մեր ազգային առյուծին է իմոդիու...

Փաշինյան Նիկոլի և Գագիկ Ծառուկյանի ընդհանուր հետաքրքրությունը խաղատնային բիզնեսն է

Փաշինյան Նիկոլի և Գագիկ Ծառուկյանի ընդհանուր հետաքրքրությունը խաղատնային բիզնեսն է

Մայիսի 29, 2019


Ինչպես սպասվում էր, ՀՀ քաղաքացիների ամենաակտիվ խավը բուքմեյքերական ընկերությունների աշխատակիցներն ու հաճախորդներն են: Վերջիններ...

Որտե՞ղ կհայտնվեն Սորոսի բարեմասնությունները

Որտե՞ղ կհայտնվեն Սորոսի բարեմասնությունները

Մայիսի 27, 2019


Սորոսի ձեռքերը երբեք այսքան ազատ չեն եղել Հայաստանում: Այս մասին Facebook-ի իր էջում գրել է ԱԺ ԲՀԿ խմբակցության պատգամավոր Գևոր...

Հիմա էլ Հովհաննիսյան Հմայակն ընդդեմ Ծառուկյանի

Հիմա էլ Հովհաննիսյան Հմայակն ընդդեմ Ծառուկյանի

Մայիսի 6, 2019


Գագիկ Ծառուկյանի պրոբլեմները շատանում են: Նրա ընդդիմախոսների բանակն աճում է ժամ առ ժամ, բայց խայտառակությունն այն է, որ պրն Ծառ...

Գագիկ Ծառուկյանի պատասխանը աբաջյան գոհարի մարդուն

Գագիկ Ծառուկյանի պատասխանը աբաջյան գոհարի մարդուն

Մայիսի 6, 2019


Երկար-բարակ մտածելուց հետո Գագիկ Ծառուկյանը վերջապես արձագանքեց աբաջյան գոհարի մարդու պաշտոնական հայտարարությանը: Ծառուկյանի՝ ձ...

աբաջյան գոհարի մարդն ընդդեմ Գագիկ Ծառուկյանի

աբաջյան գոհարի մարդն ընդդեմ Գագիկ Ծառուկյանի

Մայիսի 3, 2019


Հերթը հասավ աբաջյան գոհարի մարդուն: Նա դիմել է ԲՀԿ նախագահ Գագիկ Ծառուկյանին՝ խնդրելով հրապարակավ «սպառիչ հրապարակային պարզաբան...

Հեղափոխությունը սկսեց խժռել իր զավակներին

Հեղափոխությունը սկսեց խժռել իր զավակներին

Մայիսի 2, 2019


Մեկ տարի առաջ Գագիկ Ծառուկյանը դարձավ հեղափոխական: Միացավ Փաշինյան Նիկոլի հեղափոխությանը, որն առանց Ծառուկյանի լեգիտիմ վարչապետ...

Կդիմի՞ արդյոք Ծառուկյանը ինքնասպանության

Կդիմի՞ արդյոք Ծառուկյանը ինքնասպանության

Ապրիլի 29, 2019


Սա խայտառակություն է: Եթե Գագիկ Ծառուկյանի մանդատի հարցը պիտի լուծի աբաջյան գոհարի մարդը, ապա Գագիկ Ծառուկյանին գնդակահարվելուց...

Ամերիկյան դեսպանն ընդդեմ Գագիկ Ծառուկյանի

Ամերիկյան դեսպանն ընդդեմ Գագիկ Ծառուկյանի

Ապրիլի 29, 2019


Ամերիկյան դեսպանն այս երկրում լակոտների հետաքրքիր մի հավաքածու ունի, անունն էլ դրել է «Քո որոշում» կուսակցություն: Այս լակոտախո...

Ե՞րբ կսկսվի ունեզրկության գործընթացը

Ե՞րբ կսկսվի ունեզրկության գործընթացը

Ապրիլի 24, 2019


«Ժամանակ» թերթը գրում է, որ Նիկոլ Փաշինյանի և ԲՀԿ նախագահ Գագիկ Ծառուկյանի հանդիպումից հետո նրանց հարաբերությունները ոչ միայն չ...

Не виноватая я (Գագիկ Ծառուկյան)

Не виноватая я (Գագիկ Ծառուկյան)

Ապրիլի 19, 2019


Պատասխանատվությունից խուսափելը հայրենի քաղաքական գործիչների սիրած զբաղմունքն է: Այսօր Ազգային ժողովում Գագիկ Ծառուկյանը հենց դր...

ՊԵԿ դեսանտը Առինջում

ՊԵԿ դեսանտը Առինջում

Ապրիլի 9, 2019


Շատ սիրեց Ծառուկյանը Փաշինյան Նիկոլին, համարեց, որ հենց ինքն է, որ կա, դարձրեց լեգիտիմ վարչապետ: Դե, ժողովրդի վարչապետն էլ որոշ...

Մուծվում են Հակոբյան Աննային, առջևում Ծառուկյանն է

Մուծվում են Հակոբյան Աննային, առջևում Ծառուկյանն է

Մարտի 28, 2019


Հայ ժողովրդի վարչապետ Փաշինյան Նիկոլի կնոջ՝ Աննա Հակոբյանի «Իմ քայլը» հիմնադրամը հրապարակել է նվիրատուների ցանկը: Բնականաբար, ա...

Դատում են Էդոյին

Դատում են Էդոյին

Մարտի 21, 2019


Հետաքրքրականն այն է, որ Բաբայանն իրեն մեղավոր չի ճանաչում, տուժող Հարությունովն էլ իրեն տուժող չի ճանաչում: Բայց դատը գնում է: ...

Խոսեց Ինքը՝ պրն Ծառուկյանը

Խոսեց Ինքը՝ պրն Ծառուկյանը

Մարտի 13, 2019


10 ամիս առաջ օրը ցերեկով Գագիկ Ծառուկյանը որոշեց, որ երկիրը կործանվում է և միացավ Փաշինյան Նիկոլի հեղափոխությանը: Այդ որոշումն ...

ԵՊՀ-ին քիչ մնաց
27.06.2019 | 12:39


ԵՊՀ-ին քիչ մնաց

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ