Սովորական խայտառակություն

Ֆրոնտիկի նեղ անձնական ֆրոնտը

Հունվարի 9, 2017
Ֆրոնտիկի նեղ անձնական ֆրոնտը

Նոր Գեղիի գյուղապետ Ֆրոնտիկ Թևոսյանը բարձր ինքնագնահատական ունի: Շատ բարձր: Այնքան բարձր, որ առանց երկար-բարակ մտածելու որոշել է Նոր Գեղի գյուղի գլխավոր փողոցը և երաժշտական դպրոցն անվանակոչել իր անունով:

 

Հատկանշական է, որ գյուղապետն իր արարքի մեջ ոչ մի անհամեստ կամ անարդար բան չի տեսնում: Երբ նրան հարցնում են դրա մասին, հանգիստ պատասխանում է. «Այո, 70-ամյակիս կապակցությամբ փողոցը, իսկ 65-ամյակիս երաժշտական դպրոցը անվանակոչել ենք իմ անունով»:


Սա դեռ գյուղապետի վերջին նվաճումը չէ: Նա արդեն իսկ մտադրվել է, որ 80-ամյակի կապակցությամբ (եթե, իհարկե, կենդանի մնա) գյուղը կանվանի իմ անունով: Պետք է մտածել, որ եթե Աստված նրան առավել երկար կյանք պարգևի, ապա հեռու չէ այն ժամանակը, երբ Հայաստանի քարտեզի վրա Ֆրոնտիկ անունով մարզ էլ կհայտնվի: Եվ ամեն բան արվում է շատ օրինական կարգով: Օրինակ, Նոր Գեղիում գյուղացիներից ինչ-որ մեկի առաջարկով ավագանին քննարկել և անվանակոչել է: Որոշումն էլ ընդունվել է միաձայն:


Ֆրոնտիկ Թևոսյանը դեռ մեր ընդհանուր դժբախտության մի մասն է: Այս գյուղապետին հաջողվել է իր կապերն օգտագործելով 600 հազար դոլարի վարկեր ստանալ, և նա կարող է իրեն նման փառասիրական շռայլություններ թույլ տալ: Ցավալին այն է, որ առկա համակարգն ու ընդունված կարգը ստեղծում են դրա հնարավորությունը: Ու Ֆրոնտիկն էլ, ցավոք, ոչ առաջինն է, ոչ էլ վերջինը: Երկիրն այսօր լի է հարյուրավոր անարժանավորների անունները կրող վայրերով, կիսանդրիներով, հուշատախտակներով: Հիշատակի առևտուրը վաղուց օրինական բիզնես է դարձել: Եվ ո՞ւմ հոգսն է, որ նշանավոր անձանց անուններով քաղաքներ, գյուղեր, փողոցներ ու հաստատություններ անվանակոչելը նախ և առաջ բարոյական ու դաստիարակիչ նախահիմք ունի` իբրև օրինակ սերունդների համար, իբրև հիշատակ ու մեծարում: Սրա մասին հիմա արդեն մտածելու ցանկություն չկա: Կարևորն այն է, որ մարդիկ կարողանում են անել այդ բանը, ինչպես թանկարժեք ավտոմեքենա կամ լավ համարանիշ ձեռք բերելն է: Սա էլ երևի անձի պաշտամունքի փոքրիկ, ճղճիմ, ծիծաղելի ու քաղքենիական թուլություն է, որ գալիս, ապականում է մեր առանց այդ էլ արժեզրկված միջավայրը: Եվ այս ընթացքին դեռ դադար չկա:






Դիտումների քանակ 34122


ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Եկեղեցին արդեն քյաբաբնոց է դարձել

Եկեղեցին արդեն քյաբաբնոց է դարձել

Սեպտեմբերի 26, 2016


Հիմա արդեն Լուսակերտի եկեղեցին կարելի է համարել բազմաֆունկցիոնալ կառույց: Եթե գյուղապետը մի փոքր նախաձեռնող գտնվի, ներսում կտեղ...

Գառնիի անկախ հանրապետությունը

Գառնիի անկախ հանրապետությունը

Մայիսի 20, 2016
1

Այն, ինչ արդեն տևական ժամանակ կատարվում է Գառնի գյուղում, մեկ այլ իրավիճակում առավել ուշադրության կարժանանար, եթե չլինեին այն խ...

Բուլկին ջուրը գցեցին

Բուլկին ջուրը գցեցին

Ապրիլի 3, 2015


Այդպես էլ մինչև վերջ չպարզաբանված մնաց այն հարցը, թե ինչու՞ անսպասելի կերպով պաշտոնից ազատեցին Կոտայքի մարզպետ Արամ Հարությունյ...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ