Ազգային խայտառակություն

Ռուբեն Վարդանյանը` հայրենիքի ինտելիգենտ թալանող

Ապրիլի 25, 2016
Ռուբեն Վարդանյանը` հայրենիքի ինտելիգենտ թալանող

Քոչար Օսկանյան


Հայ ժողովուրդը, երևում է, իր համար նոր կուռք է ստեղծում: Հավանաբար, հանրային գիտակցության մեջ կա դրա պահանջարկը, իսկ երբ կա պահանջարկ, առաջարկը երկար սպասել չի տալիս. այն անմիջապես ի հայտ է գալիս, և որպես նոր կուռքի պահանջարկի բավարարման առաջարկ՝ Աստված մեզ Մոսկվայից ուղարկեց Ռուբեն Վարդանյանին: Հայ ժողովուրդը հիացած է Ռուբեն Վարդանյանով, նրա մասին լեգենդներ է պատմում, նայում է նրա լուսանկարներն աշխարհի մեծերի հետ և արտասվում: Մի խոսքով, մեծ մարդ է Ռուբեն Վարդանյանը, և այդ մեծին, որը կուռքի վերածվելու փառավոր ճանապարհին է այս պահին, մենք կուզենայինք նվիրել այս համեստ հոդվածը:


Եվ ուրեմն, տեսնենք, թե ինչ է կամ, միգուցե, ով է Ռուբեն Վարդանյանը: Նախ՝ պետք է ասել, որ թալանչիները լինում են մի քանի տեսակի` բռի, գողական, լկտի, ինտելիգենտ և այլն: Սակայն, կարծում ենք, որ ամենավտանգավոր տեսակը ինտելիգենտ թալանչին է: Ինչո՞ւ: Նախ՝ ինտելիգենտ թալանչիներն ավելի գրագետ են, հետևաբար, նրանք կարող են թալանի այնպիսի մեխանիզմներ մշակել, որ ոչ մի հայ օլիգարխի կամ մեր երկրապահ գեներալների մտքով չանցնի: Երկրորդ՝ ինտելիգենտ թալանչին թալանից անմիջապես առաջ կամ հետո կարող է իրեն հռչակել մեծ բարերար և, ավելին, համոզել դրանում ողջ բնակչությանը: Երրորդ՝ ինտելիգենտ թալանչին, բարերար հռչակվելուց հետո, անպայման կունենա քաղաքական ամբիցիաներ, որպեսզի արդեն քաղաքական լծակներով շարունակի թալանը՝ պետական իշխանությունը որպես վահան օգտագործելով: Մեր Ռուբեն Վարդանյանը՝ մոսկվացի հայտնի գործարար, պատկանում է թալանչիների ինտելիգենտ տեսակին, նա արդեն հռչակվել է բարերար, մինչ այդ երջանկահիշատակ Տիգրան Սարգսյանի հետ հսկայական գումարներ է գրպանել, և այսօր Facebook-ում հիացած հայ ժողովուրդն առաջարկում է, որպեսզի Ռուբեն Վարդանյանը գա հայրենիք, աշխատի վարչապետ, շենացնի Հայաստանը: Իհարկե, Ռուբեն Վարդանյանի տիպի վարչապետը, կոմպլեմենտար քաղաքականության կողմնակից, Հայաստանին օգտակար կլինի. նա մասոն է, նկարներ ունի անգամ Բրիտանիայի գերոնտոֆիլ արքայազն Չարլզի հետ, նրան լավ գիտեն Արևմուտքում, որտեղ նա սովորել և խոր արմատներ է գցել, նա Ռուսաստանը քանդած և կործանած Անատոլի Չուբայսի աշակերտներից է, ինչևէ, նա արևմտամետ քաղաքական գործիչ է, ինչը թույլ կտա ՀՀ քաղաքական ղեկավարությանն աշխարհին ասել, թե` տեսեք, մենք այնքան էլ ռուսամետ չենք, մենք այլևս գործադիրում պահում ենք միայն ինտելիգենտ թալանչիներ, որոնք կնկարվեն գերոնտոֆիլների հետ և կներմուծեն իսկական արևմտյան արժեքներ: Արևմուտքում էլ կհավատան: Բայց դառնանք Ռուբեն Վարդանյանին:


Ավարտելով Մոսկվայի պետական համալսարանը և Ամերիկայում ինչ-որ հարվարդներ կամ դրանց կից դասընթացներ՝ նա շատ արագ իրեն շատ լավ դրսևորեց մասնավոր բիզնեսում: Դարձավ մուլտիմիլիոնատեր, ստեղծեց արտասահմանում ամենակասկածելի կապերը: Իսկ հետո որոշեց նաև հայրենիքով զբաղվել: Այդ ժամանակվա վարչապետը` Տիգրան Սարգսյանը, նույնպես ինտելիգենտ է, և սրանք մեծ բարեգործական ծրագիր մշակեցին, անունն էլ դրեցին «Դիլիջանի միջազգային դպրոց»: Բնականաբար, դպրոցի կառուցումը և հետագա գործունեությունը լուրջ գումարներ էին պահանջում, իսկ քանի որ վճարելու ցանկություն չկար, բայց կար այդ ծրագիրն իրականացնելու և մեծ բարերար հռչակվելու ցանկություն, Ռուբեն Վարդանյանը որոշեց այդ փողը սարքել հենց Հայաստանի հաշվին, և դրա մի մասը նվիրել պատմական հայրենիքին: Այդպես էլ եղավ:


ՀՀ Ազգային ժողովը 2013թ. հատուկ Ռուբեն Վարդանյանի համար օրենք ընդունեց` կառավարության առաջարկով: Կարճ ասած, օրենքի իմաստն այն էր, որ Ռուբեն Վարդանյանը լուրջ փող սարքի Հայաստանում` հարկային և մաքսային արտոնությունների հաշվին, դրա մի մասը ծախսի դպրոցի վրա, մյուս մասն էլ, հավանաբար, կիսի Տիգրան Սարգսյանի հետ: Եվ օրենքում Տիգրան Սարգսյանն ամրագրեց հետևյալը.


«1) կազմակերպությունների (խոսքը Ռուբեն Վարդանյանին պատկանող և դպրոցի շինարարության հետ կապ ունեցող կազմակերպությունների մասին է - խմբ.) կողմից ապրանքների ներմուծումն ազատվում է ավելացված արժեքի հարկից և մաքսատուրքից.


2) կազմակերպություններին Հայաստանի Հանրապետության տարածքում ապրանքների մատակարարումը և ծառայությունների մատուցումը (այդ թվում` անհատույց կամ մասնակի հատուցմամբ) ազատվում են ավելացված արժեքի հարկից.


3) կազմակերպությունների զուտ շահույթը` մինչև հարկումը, կամ դրա այն մասը, որը մինչև հաշվետու տարվան հաջորդող տարվա ապրիլի 15-ը օգտագործվում է (ներդրվում է) ծրագրի շրջանակներում, ազատվում է շահութահարկով հարկումից.


4) կազմակերպությունների կողմից ոչ ռեզիդենտ կազմակերպություններին վճարվող` գործող օրենսդրության համաձայն, հայաստանյան աղբյուրներից ստացվող եկամուտներն ազատվում են ոչ ռեզիդենտի շահութահարկից.


5) կազմակերպությունների կողմից ֆիզիկական անձանցից հող ձեռք բերելու համար վճարվող եկամուտներն ազատվում են եկամտային հարկով հարկումից»:


Ինչպես տեսնում ենք, այս օրենքով Վարդանյանին հնարավորություն է ընձեռվում օդից, առանց որևէ ներդրման, դիզել հսկայական կարողություն: Ինչ ասել է հարկերից և մաքսատուրքից ազատված ներմուծում` հայտնի է բոլորին, այս մասին երկար խոսելու կարիք չկա, ասենք միայն, որ դա անսահման և անքանակ փողերի աղբյուր է:


Դժվար է ասել, թե որքան խերվեց Ռուբեն Վարդանյանն այս օրենքից, բայց ստույգ կարելի է ասել, որ նա, բացի դպրոցի համար նախատեսված գումարից, բավական փող գրպանեց, և դա էլ քիչ է` բարերար դարձավ:


Փաստորեն, արդյունքում ստացվեց հետևյալը. Ռուբեն Վարդանյանը որոշեց բարեգործություն անել Հայաստանում, բայց չուզեց իր սեփական փողը ծախսել դրա վրա, հետևաբար, լինելով ինտելիգենտ, այսինքն` ճկուն ուղեղի տեր, նա երջանկահիշատակ Տիգրան Սարգսյանի հետ մեխանիզմ մշակեց, որի շնորհիվ և՛ մեծ փող աշխատեց (այն ժամանակ մամուլը գրում էր, որ Վարդանյանին տրված է 1,5 միլիարդ դոլարի ազատ ներմուծման իրավունք, դա նշանակում է, որ նա վաստակել է մոտ 300 միլիոն դոլար, դպրոցի կառուցման արժեքն էլ 110 միլիոն էր, թեպետ ճշգրիտ թվերը պարզել անհնար է` դրանք հասու են միայն Ռուբեն Վարդանյանին և նրա հայաստանյան գործընկերներին), այսինքն` թալանեց մեր պետբյուջեն, և՛ թալանածի մի մասով դպրոց կառուցեց: Եվ դասվեց հայ ժողովրդի նորագույն սրբերի շարքին: Հարց. ո՞վ չէր կարող անել նման բարեգործություն, ո՞վ չի կարող և ո՞վ չի համաձայնի պետական բյուջե թալանել, եթե տան այդպիսի հնարավորություն, և թալանածի մի մասն էլ ուղղել բարեգործության: Կարծում ենք, այս հարցի պատասխանն ակնհայտ է:


Սակայն հարցեր կան, որոնց պատասխաններն ուղղակի գոյություն չունեն: Օրինակ, զարմանում ես, թե միթե հայ ժողովրդի մտածողությունն այն աստիճան իռացիոնալ է, որ այլասերում ու նենգափոխում է ամեն ինչ և հանրային կարծիքը որևէ հարցի շուրջ չի գալիս օբյեկտիվ եզրահանգման: Ինչ-որ մի կասկածելի մեկը գալիս է Բեյրութից, աշխատում է «ՎիվաՍելի» գործադիր տնօրեն, լափում է ընկերությունը, կաշառակերությամբ է տարվում, իսկ երբ իբր թե բարեգործության վրա ծախսում է սեփականատիրոջ, տվյալ դեպքում` ռուսական ՄՏՍ-ի փողերը, ապա համոզում է հայ ժողովրդին, թե հենց ինքն է բարերարը, այլ ոչ թե ՄՏՍ-ը, իսկ հանրային կարծիքն էլ ընդունում է այդ վարկածը` հասկանալով միաժամանակ, որ բարերար պետք է որ համարվի զոհաբերած գումարի տերը, այլ ոչ թե տնօրինող մենեջերը: Գալիս է մեկը Մոսկվայից, ինչ-որ գեղեցիկ գաղափար է հնչեցնում, օրենքի ուժով ստանում է լայնածավալ թալանի իրավունք, թալանածի մի մասով իրոք լավ գործ է անում, և նույնպես հռչակվում է բարերար: Զարմանալի է և անհասկանալի...


Ինչևէ, շնորհավորենք Ռուբեն Վարդանյանին նրա հաջողությունների համար պատմական հայրենիքում: Ցանկանանք նրան նորանոր ֆոտոսեսիաներ արքայազն Չարլզի և աշխարհի մյուս այլասերուկների հետ: Լուսանկարներից բացի, նրան ցանկանանք նաև նորանոր ծանոթություններ համաշխարհային շոու բիզնեսի և արվեստի ոլորտներում, ընդ որում՝ այնպիսի հաջողությունների նա հասնի այդ գործում, որպեսզի Հայոց ցեղասպանության հաջորդ տարելիցին կարողանա Հայաստան բերել Պիեր Ռիշարին: Եթե դա էլ նա արեց, ապա, կարծում ենք, նրա հեղինակությունը Հայաստանում այնպիսի բարձունքների կհասնի, որ դրանցից այն կողմ էլ բան չի մնա աշխարհում: Եվ նա, հագենալով Հայաստանից և իր բարերարությունից, կդադարի այլևս այս երկրում որևէ ծրագիր իրականացնել, իսկ դա նշանակում է, որ Հայաստանի պետական բյուջեին սպառնացող վտանգներից մեկը կչեզոքանա: Եվ հանուն այդ չեզոքացման արժե, որ այսօր մենք Ռուբեն Վարդանյանին ցանկանանք ամեն ինչ և ամեն բարիք, միայն թե նա հեռու մնա մեզնից և իր համար մեկ այլ տարածք գտնի աշխարհում՝ թալանածի հաշվին բարեգործությամբ զբաղվելու նպատակով:






Դիտումների քանակ 114454


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Փաշինյան Նիլոլը` ԱԻ նախարա՞ր

Փաշինյան Նիլոլը` ԱԻ նախարա՞ր

Հունիսի 5, 2018


Երբ դժգոհ քաղաքացիները բողոքի ակցիաներ են կազմակերպում և փակում են քաղաքի փողոցները, վարչապետ Նիկոլ Փաշինյանն ուղիղ եթերից դիմո...

Նիկոլի հանքերն ու «սաբոտաժնիկ» ժողովուրդը

Նիկոլի հանքերն ու «սաբոտաժնիկ» ժողովուրդը

Մայիսի 24, 2018


Ամուլսարի ոսկու հանքավայրի մասին բնապահպաններն ու քաղաքացիները առաջին տարին չէ, որ ահազանգում են: Այս վտանգավոր հանքն իսկական պ...

Թեկուզ ջրհեղեղ

Թեկուզ ջրհեղեղ

Ապրիլի 24, 2018


Սերժ Սարգսյանի հրաժարականի ու իշխանափոխության լուրն առնելուն պես մեծ արագությամբ Մոսկվայից Երևան էր հասել հայտնի գործարար, «Ավր...

Չարլզի երազանքը տամպոն լինելն է

Չարլզի երազանքը տամպոն լինելն է

Սեպտեմբերի 1, 2017


Երեկ առաջադեմ համաշխարհային հանրությունը նշում էր տխուր տարեթիվ՝ արքայադուստր Դիանայի զոհվելու 20-րդ տարելիցը։ Արքայադուստրը ավ...

Լֆիկը Կատարի հույսն է

Լֆիկը Կատարի հույսն է

Հունիսի 6, 2017


Կատարը՝ աշխարհի ամենահարուստ պետությունը (բնակչության մեկ շնչի հաշվով ՀՆԱ-ն մոտ 130.000 դոլար է), հայտնվել է մեկուսացման մեջ։ Մ...

Ռուբեն Վարդանյանի երազելու ու չերազելու կապակցությամբ

Ռուբեն Վարդանյանի երազելու ու չերազելու կապակցությամբ

Մայիսի 29, 2017


Հայ ժողովրդի ամենավտանգավոր արտադրանքներից մեկը` Վարդանյան Ռուբենը, որն «Ավրորա» մրցանակաբաշխություն է հորինել Հայաստանում, պար...

Մոտենում են Ռուբեն Վարդանյանի և նրա կնոջ կրիտիկական օրերը

Մոտենում են Ռուբեն Վարդանյանի և նրա կնոջ կրիտիկական օրերը

Դեկտեմբերի 6, 2016


Ռուբեն Վարդանյանը հայ ժողովրդի ամենավտանգավոր զավակներից մեկն է` նա ինտելիգենտ է ներկայանում, բայց նրա տված վնասը չի համեմատվի ...

Պահպանակները` Ռուբեն Վարդանյանի և արքայազն Չարլզի գլխներին

Պահպանակները` Ռուբեն Վարդանյանի և արքայազն Չարլզի գլխներին

Դեկտեմբերի 4, 2016


Շատ է գրվել այն մասին, որ ՀՀ ղեկավարությունը ինչ-որ «Լիդիան Արմենիա» ընկերության հետ որոշել է հայ ժողովրդին զրկել Սևանից և Ջերմ...

«Գլոբալ հայերի» եվ մյուսների գլորվող փուչիկը

«Գլոբալ հայերի» եվ մյուսների գլորվող փուչիկը

Նոյեմբերի 1, 2016


«Նյու Յորք թայմս» աշխարհահռչակ օրգանը աշխարհի նշանավոր հայերի համազգային տագնապն ու համերկրային ցասումն է հրապարակել։ Գլոբալ հա...

Ռուբեն Վարդանյանի ձախողված առևտուրը

Ռուբեն Վարդանյանի ձախողված առևտուրը

Սեպտեմբերի 27, 2016


Գործարար Ռուբեն Վարդանյանը վերջին տարիներին սկսել է հաճախ վերհիշել Հայաստանը (առաջներում այդպես չէր): Մեծ-մեծ նախագծեր է իրական...

Քաղաքականի ու ֆինանսականի օրենքները

Քաղաքականի ու ֆինանսականի օրենքները

Հունիսի 30, 2016


Այսօրվա ընդհանուր լրահոսից երկու դրվագներ անմիջապես ուշադրություն են գրավում: Առաջինը կապված է «Հայ կանանց ճակատի» ներկայացուցի...

Ռուբենի քաղաքն ու Ռուբենի մարդը

Ռուբենի քաղաքն ու Ռուբենի մարդը

Հունվարի 29, 2016
2

Ռուսաստանաբնակ հայ գործարար Ռուբեն Վարդանյանը Դիլիջանում խոշոր ներդրումներ կատարելուց հետո իրեն ներշնչել է, որ արդեն բոլոր իրավ...

Ռուբեն Վարդանյանը հեռվից հեշտ է սիրում Հայաստանը

Ռուբեն Վարդանյանը հեռվից հեշտ է սիրում Հայաստանը

Մայիսի 25, 2015
3

RVVZ հիմնադրամի համահիմնադիր, UWC Դիլիջան քոլեջի հիմադիր-գործընկերների խորհրդի նախագահ Ռուբեն Վարդանյանի մասին որոշ դեպքերում կ...

Голод не тетка
07.12.2018 | 12:44


Голод не тетка

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
Տիտանների պայքար
Դեկտեմբերի 15, 2018


Տիտանների պայքար

Վենդետան թափ է հավաքում
Դեկտեմբերի 13, 2018


Վենդետան թափ է հավաքում

Տիտանների պայքար
Դեկտեմբերի 15, 2018


Տիտանների պայքար

Վենդետան թափ է հավաքում
Դեկտեմբերի 13, 2018


Վենդետան թափ է հավաքում

Տիտանների պայքար
Դեկտեմբերի 15, 2018


Տիտանների պայքար

ՀԱՐՑՈՒՄՆԵՐ







Քվեարկությունների արխիվ